أسعار الكرانيش وبيت النور وبيت الستارة الجبس؟

**ahmedkhairy** · 16-01-2013 09:51 AM

متابع

**kelkholy** · 05-02-2013 09:28 PM

المشاركة الأصلية كتبت بواسطة دموع الثلج

السلام عليكم

حضرتك متر الكرانيش او بيت النور بيحسب بالمتر الطولى بتشوف بتحسب الاوضة ( الطول +العرض ) وتضرب الناتج فى 2

اما الاسعار بتبقى على حسب المناطق يعنى لو منطقه راقيه هتلاقى سعر المتر اغلى من منطقه شعبيه
وسعر متر الكرنيشه 15 جنيه وبيت النور 50 دى اسعار رخيصه الا اذاااااااا

سعادتك لازم تسال الصنايعى هل سعر متر الكرنيشه 15 جنيه شامل مونه و تركيب ولالالالالا دى مصنعيه تركيب بس وانا اللى هشترى لك الجبس.........

اما اسعار السوق الحالية الكرنيشه اى ارتفاع واى شكل مونه ومصنعيه اااقل سعر من 22: 25 جنية
وسعر بيت النور مفتوح او مقفول يبداء من 60 :80 جنية مونة ومصنعية على حسب الشكل وهل فيه كرفات كثير ولا خط مستقيم وفيه اسعار اعلى كمان لو كان فيه شغل اكثر فبيت النور

انا كنت فى ورش الجبس اللى ف السيدة عائشه ودى اخر اسعار عرفت اوصلها بعد الفصال
وبيت النور كان كورنيشه 25 سم تحت وبلاطه فيها فتحات الاسبوتات وسماعات الساوند وكورنيشه فوق 30سم
الرجل طلب 100 جنيه للمتر وبعد الفصال اتفقت على 60 جنية بطلوع الروح توريد وتركيب بس العربيه اللى هتنقل من الورشة على حسابى
نصيحتى لازم تشوف عيانات من شغل الصنايعى لانه ممكن تقفيله فيه عيوب ولازم تعرف الاسعار دى توريد وتركيب ولا تركيب بس وبلاش تتفق مع صنايعى على تركيب بس ويقولك هاتلى انت الجبس لانه هيستهبل ويهدرلك جبس على الارض بالهبل ماهو انت اللى شارى هو مش خسران

ممكن لو سمحت تساعدينى انا محتاج شخص يشتغل فى كرانيش الشقة ويكون فاهم شغله كويس وثقة ولك منى جزيل الشكر

**Ahmed_Adham** · 06-02-2013 06:04 PM

المشاركة الأصلية كتبت بواسطة greenday

هو الكرانيش وبيت النور وشغل الجبس ده بيتعمل قبل السيراميك ولا بعده

قبل السيراميك وتكون الارض لسه على الاسمنت بدون رمل عشان متبهدلش الرمل وبعد ما بتاع الجبس يخلص شغله لازم تنضف الارض من الجبس قبل ما تحط رمل السيراميك عشان لو الجبس تحت السيراميك ممكن يفوره.

المشاركة الأصلية كتبت بواسطة a.saad

انا سمعت عن كرانيش فوم مضغوط ايه رايك فيها

أنا ركبتها في المطبخ والحمام عشان أداري الفتحه الصغيره اللي بيسيبها المبلط في الحوائط من فوق قبل السقف واللي قالي عليها كان النقاش وكان اسمها "بيوتيك" تقريبا وكنا جايبينها من توكيل بويات جوتن وكان المتر بيبدأ من 8 جنيه لحد 24 تقريبا حسب السمك والنقشه وبتركب بعلبه صمغ وجه فني من عندهم ركبها ب 50 جنيه شامله الصمغ وتركيبها كان سريع جدا (خلص المطبخ والحمام في ساعه تقريبا) وشغل نضيف جدا خلاني أندم اني معملتش الاوض والطرقه كده كمان انما الريسبشن لازم يبقى جبس عشان لو عايز تلونه هيبقى تلوين الجبس احسن من تلوين الفوم.

**yasmin_hossam** · 04-03-2013 10:12 AM

المشاركة الأصلية كتبت بواسطة دموع الثلج

كله بيتحسب متر طولى بيت النور زى الكرنيشه

هو بيت النور فى حيطه واحده ؟
ولا الاربع حيطان لو الاوضه عندك 3.5 طول + 3.5 عرض * 2 = 14 متر
انما لو فى حيطة واحده يبقى بيستعبط
احنا حاسبنا الراجل فى بيتنا بالمتر الطولى الريسبشن كان مجموع اطوال الحيطان 50 متر وضربناهم ف السعر

لو بيت النور اللى مختاره فيه دورانات كثير بيحسبو المتر ضعف قد مترين من العادى على اساس ان الدورنات بتتعبهم ف الشعل

هديلك رقم واحد بتاع جبس محترف ممكن تتصل بيه وتساله المتر بكم وبيتحسب ازاى بس هيقولك

01009874342 الاسطى عماد اساله

من فضلك الاسطى عماد ده شغله كويس انا محتاسة جدا الايام دى فى موضوع الكرانيش و محتاجة مساعدة