الموضوع: استهلاكك اد ايه من البنزين؟

كل يوم لمدة 30 يوم فى الشهر بتعمل 100 كيلو؟
مفيش يوم فى الاسبوع اجازه من الشغل ؟
كل يوم 30-35 كيلو مشاوير خاصه؟
اكيد فى اجازات و مش كل يوم مشاوير عشان كده بنتكلم فى المتوسط ...
ممكن نحسبها بالعكس ... شوف تقريبا فى الشهر بتحط بنزين قد ايه و اقسمه على سعر اللتر يطلعلك متوسطك كام لتر تقريبا

والله يا باشا انا مقلتش بعمل 100 ك لمدة 30 يوم
لكن للاسف انا ساكن في حتة بعيده شوية عن شغلي يعني لو حضرتك روحت اسكندرية وعارفها كويس فأنا ساكن في ميامي وشغلي في العامرية .
ومع ذلك انا بحط بحوالي 500 جنيه بنزين في الشهر تقريبا ممكن يزيدوا شوية يعني مبعدتش قوي عن الرقم اللي انا قلته

يا باشا للاسف معرفش فى اسكندريه و مقصدش اقول انك قلت 100 كيلو كل يوم ... هو السؤال كان بتعمل كام مش يكفيك قد ايه ...
خلى بالك ان لو حتى طلعت الاحصائيه بتاعتنا سليمه 100% ده مش معناه ان هدعم الحد اللى يخلى كل واحد متغطى و الا مش هنكون عملنا حاجه بس هياخد متوسط ... يعنى مثلا من اللى شايفينه لحد دلوقتى من النتايح اللى فوق بيقول ان المتوسط بين 7-10 و ميال اكتر ناحية ال 7 يبقى هيحط الدعم لحد 8 مثلا ... فهمتنى بسالك ليه على التفاصيل :)

لحد وقت قريب قوي كنت بشتغل في المطار و كنت بحط 70 لتر في الاسبوع, يعني 10 لتر يوميا.

أه و ده كان الشغل بس, مكنتش بروح حتت تانية.

بفول 3 مرات في الشهر
يعني متوسط استهلاكي بين
120 ---- 150 لتر شهريا .

أنا بعمل تقريبا 5 لتر في اليوم أو 3 لتر حسب الطريق اللي بأخده .

و أنا مش مع الدعم قلبا و قالبا لأنه كارثة و خراب لأي أقتصاد .
============================
و لكن

يجب توفير بدائل للناس ....... أنا مستعد أركن عربيتي (و ده بيحصل فعلا ) و أخد مواصلات عامة و ده بيحصل فعلا و لكن المواصلات عددها الحالي غير كافي
و جودتها مش على المستوى المطلوب أطلاقا ....

فيجب تقليل الدعم قدر الأمكان أو الغاءه تدريجيا ...

و مقابل ذلك

لازم و يجب و لا بد أن يتم توفير مواصلات محترمة تقف في محطات و تكون المواصلة آدميه مش علبة سردين .
و بأسعار مناسبة للمواطن و الشركة على حد سواء
يعني لازم الشركة تكسب علشان تستمر في تقديم خدمة كويسة و في نفس الوقت تكون أسعار معقولة للمواطن .
و على فكرة هاتكون حل أوفر و أرخص من أستخدام السيارة اليومي و هايوفر جامد للدولة .....

و لكن اللي أنا شايفه

أنه بيحاول يحل مشكلة الدعم على الميزانية فقط ......... بدون ما يعمل مواصلات بديلة .

أنا مش مع الدعم نهائي لأنه غير عادل ..... و لأنه فلوس ببتحرق في الهوا بدون أستثمار حقيقي .

