فكرة جامدة فعلا و على رأيك عمر ما البنات حايبطلوا يشتروا الحاجات دى و ممكن كمان الايشاربات بتاعة الحجاب
اشكرك يا MoToRiZeR على الفكرة الجامدة دى
عرض للطباعة
انا عندي فكره كويسة بس محتاجه رأس مال ويا حبذا لو كانت في كايرو
ماكينة استكر cutter plotter
وعيش يا باشا
اشكرك يا bee على الاقتراح بس ممكن معلومات أكتر
و شكرا
إذا نويت حضرتك على موضوع الإيشاربات إن شاء أقدر أساعدك
وإذا كنت عاوز نصيحة أخ أكبر
* ركز تفكيرك فى 3 مواضيع فقط حتى لو كانت مختلفه عن بعضها
* أبدأ بالتحرى عنهم مثلا لو قررت إيشاربات لف على محلات إيشاربات فى مناطق مختلفه يعنى مناطق غاليه ومناطق رخيصه وحاول تحفظ الأنواع المتكرره فى كل المحلات وفروق أسعارها وخد بالك مش كل محل تتدخله تسأل عن كل الأنواع لأن ده بيلفت الأنتباه ليك وبيتعرف أنك تاجر والأسعار اللى بتتألك ما بتكونش حقيقيه
* بالنسبه لتجار الجمله يجب أن تعرف أمكانهم وطالما أنك جديد أعمل حسابك أن الدفع سوف يكون كاش على الأقل أول 3 أو 4 مرات لأنهم لا يعرفوك وده معناه أن فلوس البدايه يجب حساب البضاعه فيها بعكس نشاط آخر زى السوبر ماركت مثلا ممكن تفرش آجل
دى فكره سريعه جدا وزى ما قلت لك لو قررت إيشاربات أنا تحت أمرك فى أى حاجه
نصيحتي ليك اعمل مشروع عائلة بمعنى إنه يكون مشروع ينفعك انت وعائلتك زي ما كنا زمان يعني لو انت في الاسكندرية أنا لو مكانك ممكن أجيب عربية نص نقل فيها ثلاجة واشتري سمك من الحلقة وأوزعه داخل الجمهورية الموضوع ده مربح جدا ممكن تعمل مصنع رخام صغير ممكن تعمل مصنع سيور سيارات
القصد إن المشروعات دي يقدروا أولادك إن شاء يساعدوك فيها وكمان الحاجات دي في مساحة لأن تتميز فيها وحاجة مهمة جداً إن أنا اشتغل في مجال أقدر أبدع وأتميز فيه
انا راى متدورش على الحاجات اللى شغالة فى السوق وبس
المهم انك تقولنا انت ليك خبرة فى ايه
بتعرف تعمل ايه
لان مشكلتنا ان واحد يعمل مشروع يكسب تلاقى مليون واحد بيعملها وراه من غير تفكير ويبدوا ينافسوا بعض ويخسروا بعض وطبعا غالبيتهم بيخرجوا الا اللى فعلا فاهم الموضوع كويس وحابه وعنده خبرة فيه
فانا راى ركز فى حاجة ليك خبرة فيها او اشتغلت فيها قبل كده
الاخ العزيز ايهاب اشكرك جدا على عرضك الكريم و فعلا موضوع الايشاربات ده فى دماغى و حاعمل زى ما قلت و اشوف السوق و اسعاره و اماكن التوزيع المحتملة
ابو عبد الرحمن
باشا اشكرك على فكرتك و لكن موضوع المصنع ده موضوع كبير بس فكرة الشغل العائلى دى نقطة مهمة فعلا اشكرك انك نبهتنى ليها
أ/احمد السيد انا الحاجة اللى بافهم فيها هى مجال البناء و تجارة الاراضى و برضه تجارة العربيات المستعملة بس دول مافيهمش صفة الدوام (الدوام لله طبعا)
يا راجل بقي بتفهم في مجال البناء و تجارة الأراضي
و جاي تسألنا تشتغل في ايه ،، :nerd:
هوا فيه مجال زي ده في مصر ،،
تقسيم أراضي ( مكاسب غير طبيعية )- مضاربة في أنواع العقارات بربح سريع - تبني و تبيع -أراضي زراعية تستصلحها و تبيعها في السريع -مقاولات و تشطيبات للأهالي -سمسرة
و لو السوق مش قد كده عندكم في اسكندرية انزل مصر ،،