شراء سيارة بعرض سعر مختلف واكبر من فاتورة الشراء هل يترتب عليه ضرر للمشترى مستقبلا؟؟
شراء سيارة بعرض سعر مختلف واكبر من فاتورة الشراء هل يترتب عليه ضرر للمشترى مستقبلا؟؟
معلش مش فاهم قوي........هل تقصد أن سعر الشراء مثلاً 100 الف و عرض السعر طلع ب 120 علشان المقدم اللى هتدفعه يقل ؟
المفروض لأ........مفيش ضرر إلا لو البنك بيطلب منك الفاتورة فى أى مرحلة.
شوف انا امبارح كنت بخلص اجراءات شراء الكروز من موزع معتمد لشيفروليه مصر وفى نص الكلام وبعد كل الخطوات قالى مدير البيعات ان فيه ملحوظه عايز اقولك عليها
قولت له خير؟؟
قالى انا حطلعلك فاتوره بــ 142000 بخلاف عرض السعر الى هو 149000 (السعر ده بعد خصم الف جنيه منه لان السعر الرسمى 150000) وقالى ان ده نظام الشركه عندنا
بينى وبينك انا قلقت وقولت افرض فيه إن فى الموضوع ويبقى فيه ضرر عليا فى المستقبل امام اى جهه تطلب منى الفاتوره فقولت اسألكم واستشيركم مليش غيركم واعرف خبراتكم فى الموضوع ده ايه لانه مش داخل دماغى
انا مش فاهم يعني سعر العربية الفعلي انهي رقم فى دول بالظبط
ممكن تكون لعبة عشان يضرب على الفرق
اخي الكريم،
لا تقبل بما لا يتفق مع المنطق، وخليك في السليم.
هتدفع 149000 يبقى لازم تاخد ما يثبت ذلك، ولست مضطر لقبول ما يسبب لك الحيرة والقلق.
الفاتورة بالمبلغ الاقل علشان الضرائب وانت بتدفع المبلغ بالكامل ويشيل الفرق من صافى الدخل، بالعربى تهرب ضريبى.
انا قولت كده برضه ................. بس كنت بسأل عشان اعرف الضرر بالنسبالى
ده الى انا عملته ورفضت اتمام الشراء منهم ...... واتعودت الحاجه الى ماستريحش ليها الغيها على طول
ولو ساعدته حبقى حرامى زيه
وممكن الدنيا تلف واتضر انا كمان الله اعلم الى جاى ايه
بس تعرفو وعشان انى لغيت الشراء منه التضريت انى اغير الورق فى البنك وده اخد 24 ساعه وبسبب التأخير ده سمعت ان العربيه حتزيد تانى 7000 فى ايه لحظه ووالله لو زات تانى ما انا شارى وعلى القصه كلها
ولعله خير محدش عارف الخير فين
خير إن شاء الله........
هو كده ملهاش غير حل من حلين.......تهرب ضريبي أو هيضرب على الفرق.
ألف مبروك أولا... سبحان الله بعد كل الشغل اللي عملته في نيسان انتهى بيك المطاف على شيفروليه... ربنا يبارك لك في اختيارك ويحميها لك من الحسد..
ومعلش في السؤال ..هي العربية "كروز" دي مش كان عليها عرض من كام شهر وكان عليها خصم 25 ألف تقريبا ولا دي كانت عربية ثانية؟
بالتوفيق بس طبعا متوافقش
ليه تدفع سعر و تأخد فاتورة بالأقل؟
كل المعارض بتعمل كده و ده الطبيعى عندهم سواء الطارق او اى موزع لاى عربية
العربية السعر الرسمى من التوكيل بالحجز و الانتظار 3 شهور هو 100 الف مثلا
سعر التسليم الفورى بالاوفر برايس هو 110
الفاتورة هتطلع ب100 طبعا لان الاوفر برايس حاجة غير قانونية و مش معترف بيها فى الضرايب
واستحالة هتلاقى معرض هيطلعلك فاتورة بالفلوس الى هتدفعها كلها لانه لو عمل كده الضرايب هتحاسبه على 110 بدل من 100 و شوف بقى هو باع كام عربية بالسعر ده
تهرب ضريبي...
اخلفت كليا عن القديمه وده الى شجعنى وخلانى اسيب النيسان وكل شىء نصيب
http://www.nilemotors.net/Nile/326836-2013.html
وعلى فكره لسه معايا النيسان الــ 83 يعنى لسه نيساناوى ههههههه
أما جبت اللانوس بتاعتي في 2008 من الكويت و البلاد العربية كانت ب-65,500 و ادوني ورقة لحمة كدة مكتوب عليها مش فاكر الصراحة كان 62,500 أو 63,500 و الفرق كتبو تجهيزات! مع إن هي غاية كدة على وضعها من المصنع.... لو مكسب العربية 4,000 مثلاً هو كدة ضريبياً كسبان ألف و لا انتين أقصى حاجة في كل عربية و طبيعي المرتبات و الكهربا و التأمينات الاجتماعية و و... كل التكاليف إلي على الشركة العادية يعني هتتكفل بالباقي و بالتالي الشركة دي أو إلي يعمل زيها مبيدفعشي ولا 20 و لا حتى 30 في المياه من إلي الحكومة كانت بتخطط انها تدفعهوله! و اللذيذ كمان إن الورقتين الحزانى دولة كمان خدوهم مني على البوابة... يعني الجريمة الكاملة ها ها!