اليوبيل الذهبي للوجان mcv و اول 100000 كم
أخيرا 100 الف كم باللوجان mcv
العربية معايا من 2009 يعني كمان شهر و تقفل 4 سنوات
الحمدلله العربية ماسكة نفسها و ما اتبهدلتش بسم الله ما شاء الله لا قوة الا بالله
صياناتي كلها كانت في مركز الخدمة المعتمد و في التوكيل و كنت حريص جدا في مواعيدها حتي صيانات ال 5000 كم مكنتش بفوتها
اوراق الصيانة و الفواتير كلها معايا و محتفظ بملف كامل للعربية
تقييمي للعربية من واقع تجربتي خلال الفترة دي انها عربية اعتمادية و عملية بشكل كبير و تستحق فلوسها
الحمدلله مفيش مشاكل كبيرة ظهرت في العربية
الخبر الوحش ان العربية هتحتاج طقم مساعدين امامي لأن المساعد الامامي شمال ضرب و جايب زيت و فعلا بقالي فترة بحس ان العفشة بتدب في المطبات غير الاول
بفكر اغير بلية الدينامو لانها متغيرتش خالص قبل كدا و لا حتي في صيانة ال 60 الف وبسمع صوت ونه خفيف في بداية تشغيل العربية و هي باردة
دراع النور و الاشارات مبيشغلش النور العالي و الرعاش بسبب عطل في المفتاح نفسه كنت كتبتها قبل كدا هنا في قسم الرينو لوجان و لسه مجبتش دراع جديد لأني مسفرتش القاهرة
بصراحة كنت فكرت اشتري جديد و لكني ملقتش عربية بنفس المواصفات بتاعة اللوجان اللي معايا من ناحية الوسع الداخلي (7 راكب) و قوة المحرك و الارتفاع عن الارض و خدمة ما بعد البيع من توكيلات و قطع غيار و اخيرا السعر
بصراحة معرفش الجراند التيريوس اخبارها ايه من ناحية الوسع و الموتور بس في الاخر تمنها 160 الف في مقابل اللوجان 110 الف !! فرق سعر مش بسيط لفروق انا غير مهتم بيها
عيب اللوجان الوحيد انها خشنة شوية و عزل الصوت محتاج شغل
اللي يحب يستفسر عن حاجة انا تحت امره
عقبال عندكم يا لوجانيه
http://nileup.com/up/uploads/nilemotors_13582301601.jpg[/url][/IMG]
http://nileup.com/up/uploads/nilemotors_13582301602.jpg[/url][/IMG]