محتارة وخايفة

**Raul_7** · 16-01-2013 09:44 PM

المشاركة الأصلية كتبت بواسطة tutankhamoun

أيه يا أستاذ ياسو مشكلة العربية بالظبط اللي أنت بعتها ؟

+11111

**Yoyo.yasso** · 16-01-2013 11:47 PM

المشاركة الأصلية كتبت بواسطة ibn_seena

هيجيلك حد من ملاكها يرد عليكي. ....
بس توكيلها مش تمام ابدا بشهادة كل ملاكها وفي كذا موضوع بيشتكي من توكيلها. ...

ما ده اللى قالقنى فعلا

المشاركة الأصلية كتبت بواسطة algazar2

العربية تمام جدا و توكيلها مش تمام بس العربية حاليا بقالها 6 سنين او اكتر شوية و مبتقفش على قطع غيار و ليها محلات بتبيع قطع غيارها و التوكيل بيحاول يظبط نفسة و ممكن الميكانيكية يشتغلوا فيها

طيب ده مفيش فى مشكلة انا قصدى كمان على الصيانة الدورية اللى بتبقى كل كام كيلو هل التوكيل بردو ممل فيها ولا ايه

المشاركة الأصلية كتبت بواسطة s o p h o s

بالنسبة لللون العربية كراي فقط دولا من احسن اللوان الجين

----
اما عن تقيم العربية فأكيد رجالة القسم اولي بكده مني
ويعرفوا كل حاجة عنها
بالتوفيق ..

جزاك الله خيرا بس الازرق صعب شوية
انا بالنسبالى لو مش لقيت الاحمر اللى فى دماغى هختار الكراى فعلا .

المشاركة الأصلية كتبت بواسطة eng f3lix

ربنا يوفق حضرتك للاختيار الصح واهلا بحضرتك معانا في القسم

العربية طبعا حلوة بشهادة ناس كتير من الملاك ومن المجربين وانا شخصياً نفسي اجيبها بس معايا واجا

المشكلة فعلا في التوكيل سيء بجد وقطع الغيار بتتأخر كتير .. اخر صيانات كنت بعملها في مركز عصام الصفا وده مركز تابع للتوكيل ولكن فرق كبير في الخبرة وتوفير الوقت

قطع غيار العربية موجودة برة التوكيل كتير + في منها كتير استيراد ( اكتر من 9 محلات في الحرفيين متخصصين بروتون )

بالنسبة للون ده اذواق طبعا والاحمر فيها تحفة

لو حضرتك حابة فعلا العربية مش هتفرق مشكلة التوكيل زيي والا كنت بعت عربيتي من زمان لكن انا حاببها

طيب معلش مش فاهمة ازاى مشكلة التوكيل مش هاتفرق
هو مش المفروض انها بيتعمل لها صيانة كل كام شهر او كل كام كيلو تقريبا ؟
معلش انا مش بفهم فى الحاجات دى ف هتلاقى استفساراتى ممكن تكون بالنسبالكم غريبة بس معلش استحملونى
يعنى دلوقتى حضرتك يترجح انى لو لا قدر الله فى مشكلة فى العربية او هحتاج قطعه غيار ماروحش للتوكيل .. اشوف مكان تانى مضمون وخلاص .. صح كده ؟

المشاركة الأصلية كتبت بواسطة designer105

العربية حلوه ..التوكيل سىء جدا .............

ربنا يستر

المشاركة الأصلية كتبت بواسطة mhassan9

الألوان ذدي معدتش موجودة خلاص مفيش غير أحمر وأسود وفضي
الأحمر حلو جداً بالنسبة لبنت بالذات بس بيبان فيه التراب زيه زي الأسود بالظبط

الله المستعان انا هابقى مغطياها اغلب الوقت ان شاء الله

المشاركة الأصلية كتبت بواسطة yasso77

ارجوكي ابعدي عن العربيه دي لان انا كنت من ملاكها ولسا خاصان منها من 5 شهور وهي عربيه سيئه بمعني الكلمه والله علي ما اقول شهيد والعربيه دي الميزه الوحيده فيها هي الثبات غير كده ايدك والارض اللهم بلغت اللهم فاشهد

