انا طبيب اسنان دفعة 2010
بفكر اسافر المانيا اكمل دراسة وشغل هناك
ايه المطلوب؟
لغة ؟
معادلة؟
حد عنده فكرة يفيدني سواء دكاترة او لأ ؟؟؟
عرض للطباعة
انا طبيب اسنان دفعة 2010
بفكر اسافر المانيا اكمل دراسة وشغل هناك
ايه المطلوب؟
لغة ؟
معادلة؟
حد عنده فكرة يفيدني سواء دكاترة او لأ ؟؟؟
بص حضرتك موضوع انك تروح شغل دى هناك صعبه و فى الاغلب مش هتعرف تاخد فيزا لأنك هتبقى محتاج جهه sponsor ليك و ده هيبقى صعب لأن انت شهادتك لسه محتاجه معادله بالاضافه لموضوع اللغه . الحل الاوقع انك تروح هناك بفيزا دراسه و اعتقد أنهم ممكن يسمحولك انك تشتغل عدد ساعات محدود بجانب الدراسه ممكن ما يكونش مهنتك علشان تجيب مصاريف الدراسه و من خلال الدراسه هناك و أخذ شهاده من عندهم ده هيسهل لك قوى انك تلاقى شغل كويس و تحصل من خلالها على فيزا اقامه عاديه مش دراسه. لو عايز تمشى فى السكه دى يبقى تدور على الجامعه اللى تعجبك من خلال الانترنت و تشوف شروط التقديم ايه و المصاريف و كل المعلومات عنها بتبقى مكتوبه على الموقع و كمان الايميلات بتاعتهم و أرقام التليفونات لو عايز تستفسر عن اى حاجه. بالنسبه لاختيار الجامعه نفسها انا مش هاقدر أفيد حضرتك لانى مش دكتور و لكن بصفه عامه الجامعات اللى فى الجزء الشرقى بتبقى انسب و شروطها ايسر شويه من جامعات ألمانيا الغربيه. انا عارف ان المانيا اتوحدت سنه ١٩٩٠ على فكره بس ده جغرافيا لكن فعليا فى فروق فى العقليات و الجزء الشرقى بيبقى متقبل الوافدين من الدول اللى على قد حالهم زينا اكتر من الجزء الغربى
طيب
وفيزا الدراسة دي اقدر احصل عليها بسهولة من السفارة ؟؟ عندك فكرة عن شروطها؟
ولازم اخد لغة برضه قبلها ؟؟
لو لقيت جامعه تكمل فيها دراستك و اتقبلت فيها هما هيبعتولك الاوراق اللازمه للحصول على فيزا الدراسه من عندهم و بالتالى لازم زى ما قلت لحضرتك تدخل على موقع الجامعه اللى عايز تدرس فيها و تشوف شروط الالتحاق ايه بالضبط و تجهز الأوراق و تعرف قد ايه المصروفات وكده يعنى وكله بيبقى مكتوب على الموقع و ممكن لو مش مش متأكد من حاجه تبعتلهم ايميل او تكلمهم حتى وزى ماقلتلك بعد لما تتقبل هما هيبعتولك الاوراق اللى عن طريقها تقدر تروح القنصليه و تقدم على الفيزااقتباس:
المشاركة الأصلية كتبت بواسطة rafe3_dent
روح daad فى الزمالك
11, Sh. Al-Saleh Ayoub /Zamalek , Cairo, Egypt, 11211
DAAD - Branch Office Cairo - Welcome to the DAAD Office in Cairo!
https://www.facebook.com/daad.cairo.office/info
بس اتصل خد معاد و هم هيقولولك على كل حاجه ممكن تفكر فيها ... بس جهز اسئلتك
بس يا سيدى الفاضل انا معايا تاشيره سنه لالمانيا ولسه جاى من هناك الاسبوع اللى فات انا مهندس عشان اشتغل هناك لازم اعمل معادله هناك والمعادله بتكون باللغه الالمانيه يبقى لازم تتعلم وتمتحن المانى الاول
المعادله للهندسه اربع فصول على سنتين ولازم طبعا تشتغل لان الدراسه والسكن غاليين جدا ومش هتعرف تشتغل غير شغل غير رسمى يعنى فى بار فى مطعم شيال بفلوس قليله وعدد ساعات قليله
لو انت ناةى تروح كلمنى اديك عنوان مكان كويس فى ميونخ وليه فروع فى عده مدن المانيه برضه نظيف ورخيص انا اخر مره نزلت فيه مقارنتا بالمرتين اللى فاتوا ده رخيص جدا
الجامعه اللى هتدرس فيها هتخليك تاخد التاشيره بسهوله واحد صاحبى راح خاد كورس 3 شهور السنه اللى فاتت والتاشيره كانت منتهه السهوله عشان الجامعه
ابشرك بالخير بقى انا كنت فى مترو الانفاق هنا لاقيت اعلان من الاعلانات المتعلقه لطبيب اسنان اسمه مصرى خالص ممكن ابقى ابعتلك الصوره لو تحب
ربنا يوفقك واى سؤال انا تحت امرك انا عشت هنا كدا حتى الان تقريبا شهر
بس ياتري ففيه في المانيا زي كدا البيوت اللي ايمع عنها انها في انجلترا تقدر تقعد مع ناس و بفلوس ارخص من الاوتلات ؟؟؟؟
موجودةاقتباس:
المشاركة الأصلية كتبت بواسطة hamdy
اسنان فرص شغلهم بمرتب فى المانيا صعبة جدااقتباس:
المشاركة الأصلية كتبت بواسطة rafe3_dent
لكن الدراسة على حسابك متوفرة
فعلا زى مالاستاذ لاند كروزر قال ده تقريبا الحل
يااما تتجوز المانيه وتسافر :d وتقص السكه
ربنا يوفقك
اولا شكرا ليكم
ثانيا: اللي انا فهمتو دلوقتي الخطوات المطلوبة دلوقتي هيا :-
1-ابحث عن جامعة واعرف الشروط وابعتلهم .. ولو قبلوني يبعتولي الورق
2-اروح السفارة عشان الفيزا ((( اللي المفروض هتبقى سهلة عشان الجامعة اللي قبلتني )))
3-اسافر بقى واعمل معادلة هناك
صح كده ؟؟
دلوقتي بقى (( معلش بسأل كتير بس عشان اكون صورة كاملة عن الموضوع )) ...
