الموضوع: كيف سيتم صرف البنزين المدعم

ماهو لو على بطاقة التموين يبقى أكبر غلط
لأن على سبيل المثال ... الطبقة المتوسطة لا يحتاجو مثلاً لدعم العيش ... ولكن يحتاجوا لدعم البانزين والطاقة ... فكدة انتي هتخلي للناس الي مش محتجين عيش او شاي وسكر وقزازة زيت حق انهم ياخدوها ... وهتلاقيهم ياخدوها استخسار كدة حتى لو مش محتاجينهم ... زي مثلاٍ واحد مربي كلاب بيقوم جايب العيش المدعم ومفتفت العيش او مسئسئ العيش كدة في الشوربة ويقوم مئكلينهم للكلاب ... وأدفعي يا حكومة

وحتى برضو الغلبانة الي بتربي وز ولا بط فوق السطح ... هتلاقيها تستخدم العيش ده لاطعام الفراخ بتاعتها وأدفعي يا حكووومة ... وهات ضرايب يا مواطن ..

@@@@@@@@@@

نقطة تانية ... دلوقتي انا مقسط عربية لاختي على أسمي ... فيرنا علشان مفردات مرتب والكلام ده وعلشان كمان متوقفش في بهدلت المرور فدلوقتي وضعنا أيه ... هاخود دعم على عربيتي ولا عربيت اختي الصغيرة . باعتبار ان العربيتين باسمي .

ثم انا عربيتي أساساً بأسم صاحبها الئولاني لسه منقلتهاش على أسمي ... لأن لسه فيها رخصة لغايت ٢٠١٤ فخسارة خلينا نحلل الرخصة

والعدل بيقول ان كل عربية تاخود دعم مش لكل شخص ... لأني أنا مسدد للدولة فلوس جمارك دي وجمارك دي ده غير الضرائب ده غير الدمغات ده غير وغير وغير ..

ثم عربية لشاب او لبنت عليها أقساط تقطم الوسط كمان معقولة ميبقاش ليها دعم تبقى مشكلة وهتلاقي ناس كتير تتعثر في السداد مما يضر عجلة أقتصاد البلد !