جزاك الله خيرا
طيب انا والله واحد قريبى معاه العربية من 5 سنين وكويسة معاه بس كان بيعانى بردو من التوكيل
وشفت ناس كتير هنا وفى منتديات تانية بيشكروا فيها ياترى كانت ايه مشكلة حضرتك ؟!
وهل كانت مشكلة كبيرة لدرجة ان ماتستحملهاش او متحاولش تعالجها مقارنة بالمميزات ؟

**amrelsha3er** · 17-01-2013 05:07 PM

حضرتك ممكن تقرى اكتر فى القسم فى مواضيع كتير للساده الملاك من ميزات وعيوب
وهى العربيه اجمالا جميله وفلوسها فيها واقل سعر باحسن كماليات
يعيبها وكيلها فقط بعض الشىء ورغم كده ناس كتير راكبه العربيه ومش بتعتمد على التوكيل
غير الصيانات الدوريه للسياره
بالتوفيق لحضرتك ان شاء الله

**Yoyo.yasso** · 17-01-2013 07:58 PM

المشاركة الأصلية كتبت بواسطة amrelsha3er

حضرتك ممكن تقرى اكتر فى القسم فى مواضيع كتير للساده الملاك من ميزات وعيوب
وهى العربيه اجمالا جميله وفلوسها فيها واقل سعر باحسن كماليات
يعيبها وكيلها فقط بعض الشىء ورغم كده ناس كتير راكبه العربيه ومش بتعتمد على التوكيل
غير الصيانات الدوريه للسياره
بالتوفيق لحضرتك ان شاء الله

ما انا ملاحظة كده بردو انها منتشرة على الرغم من مشكلة التوكيل
يعنى انا مش هحتاج التوكيل غير فى الصيانات الدورية فقط ؟؟ انما اى حاجة تانى ممكن الاقيها بره ؟
طيب ومن رأى حضرتك اجيبها جديدة ولا مستعملة ؟ انا دى اول عربية ليا ماكنتش بسوق قبل كده ومحتارة ما بين الرأيين ناس تقولى مستعمل علشان لو اتخبطت ولا حاجة وناس تقولى جديدة خصوصا ان زوجى اغلب الوقت مسافر وانا اللى هاتدبس فى تصليحها ف فكرتهم يعنى ان الجديد بالنسبالى هايبقى افضل علشان ما يغلبنيش فى التصليح كل شوية

**tamerosman** · 17-01-2013 08:03 PM

لو حضرتك عايزة تتعاملى مع توكيل محترم ... انصحك تشوفى رينو ستب واى شكلها شيك و ابعادها سهلة فى الركنة ....اعتقد ان التعامل مع الصنا يعية بره التوكيل هيكون صعب بالنسبة لك تو كيل رينو معاملتهم شيك و عندهم قطع الغيار متوفرة

**Yoyo.yasso** · 17-01-2013 08:13 PM

المشاركة الأصلية كتبت بواسطة tamerosman

لو حضرتك عايزة تتعاملى مع توكيل محترم ... انصحك تشوفى رينو ستب واى شكلها شيك و ابعادها سهلة فى الركنة ....اعتقد ان التعامل مع الصنا يعية بره التوكيل هيكون صعب بالنسبة لك تو كيل رينو معاملتهم شيك و عندهم قطع الغيار متوفرة

شكلها حلو اووى فعلا انا اول مرة اشوفها وسعرها كمان معقول
بس فى منها اوتوماتيك ؟؟؟ انا شفتها دلوقتى على كونتكت كار بس مانيوال بس

**tamerosman** · 17-01-2013 10:26 PM

المشاركة الأصلية كتبت بواسطة Yoyo.yasso

شكلها حلو اووى فعلا انا اول مرة اشوفها وسعرها كمان معقول
بس فى منها اوتوماتيك ؟؟؟ انا شفتها دلوقتى على كونتكت كار بس مانيوال بس

لاسف مانيوال بس ... و اﻻ كانت كسرت الدنيا ..بس هى نفسها سانديرو ... الفرق فى اﻻرتفاع و شوية اكسسورات ....ميزة سانديرو انها اتوماتيك م موتور احدث 16 valve بيدى اداء اعلى و صوته اوطى و انعم و سعرها برضه فى الثمانينات

