الموضوع: الفرق بين الدهانات كومبيوتر وعادى ؟؟؟

ايه الفرق بين الألوان اللى بالكومبيوتر والألوان اللى متدربة على ايد النقاش؟ ، أنا هدى للشقة وش دهان ومحتار فى الألوان ، النقاش قاللى إن اللى بالكومبيوتر ممكن تطلع أغمق أو أفتح سنة من الأصل اللى انا اخترته ، بعكس اللى هو ممكن يدربه على ايده يقدر يتحكم فى الكونتراست بتاع اللون ، يعنى عاوز يقول إن اللى بالكومبيوتر جودته أقل ، وانا بصراحة أشك فى كلامه ...

ممكن حد يفيدنى فى الموضوع؟.

أكيد إنك لو عاوز لون محدد و متكرر الإستعمال... فالكمبيوتر أفضل .... لأن كل لون له رقم كودى ممكن ترجع له فى أى وقت لو إحتجت لعمل صيانة أو إعادة دهان بنفس اللون ....
لكن الكلام دة ينصح به فقط للكميات الكبيرة و الفراغات التى تحتاج لهذه الطريقة (غرف الفنادق، المكاتب التكررة، مشاريع متكررة، الصالات الكبيرة، الفيلات ...)

لكن على مستوى شقة ... لا أنصحك ... لأنك ممكن تاخد اللى إنت عاوزه من النقاش و بدون دفع مبالغ إضافية ممكن تدفعها أحسن فى تحسين نوع الدهان ... فدة أنسب حل بالنسبة لغرفة أو إثنين بنفس اللون... بتطلب سعادتك من النقاش يضربلك اللون من الفاتح الى الغامق لعينة لون إنت تكون مختارها أساسا من كتالوج... ولو عاوز تنكد عليه و تاخد بالضبط اللى إنت عاوزه ... توصى عليه المدام تطلع عينه فى درجة اللون .... الستات أدق مننا فى موضوع الألوان دة .... و بعد الإتفاق على العينة النهائية و التى ستكون قريبة الى حد ما ... بيضرب اللون للكمية المطلوبة و تقارنها بالعينة .... شوية نكد بس إنت أولى بالمبلغ ...وفى أى الأحوال سواء اللون بالكمبيوتر أو بالنقاش فالدرجة أيضا بتختلف بدرجة اللون و نوع الإضاءة ....

كما إنك لو إشتريت اللون بالكمبيوتر ... ودة الأهم ...و فاضت كمية من الدهان لن تتمكن أبدا من إعادتها أو إعادة بيعها .... عكس الأبيض اللى ممكن يرجع أو يعاد بيعه و إستخدامه ... و بالتوفيق ...
علقة و تعدى ... خاصة إخوانا النقاشين ...