الموضوع: عملت حادثة عايز رأيكو في التصليح ..والتأمين؟؟!

اولا الف سلامه عليك والحمد لله انك بخير تمسك بخقق انك تصلحها تصليح التوكيل والمفروض انك لو مئمن تامين كلي ما تدفعش ولا مليم والجمعيه هي اللي بتشيل التكاليف كامله داخل التوكيل هو انت مش معاك عقد ومكتوب في البنود وبعديين كلمهم تاني وخلي المندوب يتحرك بسرعه وما تسيبش حقق ملايين من الناس بتدفع وما بتعملش حوادث والمستفاد بي التاميين قليل من الناس وهما بيكسبو جامد ولو ها تصرف السياره جامد المفروض زي ما قالو عند التلف الكلي يعوض المتدرر بساره نفس النوع ومديل السنه بسياره اخري

شكرا يا باشا على ردك ... بس انا اظن ان الكلام ده نبيحصلش يعني محدش بيأخد عربيات جديدة .. وبعدين لو توتال لوس الشركة بتستغلك والبنك بيستغلك كولو بيستغلك
وانا عندي مشكلة كمان .. ان تأميني عن طريق المصرية للسيارات في طنطا ومعرفش مين مندوبهم وانا عملت الاخطار في القاهرة

الف سلامه عليك والحمد لله انك بخير فداك مليون عربية و إن شاء الله ربنا يعوضك

لابيحصل استبدال السياره بسياره اخري في حاله ان يتعز الاصلاح وان يكون سعر الاصلاح مقارب لسعر السياره وعموما كويس انك اخطرت الفرع الرئيسي وخد رقم تليفون وعنوان فرع طنطا منهم وتمسك بحقك ولو مدفعوش واصلحو السياره كما يجب توجه بشكوي اللي الغش التجاري وهما يعلموهم الادب

هو انت مئمن عليها تامين كلي او بنسبه اصلاح كام في الميه

تأمين شامل يا باشا يعني مفيش نسبة تحمل

الحمد لله علي سلامتك
انا حاسس بيك لاني عندي نفس المشكله عربيتي جن2 2008 مشيت 800كم ومامن عليها عن نفس شركه التامين المهم باختصار تكاليف التصليح 37 الف عايزين يدفعوا 28 بس او توتال لوس ب70 الف وهي سعرها 90 الف مشتريها من شهر تقريبا ومش عارف علي اي اساس حسبوها

الف سلامة عليك
و مدام انت مامن و العربية قسط تبع بنك يبقى العربية بتاعة البنك مش بتاعتك
من رأئي فى حلين للموضوع ده
الاول انك تفضل ورا التأمين لغاية ما العربية تتصلح و لازم تدخل البنك طرف فى الموضوع علشان العربية ملكه
الثانى هو انك تلبس البنك مع شركة التامين و تطلع انت من الليلة دى كلها و تعتبر الاقساط اللى انت دافعها ايجار العربية (الا لو دافع مقدم كبير و مش جايبها على الابيض) فى الحالة دى خليك فى الحل الاول