موضوع مفصل عن مشكلة موتور الاوكتافيا a4 و تغييره

**mo7a_mo7a** · 18-01-2013 01:38 AM

المشاركة الأصلية كتبت بواسطة forti

تحياتى لحضرتك و مرورك و اتفق معاك اوى فى موضوع الركنة .. اما موضوع السيارات الاوربية الفكرة ان العربيات دى بتبقى معفيه من الجمارك فى حالة زى والدى مش اكتر لكن لو علينا هنجيب زيرو من الاول مش فكرة مقدس العربيات الى جاية من برة .. بس اختلف معاك فى نقطة المواصفات الاوربية يعنى بمعنى هل الاوكتافيا الى بتنزل مصر مختلفه عن الى بتنزل المانيا فى الدهان و نوعية البلاستيك و دورة التبريد الى اخره .. اظن لا و مع ذلك العربيات دى هنا زى الفل
بشهادة الناس هنا فى القسم و تحياتى مرة تانيه لمشاركتك

حضرتك تقدر تجيب عربية زيرو للمعاقين بردو ومتدفعش جمارك - مش لازم مستعمل ولا حاجة - لا وممكن خليجي كمان - وممكن تستوردها انت او حد يبعتهالك من اي حتة علي كوكب الارض باسم والد سيادتك وتروح تخلص عليها في الجمرك
انا كنت عايش في المانيا فترة وحبيت اجيب عربية وانا نازل وكان قي 2009 ايام الازمة المالية العالمية والعربيات برخص التراب ووقع اختياري علي ابل فكترا وكان ضمانها في المانيا 7 سنوات - فطلبت من الشركة تديني شهادة ضمان تلزم الوكيل في مصر بالضمان ده لان اياميها كانت تبع منصور وضمانها سنة واحدة - المهم وافقوا بس طلبوا مني ان الشهادة حتستبعد الحجات اللي الوكيل مبيطلبهاش في عربياته زي انظمة الامان المختلفة والاير باج الجانبية وشوية حجات كده ... الخ
لما طلبت منهم نموزج الضرايب علشان استرد قيمة الضرايب وانا بصدر العربية لقيتهم اتفاجئوا جدا اني حبعتها مصر وبعدين وضحولي ان في حجات في العربية اللي انا مختارها (مواصفات اوروبي) مش حتنفع في الجو الحار زي الدهان والبلاستيكات وحجات كتييير ... الخ ونصحوني اني اختار واحدة تانية من عندهم من اللي بالمواصفات الخليجي علشان تناسب الحر

**forti** · 18-01-2013 03:41 PM

المشاركة الأصلية كتبت بواسطة amrelsaqqa

انت كنت بتحط للعربية مية حنفية ولو لفترة بسيطة ؟

لا يا عمرو خالص

**forti** · 18-01-2013 03:48 PM

المشاركة الأصلية كتبت بواسطة mo7a_mo7a

حضرتك تقدر تجيب عربية زيرو للمعاقين بردو ومتدفعش جمارك - مك من اش لازم مستعمل ولا حاجة - لا وممكن خليجي كمان - وممكن تستوردها انت او حد يبعتهالي حتة علي كوكب الارض باسم والد سيادتك وتروح تخلص عليها في الجمرك
انا كنت عايش في المانيا فترة وحبيت اجيب عربية وانا نازل وكان قي 2009 ايام الازمة المالية العالمية والعربيات برخص التراب ووقع اختياري علي ابل فكترا وكان ضمانها في المانيا 7 سنوات - فطلبت من الشركة تديني شهادة ضمان تلزم الوكيل في مصر بالضمان ده لان اياميها كانت تبع منصور وضمانها سنة واحدة - المهم وافقوا بس طلبوا مني ان الشهادة حتستبعد الحجات اللي الوكيل مبيطلبهاش في عربياته زي انظمة الامان المختلفة والاير باج الجانبية وشوية حجات كده ... الخ
لما طلبت منهم نموزج الضرايب علشان استرد قيمة الضرايب وانا بصدر العربية لقيتهم اتفاجئوا جدا اني حبعتها مصر وبعدين وضحولي ان في حجات في العربية اللي انا مختارها (مواصفات اوروبي) مش حتنفع في الجو الحار زي الدهان والبلاستيكات وحجات كتييير ... الخ ونصحوني اني اختار واحدة تانية من عندهم من اللي بالمواصفات الخليجي علشان تناسب الحر

1 - انا مكنتش اعرف خالص النقطة دى .. بس فى نفس الوقت انا معرفش حد بره ولا عمرى سافرت
2 - تماااام
3 - يمكن بقى بس لدرجه الدهان و البلاستيكات !!

**forti** · 25-01-2013 08:23 PM

المشاركة الأصلية كتبت بواسطة mostafa.ramdan

دكتور مصطفى

اولا حمدالله على السلامه من كابوس الامتحانات ده

(عقبالى يارب )

انا برضه عملت زيك كده بس عشان المكنه قفشت مكنش فيها زيت تقريبا او الزيت كان قليل اوووى

وبرضه غيرت البلوك اللى تحت بس الكلام ده للفليشيا

ويالا بقى شد حيلك عشان تخلص ورق المرور عشان انا زيك لسه معملتش فيه اى حاجه

تحيــــاتـــى