الفرق بين توكيل رينو و بروتون فرق السما من العما ... عندنا فى اسكندرية توكيل بروتون عبارة عن ارض خرابة من غير سقف و مكان اﻻنتظار مش نظيف و مفيش قطع غيار و مش.و مش بيردو على التليفون !!!!!!! عكس توكيل رينو قطع غيار متوفرة و معاملة 5 نجوم و كول سنتر و اتوبيس يوصل العميل لغاية ما عربيته تخلص و كافيه كوستا فاتح جوه و اسعار الصيانة مش اغلى من بروتون

**Motarjim** · 17-01-2013 11:40 PM

المشاركة الأصلية كتبت بواسطة tamerosman

لاسف مانيوال بس ... و اﻻ كانت كسرت الدنيا ..بس هى نفسها سانديرو ... الفرق فى اﻻرتفاع و شوية اكسسورات ....ميزة سانديرو انها اتوماتيك م موتور احدث 16 valve بيدى اداء اعلى و صوته اوطى و انعم و سعرها برضه فى الثمانينات

الفرق بين توكيل رينو و بروتون فرق السما من العما ... عندنا فى اسكندرية توكيل بروتون عبارة عن ارض خرابة من غير سقف و مكان اﻻنتظار مش نظيف و مفيش قطع غيار و مش.و مش بيردو على التليفون !!!!!!! عكس توكيل رينو قطع غيار متوفرة و معاملة 5 نجوم و كول سنتر و اتوبيس يوصل العميل لغاية ما عربيته تخلص و كافيه كوستا فاتح جوه و اسعار الصيانة مش اغلى من بروتون

تمام يا أستاذ تامر، سعر ساندريو أوتوماتيك دلوقتي في التوكيل 92000 جنيه تقريبًا بسبب الدولار.
فضلا عن ارتفاع أسعار الصيانات كذلك...كما هو الحال مع عز العرب أفندي.

**Yoyo.yasso** · 17-01-2013 11:52 PM

المشاركة الأصلية كتبت بواسطة tamerosman

لاسف مانيوال بس ... و اﻻ كانت كسرت الدنيا ..بس هى نفسها سانديرو ... الفرق فى اﻻرتفاع و شوية اكسسورات ....ميزة سانديرو انها اتوماتيك م موتور احدث 16 valve بيدى اداء اعلى و صوته اوطى و انعم و سعرها برضه فى الثمانينات

الفرق بين توكيل رينو و بروتون فرق السما من العما ... عندنا فى اسكندرية توكيل بروتون عبارة عن ارض خرابة من غير سقف و مكان اﻻنتظار مش نظيف و مفيش قطع غيار و مش.و مش بيردو على التليفون !!!!!!! عكس توكيل رينو قطع غيار متوفرة و معاملة 5 نجوم و كول سنتر و اتوبيس يوصل العميل لغاية ما عربيته تخلص و كافيه كوستا فاتح جوه و اسعار الصيانة مش اغلى من بروتون

ربنا يكرمك الف شكر على الافادة

**mido_soliman** · 18-01-2013 01:17 AM

المشاركة الأصلية كتبت بواسطة yasso77

ارجوكي ابعدي عن العربيه دي لان انا كنت من ملاكها ولسا خاصان منها من 5 شهور وهي عربيه سيئه بمعني الكلمه والله علي ما اقول شهيد والعربيه دي الميزه الوحيده فيها هي الثبات غير كده ايدك والارض اللهم بلغت اللهم فاشهد

ممكن نعرف من حضرتك علشان الكلام يكون موضوعى مش اكتر اية المشاكل اللى قابلتك فى العربية
وممكن بعد اذنك اعرف حضرتك امتلكتها قد اية ؟؟؟
وهل شاريها من الزيرو ولا مستعملة لانى واخد بالى كدة ان العربية شكلها مش بتاعتك من الزيرو وموديل 2007 وماشية فوق ال 100000 كيلو ولو غلط ياريت تصححلى ولك جزيل الشكر ومبروك على العربية الجديدة