مش عارف اضحك عليا ولا ايه في زيت موبيل

**refaat100** · 16-01-2013 11:45 AM

السلام عليكم:
لسه كنت جايب العربية مستعمل لانوس وبعدين رحت لميكانيكي فقاللي مستوي الزيت سئ جدا فقاللي هنحط موبيل 10000 قولتله ماشي فلاقيته جايبلي جركنين موبيل 5000 الكلام ده من 3 اسابيع لما كشفت علي الزيت وانا بطلع المؤشر لقيته نقط نقطتين زي الميه وجربته علي ايدي لقيته خفيف.

مش عارف ايه اللي حصل حد يفيدني بعد اذنكم.

**mero100** · 16-01-2013 11:53 AM

زيت موبيل اللي بيمشي 10000 كم .. إسمه موبيل 1 و جركن واحد 4 لتر و سعره في حدود 275 جنيه .
و أضمن شيئ إنك تجيبه من محطات موبيل .

**refaat100** · 16-01-2013 12:02 PM

شكرا جدا علي الرد انا كنت متلغبط زبصيت علي الجركن لاني اخدته طلع زي ما انت بتقول بس بالنسبة للزوجة ازاي بعد 3 اسابيع تبقي بالحالة دي.

**moaaz** · 16-01-2013 01:22 PM

لو و العربية باردة ..بيبقى الزيت خفيف قوى ..عندى كدا برضوا ..و فى نا بتقول انو بيبقى كدا علشان يوصل لاجزاء الموتور عند الدووارة اسرع...فا حضرتك دور العربية شوية ...وبطلها 5 دقايق او 10 دقايق واكشف عليه هتلاقى اللزوجة تكاك انشاء الله

**refaat100** · 16-01-2013 01:59 PM

والله انا مش عارف اعمل ايه مع الموقع ده كل شوية الواحد بيستفيد شكرا جدا علي الرد

**هيثم الدسوقى** · 16-01-2013 02:25 PM

معلش يعنى هو يعنى ايه جابلك جركنين 5000 عشان يبقى 10000 هو بيجمع ولا ايه

العربية بتاخد 3.5 لتر من زيت واحد بس والجركن بيكون 4 لتر او ستة فى نوعيات تانية وكون انه يحطلك اكتر من التلاتة ونص لتر دا يبقى بيدمر لك العربية طبعا

**refaat100** · 16-01-2013 02:48 PM

دي كانت غلطة مني هو كان جركن واحد فقط بس الجزئية بتاعة اني فحصت الزيت والعربية بارده علشان كده الزيت كان خفيف هي دي اللي ما كنتش اعرفها وشكرا علي الاهتمام.

**هيثم الدسوقى** · 16-01-2013 04:03 PM

تمام كدا بس عموما الموبيل زفت فعلا

والناس هنا بتنصح للشل الاصفر وانا عن نفسى هغير شيل المرة الجاية عشان هغير الفلتر بقى معاه وتخلى بالك من مقاس الزيت اللى بيحطهولك فى العربية عشان الزيت لما بيزيد عن القيمة العظمى ليه هيبهدلك الاوسيهات والسيل اللى فى المحرك فياريت تخليها مظبوطة على المقاس بتاعها وتعرف هو المقاس القياسى بتاع المحرك كام مع او بدون تغيير الفلتر , لانى انا عندى فى الاوبل من غير تغيير الفلتر بتاخد تلاتة وبالفلتر 3.5 لتر .

**E_medo77** · 16-01-2013 04:38 PM

الموبيل عن تجربه بيتبخر جدا والشيل الاصفر خدت فيه مقلب ومالاقيتش منه غير لتر واحد الباقى فى العربيه !! كان مغشوش واخيرا جبت زيت الامارات ولاقيته ماشاء الله ممتاز والموتور صوته اهدى بكتيييييييير