بعد تغيير طقم الصبابات وتنظيف الكربراتير استهلاك البنزين زاد !!!

**Elawany13** · 20-02-2013 10:22 PM

المشاركة الأصلية كتبت بواسطة dr.hazem

حساب الاستهلاك كده غلط!!
اولا المشاوير البسيطة بتستهلك اكتر من الطوالي....
ثانيا ركنة العربية بتدي فرصة لعامل آخر مهم انه يلعب دوره وهو التبخر...
العربيات الكربراتير بيتبخر بنزينها اكتر من الانجكش لان في خزان الكربراتير بيبقى مليان بنزي دايما....
ولو عندك غطا التنك قديم هتبخر شويه برضو...
عشان كده افضل حاجة هو الحساب عالطوالي...
ومعرفش انت ركبت الثيرموستات ولا لسا لانها هتخليك تسخن الصبح وقت اطول في ظل عدم وجودها وده بدوره بيستهلك اكتر....
وياترى مشكلة الدخنه السوده اللي هي زي مقلتلك سابقا بنزين ني فتحت مسمار الهوا شويه ولا لا؟
وكمان الفلتر القديم ده شيله وحط الجديد....
تحياتي

Sent from my SE Arc S using Forum Runner

المشاركة الأصلية كتبت بواسطة dr.hazem

لو عايز تحسب جوه البلد وكشاوير صغننه....
أفضل ما يمكن عمله هو ان تعبي البنزين لغاية الزور وتصفر عداد الرحلات وتعمل مشلويرك وانت مروح تفول تاني للزور وتشوف انت مشيت قد ايه مقابل كم لتر ودي مش دقيقة قوي لكنها هتديك مؤشر....
تحياتي

Sent from my SE Arc S using Forum Runner

فاهم قصدك فى موضوع حساب الاستهلاك فى الطوالى
أنا مع كل تفويلة بصفر عداد الرحلات وبفول لحد الزور
ودائما بحسبها مع كل تفويلة
قبل الافلام ديه كنت بحسب فى نفس المشاوير الداخلية القصيرة ونفس الركنه وكانت الصفيحة بتعمل من 140 الى 150 كم
فى المشاوير الطوالى كان الاستهلاك بيتحسن طبعا
مش عاوز اقرب لمسمار الهواء ... بتاع الكربراتير كان ظبطه وقالى متخليش حد يلعب فيه
وموضوع الدخنة السودا البسيطة اللى بتطلع لما اكبس جامد محيرنى
مش ممكن يكون كاربون متراكم جوه الشكمان وعلبة البيئة ولما بكبس بيطلع
ياعنى مش لازم يكون طالع من الماتور حالاً
العربية طول عمرها بتعرق ميه الصبح اثناء التسخين سواء قبل تغيير الصبابات او بعدها
انا رجعت الفلتر القديم كنوع من التجربه يمكن يكون الجديد مش كويس ويكون السبب والله اعلم
سلوك البوجيهات لما اتغيرت فرقت كتير يمكن تكون الاسلاك القديمة سيئة وتسببت فى ضعف الشرارة وبالتالى زيادة الاستهلاك
اما نشوف اخرتها ادينى بتابع وربنا ييسر وتخلص على خير
شكرا يادكتور حازم تعبك معايا

**Elawany13** · 20-02-2013 10:26 PM

لما ضبطت التاكيهات فى اسكندرية
لبتاع الكربراتير ضبط مسمار الهواء وقالى عربيتك زى الفل والمفروض تعمل فى الصفيحة 260 كم على الطوالى
أنا قولت فى بالى لو عملت فى المشاوير الداخلية 150حوالى كم يبقى كويس
قولتله طيب لو حسبتها ولاقيت الاستهلاك زايد
قالى يبقى هنغير بيك البنزين اللى فى الكربراتير بمقاس اقل شوية
قالى مقاس البيك عندك الفابريكة 104
هتروح تجيب 100
مش فاكر الارقام كويس
ايه رأيكم فى الكلام ده ؟
وايه اضرار تغير بيك البنزين ؟

**Elawany13** · 07-03-2013 06:24 PM

مفيش فايده بعد تغيير اسلاك البوجيهات واحساس ملحوظ بتحسن الدوراة والسحب + كمان رجعت فلتر الهواء القديم
النهاردة العربية قطعت بنزين تماماً ... البنزين خلص
تانك الشاهين 50 لتر ... عملت بالضبط 270 كم
مشاوير كلها داخلية وقصيرة مش طوالى
بحسبه بسيطة الصفيحة 20 لتر عملت 108 كم فقط !!!
نفس الإستهلاك السابق

اغير بيك الكربراتير ؟ ولا اعمل ايه ؟

**dr.hazem** · 07-03-2013 07:10 PM

المشاركة الأصلية كتبت بواسطة Elawany13

مفيش فايده بعد تغيير اسلاك البوجيهات واحساس ملحوظ بتحسن الدوراة والسحب + كمان رجعت فلتر الهواء القديم
النهاردة العربية قطعت بنزين تماماً ... البنزين خلص
تانك الشاهين 50 لتر ... عملت بالضبط 270 كم
مشاوير كلها داخلية وقصيرة مش طوالى
بحسبه بسيطة الصفيحة 20 لتر عملت 108 كم فقط !!!
نفس الإستهلاك السابق

اغير بيك الكربراتير ؟ ولا اعمل ايه ؟

هرجع تاني اعيدهالك ان المشاوير الداخلية والقصيره هي الأكثر استهلاكا للبنزين بالذات في العربيات الكربراتير....