1-قبل اي حاجة لازم آخد كورس الماني من مكان معتمد زي جوتا هنا في مصر ؟؟ ولا من هناك ؟؟
2-المعادلة المطلوبة لازم تكون باللغة الالمانية؟ ولا ليها امتحانات في مصر ؟
3-شغل الاطباء في المانيا صعب للدرجة دي؟
يعني كل المرمطة دي وفي الاخر آخد الشهادة وارجع مصر؟؟ :d :d
سيبكو من كل اللي فوق ده بقى وقولولي الالمانية دي الاقيها فين عشان اختصر واسافر علطول هههههههههههه
بص يا فندم
انا عايز اخد MBA في كندا تبع جامعه معينه هناك و الكاشات جاهزه و الحمد لله و لكن الناس اللي فاهمه في الحوار ده فهموني ان حتي الفيزا الدراسه غالبا هتترفض لان حال البلد سياسيا غير مستقر و المجتمع الغربي عموما متوقع انقلاب عسكري وشيك في مصر بغض النظر عن ان ده هيحصل و لا لأ و لكن هما بيفكروا كده
فبلاش تروح تقدم علي فيزا و تترفض لان لما هتعمل اعاده تقديم ممكن الدنيا تتعقد معاك
و بعدين اشمعني المانيا ؟ عندك كندا و امريكا و اهه علي الاقل انجليزي و السلام
فنصيحه لوجه الله
استني لحد ما الاحوال تستقر و انا عن نفسي عامل كده مع اني عايز اسافر النهارده قبل بكره بس خايف من موضوع رفض الفيزا ده
في نقطه تانيه
دلوقتي هل معاك فلوس باليورو ؟ اليورو = 8 جنيه و 75 قرش يعني حرام تحول فلوس مصري دلوقتي لاي عمله تانيه في ظل تعويم حبايبنا للجنيه
صدقني هتخسر كتير و انا شغلي واقف بسبب موضوع التحويل الزفت ده
حاليا ممكن تعمل ايه ؟؟؟؟؟؟؟؟؟؟؟؟؟؟؟؟؟؟
تاخد كورس الماني full range في مركز لغات معتمد مثلا زي اكسون
تتابع سعر العمله يوم بيوم و تسأل الناس اللي فاهمه في الموضوع ده
صدقني موضوع تحويل العمله ده مهم جدا و هيبقي فيه خساره فادحه في ظل تعويم الجنيه
انا بالفعل فكرت في كندا وامريكا
بس بالنسبة لمجالي انا طب أسنان الموضوع مكلف جدا جدا جدا
عشان كده فكرت في المانيا ومشكلة اللغة دي سهلة
وبعدين حضرتك بتقول المانيا الفيزا صعبة .. يبقى امريكا اصعب واصعب مش كده ؟؟!!
ولا في سكة تانية ؟؟
وموضوع تعويم الجنيه عندك حق فعلا
والبلد فعلا في الناااازل لما الواحد معدش عارف آخرتها ايه
وده اللي مخليني افكر جديا في السفر
يا باشا اى معلومات خدها من daad ده حاجه تابعه للسفاره و هيقولولك على نظام الفيزا و الكورسات والدراسه و كل حاجه
كده ممكن نفكر فعلا
وشوف الجامعة الي عايز تروحها وترسل لك موافقة .. وفي جامعات الدراسة بالانجليزي ودي الحالة الوحيدة الي ممكن تسافر بدون الماني بس يفضل الماني ..
كنت متفق مع واحد صاحبي علي دراسة في المانيا بس جه موضوع الجيش واتاجل هو استغل الجيش وفاضلة ليفل واحد ويخلص الالماني كلة وانا هجرب بالانجليزي وربنا يسهل ..
أنا عندي خطة d: ونفسي احققها ..
هو حتي لو الدراسة في البلد بتكون بلغتها لكن ابشروا .. موجود في ألمانيا أو فرنسا دراسة بالانجليزي
أنا مهندس وناوي ادور علي ماجستير في ألمانيا او فرنسا .. الموضوع مش صعب للدرجة
زميلي عمل ماجستير في فرنسا بس كان بالفرنساوي
وزميل تاني ذاكر الماني واشتغل مهندس في المانيا
المصرايف مش كتيرة للدرجة ... ممكن السنة تكون ب 300 يورو مثلا ..
وفي شغل حتي لو مش في المجال .. بس لما الواحد يخلص دراسة من عندهم اكيد الشغل هايكون اسهل.
وانا اقترح موضوع daad :)