امبارح و انا مروح خير اللهم اجعلة خير اذ فجاءة الشاشة بتاعة الكيلو متر ضلمت و مفيش نور بس هى فى قراية عليهافهل هى ليها لمبات بتنورها و لا هى منها فيها اضاءة
عرض للطباعة
امبارح و انا مروح خير اللهم اجعلة خير اذ فجاءة الشاشة بتاعة الكيلو متر ضلمت و مفيش نور بس هى فى قراية عليهافهل هى ليها لمبات بتنورها و لا هى منها فيها اضاءة
بسم الله الرحمن الرحيم
صلى على اللى هيشفع فيك
بص حصلت معايا وعلشان محدش يلعبلك فى حاجة بص نزل الدركيسون لتحت هتلاقى مسماين فوق العدادات هما اللى رابطين الفبرة السودة اللى فوق العدادات فكهم وخد بالك علشان ميقعوش منك جوة الفتحات اللى مابين علبة الدركسيون والطابلوة
وشدها بالراحة جدا
هتلاقى 3 مسامير رابطين العدادات فى الطابلوة مسمارين فوق ومسمار فى النص تحت فكهم وبايدك كدا براحة خالص اخلع الابانوسة الصغير اللى فيها زرار تحكم المرايات والشبورة لو عندك اوريجنال فى العربية تمام
وشد العدادات براحة واقلبها وطلعها من ناحية الشمال الاول الناحية اللى انت خلعت منها الابانوسة الصغيرة
تمام
هتلاقى فيشتين ورا واحدة يمين وواحدة شمال ابوس ايدك فكهم براحة علشان متقطعش اى سلك منهم
المهم هتلاقى كفر خلفى للعدادات لونة بنى
فك مساميرة وفكة
هديك حلول لو انت معندكش ايه بى اس هتلاقى لمبة ايه بى اس موجودة عندك بدلها مع لمبة الكيلو ميتر
خد بالك اللمبة بتتشال بانك تحركها يا ضد عقارب الساعة او فى اتجاة عقارب الساعة
لو عندك ايه بى اس
تاخد بعضك وتنزل بالمبة البايظة والدواية بتاعتها وعند اى كهرابائى هيغيرهالك اللمبة دى مش هتلاقى زيها غير فى التوكيل اللى موجود هيبقى صغير وبسلكين طوال والكهربائى هيشيلك القديمة ويركبلك الجديدة ويحطلك الكفر الازرق بتاعها بس خد بالك من الكفر علشان ميتقطعش ولو عرفت تلاقى لمبة زيها يبقى تمام لان اضاءة الصغيرة مش هتبقى زى الكبيرة برضة فى حل لو ملقتش لمبة كبيرة هات الصغيرة عادى بس ركبها مثلا مكان لمبة التشيك بتاع البطارية او اى حاة بتفصل لما بتدور العربية
وط اللمبة اللى انت هتشيلها فى الكيلو ميتر لانها هتفضل قايدة معاك على طول مع نور الطابلوة
اتمنى اكون افدتك
غالبا هتكون لمبة صغيرة قوى لأن شاشة اللانسر صغيرة وعادية خالص الشاشات الحديثة قوى الملونة هى بس اللى بتنزل بأضاءة بحث ذاتى
استاذ ورئيس قسم ياصلاح باشا تسلم والله
على ايه بس دى مجرد تجربة انا مريت بيها قبل كدا وبنقلها لا اكتر ولا اقل بدل ما اى كهربائى يعملها حوار وينصب علينا
يا باشا منتحرمش منك ومن ذوقك ريحت قلبى و ان شاء حاجربها
طب معلشى بقى اصلى اول مره اركب لانسر
عربيتى 2007 كلاسيك ... بشوف فى شاشه الكيلوات حرف A وكلمه trip وجمبها رقم
ممكن اعرف دول معناهم ايه؟
حاجه كمان .. عندى فى ايرباج فالدركسيون... اللى اعرفه ان طول ما الحزام مش مربوط فى علامه الايرباج بتنول وصفاره بتفضل شغاله لحد ما اربط الحزام.. انا لا عندى اللمبه ولا بسمع الصفاره
بسم الله الرحمن الرحيم
اولا - حرف ال a --- b
دول عدادات الترب بتاعك يعنى رحلة قصيرة وبيعدو لحد 999 كم وبعد كدا بيصفروا تلقائى ممكن تحسب مشاورك على اى واحد منهم سواء ال a او ال b
وتحكمك فيهم من الزرار اللى طالع من العدادات دوسة طويلة يصفر العداد
دوسة قصيرة يقلبلك من ال a لل b
ثانيا لمبة ال srs بتنور مع لمبة التشيك بتاع الماتوراول ما تفتح كونتاك وبيطفو بعد حوالى 10 ثوانى او اقل
ملهاش علاقة بحزام الامان --- حزام الامان له لمبة لوحدة موجودة بس فى العربيات الخليجى معرفش بقى 2012 او 2013 ( المصرى لان مبقاش فى خليجى فى البلد خلاص ) نزل فيها الاوبشن دا ولا لا انما قبل كدا كان الخليجى بس اللى ليه لمبة اير باج
انا نزلت النهاردة و فكيت العدادت و لاقيت اللمبة محروقة و فكيتها و لسة بدور على اللمبة بتتباع فين
مش هتلاقى اللمبة دى بالضبط زى ما قلتلك حد يكون بتاع لمض سيارات حتجيب لمبة سفاية
اما الاصلى ب 30 جنية فى التوكيل