Sent from my SE Arc S using Forum Runner

**Elawany13** · 08-03-2013 05:33 AM

المشاركة الأصلية كتبت بواسطة dr.hazem

هرجع تاني اعيدهالك ان المشاوير الداخلية والقصيره هي الأكثر استهلاكا للبنزين بالذات في العربيات الكربراتير....

Sent from my se arc s using forum runner

أنا فاهم الموضوع ده كويس
أكيد اكثر استهلاكا بس كل حاجه ليها حدود
ياباشا انا بقالى حوالى سنة أو أقل بحسب استهلاكى بعد كل تفويلة بصفر عداد الرحلات
وكل مشاويرى بنفس الطريقة داخلية وقصيرة
عمرى ما شوفت الإستهلاك ده قبل كده
أسوأ رقم شوفته زمان كان 138 كم / للصفيحة

أنت شايف انى اطنش واسيبها كده
كده طبيعى ؟

**Elawany13** · 08-03-2013 05:45 AM

المشاركة الأصلية كتبت بواسطة houras1010

الكربراتير عندك كام باب والشفاط اتوماتيك ولا مانوال وبك السلانسيه كهربا ولا عاده

المشاركة الأصلية كتبت بواسطة eacho22

لو غيرت بك السلانسيه وحصل بعدها زياده الاستهلاك يبقي غالبا هو سبب المشكله

كان عندي نفس المشكله دي في الفليشيا لما غيرت بك السلانسيه بواحد مش اصلي

استهلاك البنزين زاد بشكل ملحوظ فرق حوالي من 30 الي 40 كم في الصفيحه

ونظفت الكربراتير وظبط الخليط حوالي 4 مرات في خلال شهر ولا حياه لمن تنادي

والاستهلاك مظبطش الا بعد تغيير بك السلانسيه مره اخري بواحد اصلي

علي فكره بك السلانسيه الصيني كان برده بنفس رقم الاصلي وكان هو السبب

المشاركة الأصلية كتبت بواسطة eacho22

اضافه صغيره علشان كان بيحصل معايا

لو الاستهلاك في الطوالي بيقرب من الاستهلاك الطبيعي
وبتحصل الزياده الكبيره في القياده داخل المدينه

يبقي هو بك السلانسيه اكيد

تقريبا الكربراتير فيه 2 باب ... بالنسبة للشفاط عندى الاتنين... فيه شفاط اتوماتيك بيشتغل بالهواء لوحده لما تكون العربية باردة الصبح.. وفيه كمان شفاط يدوى بتحكم فيه بنفسى ... بيك السلانسية عندى كهرباء بس كان حصل مشكلة ان العربية بتبطل على السلانسية والميكانيكى عمله بالقصافة ولغى الكهرباء ... والعربية بقت كويسة ومش بتبطل على السلانسية ... بس انا مش برتاح للتعديلات ديه وروحت اشتريت بيك سلانسية كهرباء جديد (طبعا مش اصلى) وركبته اشتغل شوية كويس وبعدين حصلت مشكلة التبطيل على السلانسية فإضطريت ارجع تانى البيك الأصلى القديم المقصوف وماشى بيه بقالى اكتر من سنة
تقريبا العيب مش من البيك العيب من الجهاز الإلكترونى اللى البيك بياخد منه كهرباء سعره جيد حوالى 150 جنيه

قبل كده مكنتش بحطط موضوع البنزين فى دماغى
بس من ساعة موضوع قصف بيك السلانسية وانا بقيت موسوس من ناحية البنزين وبقيت بفول لحد الزور وبصفر عداد الرحلات وبتابع كل مرة
ولاحظت ان استهلاكى فى المشواير الداخلية القصيرة على فترات بتعمل من 138 كم الى 150 كم للصفيحة 20 لتر
اما المشاوير الطويلة الإستهلاك بيتحسن وبيوصل الى حوالى 170 الى 180 كم/للصفيحة 20 لتر

بعد تغيير الصبابات وبعد تنظيف الكربراتير الاستهلاك زاد ببشاعه
فيه فرق على الأقل من 30 الى 40 كم فى الصفيحه ومعتقدتش ان ده قليل

**Elawany13** · 08-03-2013 11:27 PM

غيرت بكين فى الكربراتير

-

-

الموضوع: بعد تغيير طقم الصبابات وتنظيف الكربراتير استهلاك البنزين زاد !!!

LinkBack

أدوات الموضوع

عرض

-

-

-

-

-

-

-

المواضيع المتشابهه

ياريت فديو يوضح فك وتنظيف الكربراتير

تجربتى فى فك الطرمبة وتنظيف فلتر البنزين بالصور (وليه فلتر البنزين شكله كدا)

تغيير الصبابات

إمكانية تغيير كستبانات الزيت التي تظبط الصبابات في الجولف

استهلاك البنزين عالى جدا ومشكلة فى الكربراتير

الكلمات الدلالية لهذا الموضوع

المفضلات

المفضلات

ضوابط المشاركة