السلام عليكم ورحمة الله وبركاته
ياجماعة بيقولوا علي التلفزيون /سي بي سي تحديدا /ان فيه عقار من ٨ ادوار انهار علي سكانه بالاسكندرية
في معمورة البلد !!!
حد من اسكندرية ياكد؟
عرض للطباعة
السلام عليكم ورحمة الله وبركاته
ياجماعة بيقولوا علي التلفزيون /سي بي سي تحديدا /ان فيه عقار من ٨ ادوار انهار علي سكانه بالاسكندرية
في معمورة البلد !!!
حد من اسكندرية ياكد؟
الخبر صحيح فعلا ؛العقار من ٨ ادوار وفيه ٢٤ شقة وكله ساكن والعقار وقع من ساعة تقريبا
وطبعا العقار بدون ترخيص في منطقة عشوائية واتبني من سنتين تقريبا
والمتوفين ٥ والمصابين ٧ ولسه بيطلعوا في الناس
لا حول ولا قوة إلا بالله...
Sent from my SE Arc S using Forum Runner
لا حول ولا قوة الا بالله
ربنا يرحمهم ..
اللهم ارفع مقتك وغضبك عنا يارب العالمين
لا حول ولا قوة الا بالله
لا حول ولا قوة الا بالله.
مع الاسف الموضوع كان مثار من ساعة الثورة ان اسكندرية بالذات فى ظل ظروف البلد ناس كتير اوى طلعت عقارات مخالفة و بدون ترخيص
دا حتى العقارات اللى كانت مبنية من زمان لما حصلت الثورة لقينا كل الملاك تقريبا مطلعين دورين تلاتة بدون ترخيص و كله حمل على الاساسات و كل دا علشان الفلوس
مشكلة البلد مشكلة مركبة من
- غياب ضمير فئة كبيرة من الناس
- غياب الرقابة من الحكومة
- قلة وعى من الناس اللى بتسكن عقارات مخالفة دون الرجوع للتراخيص الخاصة بالعقار
اللهم ارحمهم
اللهم استرها على البلد
اللهم ارحمنا
النهاردة فى الراديو سامع بردو حوادث بالعبيط فى البلد بسبب الشبورة
يعنى الموت لو مجاش عن طريق قطر هيجى عن طريق عربية
لو مجاش عن طريق عربية هيجى للناس الامنة فى بيتها العقار هيقع عليهم
بلد تحصد موتاها
حسبى الله و نعم الوكيل فى كل متسبب فى الحوادث دى
و لنا الله وحده
ربنا يرحمهم جميعا
الحل هو مقاطعة شراء اى عقار بدون ترخيص او اى عقار مشبوه فى ارتفاعه بخلاف عرض الشارع الى فيه العقار
ربنا يرحمهم ويجازي الناس معدومه الضمير
هو إيه حكاية اسكندرية ؟؟ اشمعنى اسكندرية بالذات بتقع فيها عماره كل شهرين تلاته ؟!
عدد الوفيات اصبح22 ومازال البحث جارى
ربنا يرحمهم ويصبر اهلهم وبجد لازم يكون فى حل لمشكله البناء المخالف
الغريبة أن مفيش و لا تعليق واحد بيقول أن مرسي السبب
انا لله و انا اليه راجعون لا حول و لا قوة الا بالله ربنا يرحمهم و يرحمنا اللهم ارفع مقتك وغضبك عنا يارب العالمين
ربنا يكفى مصر معدوى الضمير و يصلح الناس
هو مش مرسي السبب بس الاهمال والتقصير وعدم اتخاذ اجراءات استثنائيه بعيدا عن معاقبه المسؤل
بمعنى ان بعد حادثه قطر اسيوط وبرضه مش غلط مرسي الحادثه بس غلطته انه ماخدش اجراء استثنائى لتحسين الوضع علشان منشوفش حادثه البدرشين يعنى اقل واجب يوقف القطارات المستهلكه والمنتهيه الصلاحيه
بنفس المنطق هو مش غلطه ان العقار بس غلطه انه كمسؤل ارتضى بتحمل المسؤليه ماخدش ولا حياخد اجراء علشان يمنع الاهمال ويمنع تكرر حوادث انهيار العقارات
ربنا يصلح الحال لان بجد الواحد بقى مستاء جدا والوضع سئ ومبيتحسنش
هذا المحتوى من
http://arabic.arabia.msn.com/wp-cont...ostor.jpg?id=2
نشر : 2013/01/16 5:22 م
عاجل..القبض على مالك العقار المنهار بالإسكندرية
http://media1.arabia.msn.com/mediali.../0_4334370.jpg
تمكن ضباط مباحث قسم ثان المنتزه بالإسكندرية، من إلقاء القبض على مالك العقار المنهار بمنطقة طوسون 'المعمورة البلد'، بعد أن قام المستشار البربري الصاوى المحامي العام الأول لنيابات استئناف الإسكندرية، باستدعاء رئيس الحى ورئيس الإدارة الهندسية والتراخيص.
حيث تبين، عدم وجود ملف للعقار المنهار وبنائه بدون ترخيص، كما أصدر قرار بدفن جثث الضحايا.
إسكندرية إت....... مباني مخالفة السنتين إللي فاتو للأسف.