أنا بعمل مشوار لغاية أسيوط أسبوعيا 400 كيلومتر رايح وزيهم راجع ... يعني 800 كيلومتر للعمل فقط بستهلك بالعربية الألتو حوالي 70 لتر بنزين لو ضميت كمان استهلاك البيرسونا اللى المدام بتعمله هى والأولاد معاها من وإلى المدرسة وما الى ذلك من مشاوير لقضاء حاجة البيت أو زيارات عائلية يعني تقريبا هقفل الألف كيلومتر إسبوعيا متوسط استهلاك 230 كيلومتر / الصفيحة ... يعني 86 لتر إسبوعيا ... يعني 12 لتر يوميا ... وبرغم كدة أنا اخترت في الاستطلاع من 7 - 10 لأن مش كل أسبوع بعمل ألف ... ساعات بكتفي بالـ 800 بتوع الشغل فقط ويزيد عليهم حاجات بسيطة

المشاركة الأصلية كتبت بواسطة tutankhamoun

أنا بعمل تقريبا 5 لتر في اليوم أو 3 لتر حسب الطريق اللي بأخده .

و أنا مش مع الدعم قلبا و قالبا لأنه كارثة و خراب لأي أقتصاد .
============================
و لكن

يجب توفير بدائل للناس ....... أنا مستعد أركن عربيتي (و ده بيحصل فعلا ) و أخد مواصلات عامة و ده بيحصل فعلا و لكن المواصلات عددها الحالي غير كافي
و جودتها مش على المستوى المطلوب أطلاقا ....

فيجب تقليل الدعم قدر الأمكان أو الغاءه تدريجيا ...

و مقابل ذلك

لازم و يجب و لا بد أن يتم توفير مواصلات محترمة تقف في محطات و تكون المواصلة آدميه مش علبة سردين .
و بأسعار مناسبة للمواطن و الشركة على حد سواء
يعني لازم الشركة تكسب علشان تستمر في تقديم خدمة كويسة و في نفس الوقت تكون أسعار معقولة للمواطن .
و على فكرة هاتكون حل أوفر و أرخص من أستخدام السيارة اليومي و هايوفر جامد للدولة .....

و لكن اللي أنا شايفه

أنه بيحاول يحل مشكلة الدعم على الميزانية فقط ......... بدون ما يعمل مواصلات بديلة .

أنا مش مع الدعم نهائي لأنه غير عادل ..... و لأنه فلوس ببتحرق في الهوا بدون أستثمار حقيقي .

متفق معاك في كل كلمة ... المصيبة فعلا اللى أنا عارف إنهم هايعملوها إنهم هايستخدموا فلوس الدعم لسد العجز في الميزانية ... ودي كارثة لو حصلت يبقى معملناش حاجة والناس لن تتقبل إلغاء الدعم ... ويتكرر نفس المشهد أيام السادات لما فكر يعملها ولكن بعنف أكتر لأن الناس أساسا على آخرها

لكن المفترض استخدامها لتصب في خدمات واستثمارات مباشرة لصالح المواطن ... من تحسين طرق ومواصلات ومرتبات ... ودول أخطر ثلاث حاجات هايحس بيهم المواطن وبناء عليه يتقبل رفع الدعم نهائي بعد كدة وتوجيه أمواله لبناء مدن جديدة تستوعب أعداد البشر اللى المدن القديمة خلاص مش مستحملاهم

المواصلات نفسها لو اتعملت مضبوط المفترض أنها تكون مصدر ربح للدولة مش خسارة ... منها توفير للمحروقات والزحام بين السيارات الملاكي في وحدات نقل جماعي جيدة الخدمة بالذات في ساعات الذروة أثناء الذهاب والخروج من العمل ... ومنها تكون بمقابل مجزي للدولة يمكنها من تطويرها بصورة دائمة

أنا كنت بروح أسيوط بالقطار ... لكن في النهاية بقيت بروح بالعربية اسبوعيا متحملا مشاق القيادة بسبب ما يحدث من مهازل في قطاع السكة الحديد وغيره ... كل المواصلات العامة في مصر حالها أسوأ من الحضيض ... ميكروباصات خاصة غير مؤهلة للسفر .. وقطارات عفا عليها الزمن مكانها في المتاحف .. وحتى الأتوبيسات التي كانت وسيلة جيدة أمثال شرق وغرب الدلتا ومصر العليا ... أصبحت مثالا للإهمال ولا يمكن عندما تراها أن تتخيل أن أمثال هذه السيارات يتم تكليفها بالسفر بين المحافظات