باركولى .. اخيرا حجزت اليارس

باركولى ..... اخيرا حجزت اليارس و هاستلمها الاسبوع الجاى.... :smash: من عند شركة الرزق فى اسكندرية! ان شاء الله
وشكرى كتير جدا لاصدقاء المنتدى الى ساعدونى كتير فى اختيار حبيبتى اليارس
وبشكر كتير اوى اصدقائى :
حازم خضر و hero و بالاخص صديقى الجميل good wave :victory: لانه ساعدنى كتير بالنصيحة .. طبعا ماهو اسكندرانى زيى..
وعايز اقول انى جربت سواقة اليارس من واحد صديقى قبل ما احجزها ...
وفعلا العربية ناعمة جدا والعزل فيها فوق الممتاز لدرجة ان العربية طفت منى وماحستش :walkman: دا غير شكلها التحفة طبعا
بس العربية وصلت فعلا من اسبوع لكن الورق لسه .. ياترى ممكن الورق يتاخر اد ايه..؟ وشكرا كمان مرة لهذا المنتدى الرائع....ز

مبروك ياباشا ربنا يديك خيرها ويكفيك شرها

ياترى العربية مانيوال ولا اتوماتيك
ولونها اية
وسعرها اية

ألف مبروك عقبال المرسيدس

العربية لونها نبيتى و مانيوال فل اوبشن وسعرها 94000 حاليا و الف شكر يا باشا..

1000 1000 مبروووووووووووك
و النبيتي فيها جميل ..
ربنا يبارك لك فيها
و ان شاء الله الورق مش حيتأخر .. الناس بتوع تويوتا محترمين .. و اجراءاتهم سريعة .. انا مجربهم قبل كده .. بس الفرع بتاع العباسية ..
مبرووووووووك

الف مبروك و عقبال الferrari

الف الف الف الف الف مبرووووووووووووك عقبال ما تستلمها يارب لونها اكيد النبيتى تحفه مبروك علييييييييييييييييييك الياريس

ألف مبروووووووووك
على فكره الورق خلص معايا من toyota egypt الأسكندريه فى 3 أيام

الف مبروك و ربنا يبارك لك فيها

thanks alot for all friends

بس ياجماعة الورق اتاخر قوى العربية بقالها اسبوع ولحد دلوقتى الورق لسة ماخلص.... والموزع بيقول علشان الروتين والاجراءات ...
ياترى ممكن يتاخر اكتر من كده ولا ايه....؟

1000 مبروووووووووووووووووووووو وووووك
من محمد عمارة الاسكندرانى زييك :((

ان شاء الله لم تستلمها تبقي تقيمها لينا وان شاء الله تعجبك هي عربية ما شاء الله جميلة جدا

الف مبروك يامان.ربنا يباركللك فيها

الف مبروك علي الحجز....وربنا يباركلك فيها ويديك خيرها ويكفيك شرها ....وعقبال الاستلام ان شاء الله....
العربية ممكن ورقها يتأخر علشان الافراج الجمركي بيكون جماعي يعني علي 20 او25 عربية ...مش عربية عربية....ما تقلقش وان شاء الله تستلم وترخص...

شكرا جدا بس ممكن يتاخر اد ايه.....؟ هى دلوقتى 10 ايام العربية موجودة ولسه الورق مخلص... و انا عايز اعرف ممكن يتاخر اكتر من كده ....؟ ولا ايه بصراحة انا مستعجل و خايف تتاخر اكتر من كده.... شركة الرزق كل شوية يقول ميعاد وبعد كده يقولى معلش لسه انت عارف الروتين والاجراءات ... والمندوب بتاعهم يسافر كل يوم ويرجع ويقول لسه ؟ ياترى فعلا التاخير من الروتين ولا يكون انهم مكسلين:ANSmile05:ياريت حد يفيدنى....

thanks alot for all friends

اقتباس:

---

المشاركة الأصلية كتبت بواسطة kehso

شكرا جدا بس ممكن يتاخر اد ايه.....؟ هى دلوقتى 10 ايام العربية موجودة ولسه الورق مخلص... و انا عايز اعرف ممكن يتاخر اكتر من كده ....؟ ولا ايه بصراحة انا مستعجل و خايف تتاخر اكتر من كده.... شركة الرزق كل شوية يقول ميعاد وبعد كده يقولى معلش لسه انت عارف الروتين والاجراءات ... والمندوب بتاعهم يسافر كل يوم ويرجع ويقول لسه ؟ ياترى فعلا التاخير من الروتين ولا يكون انهم مكسلين:ANSmile05:ياريت حد يفيدنى....

---

يفضل جدا انك تتابع معاهم ( بغلاسة ).. لأن الورق في الطبيعي مفروض ميتأخرش عن 3 او 4 ايام .. مع توكيل محترم زي تويوتا .
و في تجربة سابقة ليا مع الفرع الرئيسي .. الموضوع خد بالكامل 48 ساعة فقط .

الفااات مبرووووكات على احلى ياريساااااات

ياجماعة انا خلاص زهقت ... مش ممكن خدمة البيع فى مصر ... سيئة جدا
كل شوية شركة الرزق تديلى ميعاد وبعد كده بقولوا لسه الورق ...
وبعدين ياجماعة انا بجد زهقت .. العربية موجودة كده اسبوعين كاملين لسه الورق برده مخلص... اعمل ايه معاهم بس؟ انا خايف يكون فيه نصب ولا حاجة كده.....!! افيدونى يا اهل الخبرة... اخوكم محتاج المساعدة:confused:

اقتباس:

---

المشاركة الأصلية كتبت بواسطة kehso

ياجماعة انا خلاص زهقت ... مش ممكن خدمة البيع فى مصر ... سيئة جدا
كل شوية شركة الرزق تديلى ميعاد وبعد كده بقولوا لسه الورق ...
وبعدين ياجماعة انا بجد زهقت .. العربية موجودة كده اسبوعين كاملين لسه الورق برده مخلص... اعمل ايه معاهم بس؟ انا خايف يكون فيه نصب ولا حاجة كده.....!! افيدونى يا اهل الخبرة... اخوكم محتاج المساعدة:confused:

---

روح اقفش عليهم
قولهم انا عايز عربيتى حالا