ربنا يسترها معانا ومعاك ومبروك علي الاصلاح
رقم العضوية : 59518
تاريخ التسجيل : 20Jan2010
المشاركات : 2,160
النوع : ذكر
الاقامة : cairo
السيارة: Lanos 2
السيارة[2]: Lancer 2007
دراجة بخارية: No
الحالة :
السلام عليكم
يوم السبت ماشي في امان الله علي طريق السويس (نفس المكان اللي الفرامل سابت فيه بالظبط والله متعرفشي المكان ده ماله) المهم و مرة واحدة حسيت ان في ريحة غريبة بس خفيفة جدا ببص علي عداد الحرارة لقيته بقي في الوسط بالظبط و شكلة مكمل رحت طفيت العربية و انا ماشي بس سبت المفتاح علي اول تكه علشان الدركسيون ميقفلشي و ركنت
فتحت الكبوت و قولت اشوف المياة موجودة لقيت المياة موجودة !!! ببص علي مكان ثرموستات الكوعة لقيتها بتعمل صوت تنفيس هواء قولت يبقي بتسرب
المهم في الاول كلمت محمد عبده الميكانيكي فقالي شغل العربية و استني المرواح تشتغل و شوف المروحتين بيطلعوا هواء سخن ولا واحدة بتطلع هواء سخن و التانية بتطلع هواء ساقع
قولتله فعلا ده اللي حاصل قالي يبقي الثرموستات قفش !!!
قالي افصل الفيشة اللي تحت الموبينة دي هتخلي المراوح تشتغل علي طول و علي اعلي سرعة و افتح غطاء القربة حاجة بسيطة علشان جوان وش السلندر ميضربشي و امشي بحذر
المهم وصلت الرحاب بالعافية و كل شوية اركن و كان موضوع متعب جدا
كلمت الاستاذ طارق ربنا يبارك فيه فقالي اتأكد الاول انها ثرموستات كوعة قولتله ازاي ؟ قالي شيل الخرطوم اللي راكب في الكوعه بتاعتها و دور العربية المفروض تطلع نافورة مياة و لو مطلعتشي يبقي قفشت فعلا
و شلت الخرطوم لقيتها مش بتطلع و قفشت فعلا !!!
المهم حاولت بكل الطرق اني اروح لمحمد عبده بس الموضوع كان صعب جدا جدا و كان خطر و فكيت العربية في الرحاب و عملتها و هنا تبدأ المشاكل بقي :
اول حاجة جبت الثرموستات من توكيل منصور اللي في الرحاب هي و الكوعة و سير الكاتينة و الشداد و لكم الاسعار الخرافية و كنت مضطر للأسف لاني مش هفك الكاتينة كل يوم و والله الكاتينة و الشداد القدام مكملوش 30 الف بس الحمد لله علي كل حال :
شداد كاتينة : 381 جنية !!!
سير كاتينة 181 جنية !!!
كوعة مياة : 45 جنية
ثرموستات كوعة : 25 جنية
استعوضت ربنا و قولت اللي حصل حصل و ركبت في الرحاب و انا بكرب بقي الاقي اييييييييييييه !!!
الاقي التوكيل الباشا العبقري جايب الثرموستات منغير الجوان بتاعها !!!!! لا و ايه بيبيع الجوان لوحدة ب 8 جنية !!! قولت مش هتفرق جبت الجوان و جي اركب الاقي التوكيل العبقري جايب جوان نوبيرا مش بيركب اساسا علي الثرموستات !!!!!!!!! و مفيش عنده غير ده و كلمت توكيل التجمع الخامس مفيش عندهم غير ده !!!!!
طبعا فضلت ساعة افرك و الف و في الاخر طلعت الجوان القديم الناشف المشروخ و ركبته غصب عني و حطيت عليه سيليكون حراري قولت اقلل الخسائر و ركبنا الكوعة بسيليكون حراري برضة و الكاتينة و الشداد و قفلت العربية و فضلت اقول حسبي الله و نعم الوكيل فيك يا منصور
امبارح بقي رحت ابو الحسن اجيب قطع غيار اكمل الحاجات اللي كنت حاططها في خطة التصليح فبسأل علي الشداد الاصلي لقيته بكااااااااااااام ؟ 275 جنية !!!فرق 106 جنية !!!!!
جبت عقربة فتيس ب 155 جنية اصلي
فلتر بنزين اصلي ب 40 جنية
فلتر زيت اصلي ب 20 جنية
بوجيهات ب 40 جنية NGK
سلوك بوجيهات اصلي ب 130 جنية
سير تكييف لاني اللي عمل العربية في الرحاب مشدش السير كويس فالسير اتقطع و كسر الطنبورة بتاعة شداد سير التكييف ب 30 جنية اصلي
شداد سير تكييف ب65 اصلي
جركن مياة خضراء موبيل 75 جنية
اويل سيل علبة دركسيون او اسكترا مش اصلي ب 35 جنية و ده مركبتهوش لسه
المفجأة بقي اني لقيت عنده جوان الثرموستات و متوفر جدا و اول ما قولت له عليه قالي اه المفتوح من النص ده استني اجيبهولك !!! يعني ابوالحسن عارف اكتر من التوكيل !!!
جبته و ركنته احتياطي للزنقات و مخدشي فلوسه كمان !!!!
رحت لمحمد عبده ركب الحاجات و اساسا بنفك سلوك البوجيهات علشان نغيرهم هم و البوجيهات لقيت سلك طلع متفرتك في ايده كان خلاص بيودع الحمد لله اني كان معايا سلوك جديدة
ركبت العقربة الجديدة و فرقت جدا في الفتيس بس برضة الاول فيه عضة لو جبته و العربية بتتحرك و ده انا كنت عارف انه مش من العقربة بس النقلات بقت احسن و الفتيس بقي انعم
دي صورة العقربة الجديدة
[IMG][/IMG]
كده بقي انا فلست بجد بسبب العربية دي مصاريف مصاريف مصاريف مفيش رحمة !!!
