مشكله بخصوص قواعد موتور النوبيرا
السلام عليكم
من اسبوعين كده كنت بعمل شغل فى العفشة فى مركز زهران فى مدينة نصر
سيبتله العربيه وروحت الشغل عشان شغلى قريب منه
المهم اتصل بيا وقالى فى 3 قواعد للموتور ضايعه .. الامامية والخلفيه والشمال اللى تحت قربه الميه
قولتله خلاص غيرهم اللى شايفه صح اعمله:049:
غيرهم وياريته ماغيرهم لقيت العربية على السلانسيه بترعش جامد مع انها كانت ناعمه جدا ومش بحس بأى رعشه فى الصالون كأنى مش مدور اصلا
شديت معاه و مشيت بعد ماحسيت انهم اغبيا ومش هايفدونى بأى حاجه :Ka_che1[1]:
مع ان فعلا القواعد اللى فيها كانت مقطعه بس مكنتش بتعمل رعشه
ومن كام يوم روحت لمكانيكى جارنا فى شبرا غيرلى القاعده الخلفيه بواحده استيراد وفعلا الرعشه قلت للنصف وقالى لما تغير الامامية بواحد نضيفه العربية هاترجع ناعمه والقواعد اللى غيرهالك زهران دى ردئيه جدا ومضروبه وناشفه ولازم القاعده اللى قدام او ورا تكون طريه عشان بتاخد وتدى
ومن ساعتها ونا خايف اشترى قاعد امامية جديده لحسن تكوت مضروبه وناشفه زى اللى فاتت
ومش لاقى قاعده استيراد نضيفه :dzey:
:B4_592: وانا اسف على الرغى الكتير ده
وياريت لو حد يعرف قاعده كويسه يقولى اجبها منين