طلب مساعدة في uno 1400 cc

السلام عليكم و رحمة الله
عندي Fiat Uno 1400 CC و عندي مشكلة ان الكربراتير بيزوّد لوحدو ، ( يعني من غير ما ادوس بنزين بيعمل كأني عمال ادوس بنزين و اشيل كل شوية ) و النتيجة من الموضوع ده ، ان ريحة العادم نيّء بتخرج من الشكمان ، كمان العربية اول لما اتحرك تنتش مني لحد لما ادوس دوسة جامدة على دواسة البنزين
للعلم ، العربية Half injection اعتقد انه نفس موتور الـ Tipo 1400
انا اعتقد و ماعرفش كلامي صح ولا غلط ان المشكلة في الشيباية اللي جوا الكربراتير ، هو ده شكلو
http://www.junkmail.co.za/images/lar...3_7207024_.jpg

بطلب منكم لو تعرفو سبب العطل ده ايه تعرفوني ، و لو فعلا الكربراتير هو المشكلة ، اجيبو منين و بكام ، و هل ينفع اغير الشيباية اللي جوا الكربراتير بس ولا لازم اغير الكربراتير كلو ؟
و شكرا جدا :)

اه ، فيه حاجة كمان نسيت اقولها ، اني اول لما ادّي كونتاكت ، حتى من غير ما ادوّر العربية ، بسمع زنّة عالية متصلة من فيشة واصلة بالكربراتير ( هو فيه 3 فيش ، واحدة منهم اللي بتزن ) لو شيلت الفيشة دي صوت الزنة يروح بس العربية ماتدورش و لو شيلتها و العربية دايرة العربية تبطل ،
يا جماعة ارجوكم لو حد يعرف يفيدني ، لحسن انا فعلا تعبت من العربية دي

هو حضرتك متأكد أن عندك كاربيراتير ؟
انا علي حد علمي أن الـ half injection ده رشاش واحد single point بس مش كاربيراتير ...
وتقريبا بردو مشكلتك والله أعلم حلها إنك تنظف البوابة ...
بالنسبة للزنة دي فهي صوت طرمبة البنزين ..

.

استاذ graffittiii ، اشكر حضرتك جدا ، و ده اولا :)
ثانيا ، هو فعلا single point injector بس الصنايعيه بيسموه كربراتير ، فانا قولت خلاص ، مش مشكلة اياً كان اسمو ، المهم انو يتصلح
انا عملت بالفعل طقم اصلاح و نظافة للبتاع ده كذا مرة و النتيجة انو مافيش جديد ، دي حاجة ، اما موضوع الزنّة ، فهي موجودة طول الوقت و بصوت عالي جدا ، و الكلام ده ماكنش كده في الاول ، مجرد ما صوت الزنّة بقى متصل و عالى كده ، العربية بئت مهيسة على الآخر ، لكن قبل الزنّة دي ماتطلع ماكنش فيه اي مشاكل ،
و لو حد يعرف ميكانيكي شاطر جدا و سعرو حنين متخصص فيات او مركز صيانة متخصص ، امين و الناس اللي فيه شطار و برضو سعرو كويس ياريت يدلني عليه
و هيعمل فيّ جميلة انو يكون جنب المهندسين
شكرا ليك مرة تانية يا graffittiii :)