افضل طريقة لغسيل وتشحيم السيارة

**sherif_aboubak** · 16-01-2013 12:56 AM

السلام عليكم ,,,

لو سمحت ايه هى افضل طريقة لغسيل وتشحيم السيارة ,,, وبعدين هو ايه الحاجات اللى بتتشحم اصلا فى العربية ,, والماتور يتغسل بردة ولا يتنفخ بس ,,, افيدونى افادكم الله

وشكرااااااااا

**miceg** · 16-01-2013 01:11 AM

متابع بشدة

**EMO_ELNEMS** · 16-01-2013 09:43 AM

هو كله كدا متابع
طب برده متابع جدا

**Ahmed_selmy** · 16-01-2013 10:47 AM

ايه يا جماعه هو كله متابع كدا , خلاص مبدهاش بقى
متااااااابع.

**_hema** · 16-01-2013 08:45 PM

المشاركة الأصلية كتبت بواسطة Ahmed_selmy

ايه يا جماعه هو كله متابع كدا , خلاص مبدهاش بقى
متااااااابع.

ههههههههههههه

**_hema** · 16-01-2013 09:02 PM

غسيل السياره لو كان فى مطر او تم السير فى (اسف فى التعبير) ميه مجارى
يفضل غسلها بالمحطه بهدف تنظيف اسفل السياره ويكون ذلك عن طريق رفعها على الونش وتغسل بالماس والصابون فقط واوى الواد اللى بى المحطه يقولك هرش جاز تحت عشان الصداء

العربيات الجديده معالجه ضد الصداء

لو مفيش ضروره لايتم غسل الموتور

* اما بالنسبه للتشحيم يفضل فى مركز الصيانه لان ملاقتش محطه بتعرف تشحم الاماكن المطلوب تشحيمها صح

* اما لو غسيل السياره عادى بصفه دوريه

فيفضل عن طريق البلل وليس سكب الماء بشده على السياره من خرطوم مثلاً
مع استخدام سائل رغوى للنظافه ليس له تأثير على بويه السياره

* يفضل التنشيف بفوطه من الفطن للتنشيف والتلميع

* يفضل تلميع الزجاج بالجرائد

* الاهتمام بنظافه عتب السياره واسفل الرفارف الخلفيه نظراً لاحتوائها على كميه من الطين ويتم ذلك عن طريق استخدام اسفنجه وليس فرشه البلاط كما يفعل البعض

* الاهتمام بنظافه الكاوتش والجنوط يفضل استخدام اى سائل رغوى للنظافه مع تنشيف الكاوتش بعد الغسيل واحيانا البعض يفضل رش الكاوتش باسبراى مخصص لذلك يباع فى محطات البنزين او عند محلات اكسسوارات السيارات

اما بالنسبه للنظافه الداخليه بالسياره

* يلزم تنفيض الدواسات يومياً او يوما بعد يوما
تلميع التابوه بالملمع الخاص بذلك وكذا طاره الدريكسون والمقابض الداخليه

* اما الكسوه على الكراسى ان كانت جلد فيتم تنظيفها بفوطه من القطن او ان هناك محلات تبيع فوط مخصص لذلك الغرض

معلش دا الى قدرت احصروه دلوقتى

تحياتى لحضراتكم