مش عارف إحنا بس إلي كده ولا فيه أماكن تانية. ربنا يستر لسه ياما هنشوف.
مش اسكندرية بس تعالي شوف الفيوم اللي كانت كلها اراضي زراعية
اتبني علي ٩٥% منها وكمان سارقين المياه والكهرباء لدرجة ان المياه بقت ضعيفة جدا انك لو فتحت السخان الغاز ميشتغلش من ضعف المياه وعلي فكرة اغلب العقارات دى بتتبني فى ظرف شهرين تلاتة بالكتير مش مهم قطر الحديد بتاع العمارة مش مهم الحصيرة تكون ناشفة ومعمولة صح مش مهم الخشب يكون اخباره ايه المهم ان المقاول ياخد من ثمن مواد البناء وكمان الناس تشترى وبقت بدل ماتبقي بيت ليهم تبقي مقبرة عليهم
وبخصوص الحادثة دى وصل العدد ٢٤ واصابة ١١ ولما مذيع الجزيرة بيسال ليه الناس تاخد في عقار بدون ترخيص ؟ رد عليه واحد اخو راجل اتوفي في العمارة دى وقاله الشقة داخلها عداد نور ومياه!!!!! و٩٠ متر ب٧٠ الف والناس اللي بتلم الجثث بتقلك كله طوب اسمنت كل ٣ ادوار ومفيش طوب احمر والعمدان كلها رمل والاسمنت قليل جدا
والناس بتقول ان المقاول اللي بني العمارة دى باني ٧عقارات زيها
وناس بتقول ان الشارع اللي جنب العمارة دى في عقار مبني جديد ومايل ومسكون بردو
الظاهر والله اعلم انها كانت ثورة مقاولين !!!!!
ومحافظ اسكندرية بيقولك اسكندرية فيها ١٤ الف عقار مختلف منهم ٩٤ عقار (اللي تم حصرهم الي الان !!!) ممكن يقع في اي لحظة وعشان يهد العمارة دى لازم يجيب قرار اخلاء اجباري من النيابة
؟؟؟ طب والنيابة فين ياحسين؟
العدد بقي متوفي و١٠ مصابين بدل ١١ مصاب يعني في مصاب اتوفي
ولو الشقة افترضنا ان فيها ٢ بس وضربنا في ٢٤ شقة لك ان تتخيل عدد المتوفين وربنا يخلف ظني
ارتفاع مصابى عقار إسكندرية المنهار لـ 15 وقرب انتهاء رفع الأنقاض
http://media2.arabia.msn.com/mediali.../0_4337600.jpg
يوشك رجال إدارة الحماية المدنية بالإسكندرية من إنهاء أعمالهم فى رفع أنقاض العقار المنكوب بمنطقة المعمورة البلد شرق الإسكندرية ومازال عدد الوفيات حتى الآن 22 قتيلا و15 مصابا.
يذكر أن الحماية المدنية برئاسة العميد محمد نصر قد استعانت بالشرطة العسكرية لإزالة أنقاض العقار المنهار منذ السادسة صباح اليوم الأربعاء.
موضوعات متعلقة
ناس معندهاش ضمير و جشع و طمع و كله عاوز يلحق يبنى فى الهوجة ولا يزودله دورين ولا تلاته
2.2 مليار جنيه لدعم خط المترو الأول بـ20 قطارا مكيفا
20 -12 -2013
قريت الخبر من فتره ولكن هناك ضرورات فى الخبر ده هو بيتكلم على تطوير الخط الاول للمترو مش للقطارات وان لسه باقى فى عمر المترو 5 سنوات حيث يعمل منذ 25 عامل وعمره 30 عاما ولم نسمع عن حوادث كبيره للمترو منذ افتتاحه وبالرغم من ذلك يتم تطويره ليكون مكيفا اى لزياده رفاهيته بالرغم من علم جميع المسؤلين والمواطنين ان قطاع السكك الحديديه فى مصر متهالك بالكامل والجرارات والعربيات تتم صيانتها بطرقه سيئه جدا وان عمرها الافتراضى انتهى منذ عقود خصوصا قطارات الدرجات الشعبيه والمتوسطه
فالسؤال من الاولى بالتحديث المترو الذى باقى على عمره الافتراضى 5 سنوات ام القطارات التى انهت فتره خدمتها منذ زمن وحوادثها اصبحت من الاخبار العاديه .........؟؟؟؟؟؟ لك الحكم
اولا التكييف فى المترو مش رفاهيه على فكره ده شىء اساسى لانه بيبقى نظام تهويه مركزى فى المترو علشان الناس ما تتخنقش ويفطسوا من الحر فى ظل زحام شديد جداااااا
وبعدين لو حضرتك شوفت الط الاول للمترو عامل ازاى ما يستاهلش تمن التذكره اللى بتدفع فيه ومافيش فرق بينه وبين الترماى
بس مش معنى كده انننا نهمل القطارات لازم التطوير يبقى شامل منظومه النقل كامله مش نصلح حته والباقى على ما تفرج
وبعدين الوزير كا نبيقول ان التطوير محتاج مش اقل من 10 مليار جنيه لانك الشبكه فىمصر ما اتعملهاش تجديد من ايام الانجليز فكأنك هاتعملها من جديد
اللهم ارحمهم...