فاضل اويل سيل اسكترة و اويل سيل كنك خلفي و اويل سيل كوبلن شمال ربنا يسهل لما افوق من الصدمة هعملهم لاني فعلا زهقان جدا
و اخيرا الحمد لله ان موضوع ثرموستات الكوعه ده حصل و لاعربية معايا مش مع مراتي ده ستر كبير من ربنا و فضل مقدرشي انكره و الحمد لله اني اخدت بالي قبل ما العربية تسخن علي الاخر
ربي قد مسني الضر و انت ارحم الرحمين
لا إله إلا انت سبحانك اني كنت من الظالمين
رقم العضوية : 35477
تاريخ التسجيل : 14Mar2009
المشاركات : 6,443
النوع : ذكر
الاقامة : فيصل
السيارة: 127 نصر موديل 1983
السيارة[2]: لانوس 2 موديل 2003 f/o
دراجة بخارية: not now
الحالة :
ربنا يسترها معانا ومعاك ومبروك علي الاصلاح
[mn7ot2]http://i827.photobucket.com/albums/zz193/tarek_2005/nile%20motors/stamp_zps919d7215.jpg[/mn7ot2]
رقم العضوية : 59518
تاريخ التسجيل : 20Jan2010
المشاركات : 2,160
النوع : ذكر
الاقامة : cairo
السيارة: Lanos 2
السيارة[2]: Lancer 2007
دراجة بخارية: No
الحالة :
رقم العضوية : 2282
تاريخ التسجيل : 23Sep2007
المشاركات : 8,887
النوع : ذكر
الاقامة : Cairo ,Faisal st
السيارة: كانت lada 2107 1989
السيارة[2]: Daewoo Nubira2 2005 auto
دراجة بخارية: No
الحالة :
مبروك الاصلااح
كام مصنعية الكاتينة
قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"
-- اللهم ارزقنيها --
رقم العضوية : 117583
تاريخ التسجيل : 08Dec2011
المشاركات : 7,814
النوع : ذكر
الاقامة : cairo
السيارة: mercedes
السيارة[2]: mazda
دراجة بخارية: no
الحالة :
الحمد لله على كل شىء....
رقم العضوية : 129293
تاريخ التسجيل : 11Sep2012
المشاركات : 897
النوع : ذكر
الاقامة : العاشرمن رمضان
السيارة: لانوس
السيارة[2]: شاهين
دراجة بخارية: مش بعرف أسوقها
الحالة :
مبروك الاصلاح والحمد لله انك فهمت المشكلة وتفادتها بالطريقة دى.
رقم العضوية : 72963
تاريخ التسجيل : 13Jun2010
المشاركات : 166
النوع : ذكر
الاقامة : portsaid
السيارة: chevo lanos 2014
السيارة[2]: Daewoo julliet 2000
دراجة بخارية: لا يوجد
الحالة :
كان ممكن تفك ترموستات الكوعة وتمشى من غيره لحد ماتوصل للميكانيكى
احسن ماكنت تصرف المصاريف دى كلها
رقم العضوية : 85346
تاريخ التسجيل : 09Jan2011
المشاركات : 1,249
النوع : ذكر
الاقامة : cairo
السيارة: Hyundai I10
السيارة[2]: Daewoo
دراجة بخارية: no
الحالة :
قدرالله وماشاء فعل
Wael Kamel
سبحان الله والحمدلله والله اكبر
wael_kamel سابقا
رقم العضوية : 59518
تاريخ التسجيل : 20Jan2010
المشاركات : 2,160
النوع : ذكر
الاقامة : cairo
السيارة: Lanos 2
السيارة[2]: Lancer 2007
دراجة بخارية: No
الحالة :
الموضوع مش سهل كده يعني !!
الثرموستات تحت ترس الكاتينة مباشرة و لازم تفك الكاتينة علشان تغير الثرموستات
الكاتينة اللي معمول عليها ميلومتر عالي يفضل تتغير لما تفك علشان التقسيمة متخلفشي نظرا لارتخاء السير و ده مش شرط و علشان متتكلفشي مصنعية فك و تركيب مرتين ورا بعض
تاني حاجة هتشيل الثرموستات العربية هتاكل بنزين و هتتخنق و انا مش ناقص مشاكل
المصنعية في الرحاب في توكيل كيا (مضطر مكنشي قدامي غيره) 200 جنية
ربي قد مسني الضر و انت ارحم الرحمين
لا إله إلا انت سبحانك اني كنت من الظالمين
رقم العضوية : 113634
تاريخ التسجيل : 20Sep2011
المشاركات : 135
النوع : ذكر
الاقامة : giza
السيارة: Hyundai Tucson
السيارة[2]: DAEWOO Lanos
دراجة بخارية: no
الحالة :
الحمد لله ربنا ستر ومبروك على الصيانه بس بعد اذنك انت بتقول
"ركبت العقربة الجديدة و فرقت جدا في الفتيس بس برضة الاول فيه عضة لو جبته و العربية بتتحرك و ده انا كنت عارف انه مش من العقربة بس النقلات بقت احسن و الفتيس بقي انعم" انا عندى نفس المشكله ان الاول مش بييجى والعربيه بتتحرك الا لما تقف او تكون بطييييييئه جدا وكنت هاغير العقربه على امل المشكله تتحل . كلامك ده معناه ان تغيير العقربه مش حل ؟
المفضلات