المشاركة الأصلية كتبت بواسطة dr.hazem
طيب......
موضوع الاستهلاك حاجات كتير تلعب دور فيه...
وعشان نكون موضوعيين شويه هحاول اتكلم عن الحاجات اللي متمش الكلام عليها على قد ما اعرف...
عشان نبدا صح لازم نتأكد ان ضغط هوا العجل مظبوط صح والكاوتش بارد...
بالنسبة للكاوتش انا رياح جاى على بتاع الكاوتش ههههههههههه وحكيت القصة فى المشاركة السابقة وكل مرة بخليه يراجع على ضغط الهواء ... فى الصيف بضبط الكاوتش على 30 وفى الشتاء بضبطه على 35
بعد ما تظبط حاول تاخد مشوار ولما تنزل تشوف هل في جنط سخن اكتر من الباقيين وان كنت استبعد ده....
أنا كم بستبعده لإنى مقربتش للفرامل فى الفترة الاخيرة .. بس أتاكد ازاى من حرارة الجنط وهوه عليه الطاسة ؟
بعدها نتاكد ان مفيش اي اوزان انت حاططها في العربية مكنتش موجودة فيها...
مفيش اوزان فى الشنطة غير الغطاء الوتر بروف التقيل ههههههههه
ومن ثم نبدا رحله البحث في بقية المنظومه....
هنبدا بالاسهل فالاصعب...اولا هتتاكد من فلتر الهوا ولو نوعه اول مره تستخدمه ممكن يكون وحش وكاتم الهوا فمزود الاستهلاك....
بالنسبة لفلتر الهواء يعتبر لسه زيرو شاريه من كام شهر وحريص على نظافته
بعدها ظبط الكهرباء من الكربيراتير والاسبراتير صح عند حد فاهم.. ممكن تروح لحد تاني يظبط الكهرباء وتش'ف الدنيا اخبارها ايه...
المشكلة فى حد فاهم ديه ... كل الصنايعية عاملين فيها مهندسين وبيعكوا وكل همهم الفلوس وبس ... بتاع الكربراتير لاهف 100 جنيه ومكنش عارف يضبط سلك الشفاط مكانه جتهم البلى
موضوع ترموستات الكوعه ده ضروري تحله بالذات لو طريقك فيه طوالي كتير...
كل مشاويرى داخل المدينة ... الطوالى فى الصيف أو الأجازات كل فين وفين
زيت العربية لو قديم غيره...
الزيت زيرو غيرته بعد عملية القلب المفتوح اللى حصلت للعربية ... ولأول مرة حطيت شيل الأحمر متعدد الدرجات اللى بـ 70 جنيه شارية من انظف بنزينة شل فى طنطا علشان موضوع غش الزيوت
وعندى جركن تانى شيل الاصفر وعبوة سيراتيك هحطه ان شاء الله فى تغيير الزيت القادم لما أتأكد ان الماتور بقى تمام
نخش على الأصعب.
التاكيهات مش مريح موضوع ظبطها اول مره وطلعت وحشه وبعدين ظبط تاني ممكن ملوش فيها تكون لسا عايزه. تتظبط...
ممكن تكون عوامة البنزين مخرفه فانت لازم تفول للزور وتشوف البنزين بعينك وتعمل مشاويرك وتفول تاني للزور وتشوف الاستهلاك صح....
بالنسبة للتاكيهات ومؤشر البنزين وطريقة حساب الاستهلاك
بقالى حوالى 6 شهور متابع مع اخونا جوست فى موضوعه
http://www.nilemotors.net/nile/289202-a.html
معاه عربية زى بتاعتى بالظبط
ومن أيامها وانا خلاص عودت نفسى مع كل تفويلة بصفر عداد التابلوه واحسب الاستهلاك ... مش بعتمد على المؤشر اللى فى الطابلوه
التغيير الكبير فى الاستهلاك محصلش الا مؤخراً بعد الأفلام اللى حصلت
أكثر حاجه شاكك فيها التاكيهات رغم ان صوتها هادى جدا وناعم جدا بالمقارنة بصوتها سابقاً
مع أول نزله الى الأسكندرية هروح لميكانيكى التاكيهات
ممكن لان العربية بقت تسحب معاك فانت بقيت تحرق عالغيارات وده يزود الاستهلاك....
مهو ده احتمال وارد وفى بالى على طول.. بقرص شوية فعلا اليومين دول علشان اسمع الماتور واشوف التسقيف ... بس بعد أول تفويلة لما لاقيت الاستهلاك بشع والصفيحة عملت 100 كم فقط ... انا هديت نفسى شوية وحاولت ارجع لنفس طريقة سواقتى كل اللى حصل ان الاستهلاك اتحسن بسيط جدا وبقى 113 كم للصفيحة
نخش على خراطيم البنزين الرايح والراجع لازم تراجع عليهم كويس وتتاكد ان مفيش تسريب...
انا عمال كل شوية افتح الكابوت وابص على الكربراتير واشوف فيه تسريب ولا مفيش ... وعمال احسس على الخراطيم اللى داخله عليه ومش ملاحظ اى تسريب ... وبلف حوالين العربية وبحاول اشم ريحة بنزين مش لاقى حاجه
آخر حاجة ممكن تكون التقسيمه فعلا مش مظبوطه تكون مرحله سنه بسيطة....
هبقى اروح لميكانيكى تانى يشوف التقسيمة .. المشكلة ان لما هتروح لميكانيكى تانى هيفضل يشتم فى الأولانى ويعيب فى شغله ويطلعه حمار وهوه بس اللى بيفهم
لو افتكرت حاجه تاني هرجع للموضوع ان شاء الله...
تحياتي
المفضلات