الموضوع: وجهة نظر بالنسبة للدعم

او يجدد ويصون الطرق عامه ولو بخطه على مدى زمنى معقول بدل الحوادث بتاعه السيارات - وقاكم وايانا الله من شرها - اللى بتكون حاله الطرق والرصف المكسر سبب رئيسى فى الحوادث دى .

أولا تحويل الغاز لمواتير البنزين فقط وليس للديزل وكده الفكرة مش هتنفع (بالنسبة للنقل وغالبية الأجرةو التى تعمل بالسولار)

هو فكرة ان دعم البنزين 120 مليار ده رقم خرافى
ومش حنضحك على بعض لو الواحد قعد من نفسه حيكشتف انه ممكن يخفض استهلاكه شوية
ده فى ناس بتقولك يالا نطلع اسكندرية نتغدى ونرجع وفى ناس بتقولك اخطف رجلى لاسماعلية اجيب مانجة
وفى ناس بتقولك انا زهقان وحنزل الف طول الليل بالعربية

طبعا من حقك لكن برده طبيعى انا اديلك دعم لمستوى معين وبعدين انت حر بقى

للاسف دى عادة فى الانسان سواء للمياه او الكهربا او البنزين طالما سعرها الوحدة منها رخيص

يعنى لو جربنا نقول نصائح لتوفير الكهرباء مثلا تلاقى لاشخص بيقولك حتوفرى 2 او 3 جنيه فى الشهر مش فارقة

لكن تفرق كتير للدولة
(وبقولك للدولة مقولتش للحكومة لانها فلوسنا احنا)

وعلى فكرة انا متاكد ان برده لما المشروع ده يتعمل مش فجاءة التعليم حيبقى كويس والصحة كويسة
ابسليوتلى
بس على الاقل عجز الحكومة حيقل فحتقلل شوية من السلف اللى بتستلف من جوا وبره

هو فكرة ان دعم البنزين 120 مليار ده رقم خرافى
ومش حنضحك على بعض لو الواحد قعد من نفسه حيكشتف انه ممكن يخفض استهلاكه شوية
ده فى ناس بتقولك يالا نطلع اسكندرية نتغدى ونرجع وفى ناس بتقولك اخطف رجلى لاسماعلية اجيب مانجة
وفى ناس بتقولك انا زهقان وحنزل الف طول الليل بالعربية

مش كل الناس كده
انا على سبيل المثال المسافة ما بين بيتي وشغلي حوالي 65 ك يوميا يعني في 26 يوم عمل في الشهر يعني 1690 ك في الشهر شغل بس يعني ارجع من الشغل افضل قاعد في البيت لو ابني تعب منزلش اوديه المستشفى او مروحش انزل ازور والدي وولدتي او حماتي مثلا او مخرجش العيال يتفسحوا يعيني بمنتهى السهوله 1690 ك دول يبقول 2000 او 2500 ك في الشهر ( شغل + مشاوير شخصية )
ولما يديني هو 150 لتر في الشهر في استهلاك عربية زي عربيتي حوالي 10 او 11 ك في اللتر يبقى انا اقدر اعمل من 1500 الى 1650 ك في الشهر يعني الكمية اللي حيصرفهالي من البنزين متكفنيش اروح اشغل بس
طبعا ممكن حد يرد ويقولي امال فين المواصلات في حياتك حرد واقول هي فين المواصلات اتوبيسات نقل عام متهالكه وزي الزفت ميكروباصات ركبنها سواقين يموتوا في الاستغلال ده غير تهورهم قطارات وزي ما احنا شايفين كل يوم حادثة شكل ومعندناش في اسكندرية مترو .
يبقى قرار صادر بدون دراسة واي بيطيخ ولا لأ
انا مش معنى كلامي اني ضد ترشيد الاستخدام بالعكس
انا نفسي يبقى عندنا شبكة مواصلات عامه محترمة زي الدول المتقدمة اركبها في وقت ابقى مطمئن وانا واسرتي واحنا ركبينها واعزز عربيتي شوية واركنها
انا اسف على الاطالة بس ده يوميات ناس كتير عايشة في البلد ده