الموضوع: سعر المجراند

بالصدقه واحد جارى سالنى على عربيتى نوعها ايه وسعرها قولتله دى اسبرانزا صينى تابع ابو الفتوح قال ممكن اتفرج اتفضل طيب مش بتفكر تبيع لا لا قال بس عربيه شيك قال انا شغال تابع توكيل غبور عنده عربيه نص نقل بيوزع قطع غيار على التوكيلات والله من لسانه قال فى عربيه تابع جيلى غبور منزلها زباله الزباله ليه ياعم دى واخده سمعه ممتازه قال اونطه ومشاكل فيها كتير وتقفيل تعبان وخامات تعبانه وفيها مرتجعات كتير عشان فيها مشاكل انا بقول من لسان الراجل مش انا اللى بقول عشان الهجوم المهم اتفرج على العربيه قال الصاج هنا اتقل والخمات افضل قولت ربنا يستر المهم بعد ما مشى ادور فى عزيزه حلفت ماتدور شلت كابل البطاريه وركبته تانى الحمد لله دارت

سعر الامجراند وصل النهاردة 85 الف ولسة فى الطالع , وعلى فكرة انا شوفتها فى المعرض وهيا عربية ماشاء الله شيك جدا جدا واوبشنها عالى اوى فوق الوصف ولكن حسيت بتناكة رهيبة من اصحاب المعارض وهما بيتكلموا عليها وخصوصا وهما بيقولوا دى هتوصل ل95 الف والناس هتشتريها بردو كفايا انها تبع غبور , بصراحة مفهمتش لية الثقة دي وقلت يمكن تكون فعلا تستاهل ولكن لما سالته على صيانتها فين والكلام دة قالى انه فى خلال 4 شهور هيعملوا مراكز صيانة لجيلي فمفهمتش بردة الناس هتستلمها امتى ولما تستلمها هتعمل صيانتها فين الفترة دى

حبيت انقل تجربتى وكل الى حاجزها لازم يستفسر كويس اوى عن كل حاجة