ازيكو كلكو انا عاوز اجيب موبايل اندرويد تانى انا جاليا معايا ارك اس و بفاضل مابين نوت 2 و اس 3 فى حاجه تانيه كموديلات فى السوق فى نفس الكفاءة ولو دول احسن اختيارات ياريت ترشحولى منهم حاجه
عرض للطباعة
ازيكو كلكو انا عاوز اجيب موبايل اندرويد تانى انا جاليا معايا ارك اس و بفاضل مابين نوت 2 و اس 3 فى حاجه تانيه كموديلات فى السوق فى نفس الكفاءة ولو دول احسن اختيارات ياريت ترشحولى منهم حاجه
لو حتفاضل بين النوت 2 والاس 3 , انا راى عن تجربه واحد صديقى انك تخليك فى نوت 2 لان الرامات فيه 2 جيجا, هو الحاجه اللى انا شايفها رخمه حجمه الكبير بس صاحبى قالى هتتعود عاليه, لو عايز حاجه غير السامسونج انا راى شوف سونى وخصوصا انها الفتره اللى جايه حتنزل مودلات رهيبه, على فكره انا معايا سونى اكسبيريا اكرو اس ومبسوط بيه جدا.
وربنا يوفقك.
النوت2 أفضل بكتير .. رام 2 جيجا . شاشة عملاقة وواضحة . القلم مميزاته كتير جدا
ده غير ان النوت2 نازل فى شهر 10 والاس3 فى شهر 5 تقريبا يعنى الاس4 على الأبواب.بمعنى ان الدعم هيكون أفضل
الحاجة الوحيدة اللى ممكن تخليك متجبش النوت2 هو الحجم
أنصحك تشوفه الأول وتمسكه بايديك وتجرب
انا اللى خلانى أجيب النوت2 ومجبش الاس3 ان الفرق بينهم مش كبير أوى كحجم + مواصفاته أعلى + القلم + الشاشة (متعة تانية)
وبالنسبة للحجم والكلام الكتير اللى بيتقال ده شبشب ده حلوف ده مش عارف ايه
احب اقولك ان الكلام ده وهم كبير
انا فعلا كنت شايفه كحجم كبير بس هو بالظبط اسبوع وبقه الموضوع عادى جداا
وبحطه فى جيبى والأمور طبيعية واى تليفون تانى هتمسكه فى ايدك هتحس انك ماسك عصفور وهيكرهك فى اى تليفون تانى شاشته صغيره
انا مرة مسكت الاس3 حسيت انى ماسك تليفون لعبة ومكنش مالى عينى :)
+١١١١١١١١١١١١١١
النوت٢ لو حجمة مش مشكلة بالنسبالك، فرق الفلوس هايف جدا قصاد المزايا، طالما كده كده دخلت رينج ال ٤ بواكي مش هيفرق ٣٠٠ ولا ٤٠٠ جنيه زياده، أنا عن نفسي جبته بدون ضمان كان بنفس سعر الإس ٣ بالضمان، بس شوفة على الطبيعة وجرب تمسكة وتتعامل معاه تحطة في جيبك.
أنا بحطة في جيبي عادي، بكون حاسس بيه أه بس شغال ومش عامل أزمه أبدا، وخلاص تقريبا بالنسبالي الحجم ده هو الستاندرد في التليفونات وغير كده أقزام، مع إنه مكملش شهر معايا. بجد إنتاج تحفة من سامسونج عقد بيه كل المنافسين. ده قالب الدنيا بره سواء عرب أو غرب.
متشكرين جدا جدا يارجاله السؤال المهم مبيضاقش فى البناطيل الجيز ولا بيضايق السؤال التانى والاهم بيتعب فى المكالمات الطويله ولا لا والسؤال المحورى الباطريه بتقعد اد ايه
اكيد بيتعب في المكالمات الطويلة !! ممكن تعمل بلوثوت او سماعات
انا الاس 3 وبحس انه متعب في المكالامات فما بالك بالنوت اشعر انه تابلت وليس هاتف
الاس 3 لو عايز تلفون ممكن تتعامل معاه بسهولة في الحجم
لو عايز تليفون وتابلت يبقى النوت 2
Note 2 ولو الحجم مشكلة خليك في الـ Nexus 4
مش بيضايق في الجيب بس بتفضل حاسس بيه. أنا مكالماتي قصيرة بس يضايق من حيث إيه؟ الوزن؟ مظنش!!