-
سؤال للجولفاوية
أنا قدامي جولف 5 موديل 2005 عامله 54000 فابريكة جوه و بره ما عدا حبة خرابيش في الإكصدامات و فيها جنوط و فرش جلد و زينون و كل الفوانيس متغيرين بفوانيس led و معاها ال 4 فواتيس الأصليين هوا الراجل صاحبها محترم أوي و قالي لو عايز توديها التوكيل و تكشف عليها مفيش مشكلة رأيكوا أكشف عليها فين لأن التوكيل بيعمل الكشف ب 350 جنيه ؟
و إيه رأيكوا في السعر؟
و بعد إذنكوا حد يديني فكرة عن قطع الغيار بكام و ألاقيها فين لأن دي أول ركوبة ليا و هما في البيت عايزيني أجيب كورولا عشان قطع الغيار بس أنا مصر على دي ؟
سؤال كمان إيه رأيكوا في حجم العربية أصل أنا بحس إنها من بره شكلها صغير أوي مع إنها مريحة جدا؟
-
the car is fascinating you will love it and the spare parts are available in a good spread .....but you didn't tell about the price ...man
-
إكشف في التوكيل حتى لو هتدفع 500 جنيه
الجولف أفضل من الكرولا بمراحل
ولكن قطع الغيار غالية نسبياً
وإن كانت الكورولا الجديدة قطع غيارها غالية برضه
يعني ممكن نعتبر أسعار قطع الغيار للجولف أغلى من الكورولا بنسبة بسيطة
بالنسبة لحجم العربية فهو مثالي وواسعة من جوة ومريحة وثباتها يتجاوز الكرولا بمراحل
-
انت قصدك عاملة 54000 كيلو وللا سعرها 54000 جنية ؟؟؟
و اكشف في التوكيل طبعا
تبقى بتشتري عربية بالسعر دة و مستخسر 350 جنية كشف شامل عليها في التوكيل
انت مفروض تعمل كشف شيك اب في التوكيل كل سنة مثلا اساسا مش وانت بتشتريها أساساً
اعتقد ان الجولف 5 قطع غيارها اغلى من التويوتا و اقل توفرا
التويوتا كتير في البلد و تلاقي قطع الغيار الاصلي و التايواني و الماليزي و غيرة و غيرة
لكن الجولف لأ مش قوي كدة
و ان كانت الجولف طبعا شكل احلى و اكثر تميزا (نص البلد راكبة تويوتا و النص التاني راكب لانسر) بخلاف القوة في البودي و الموتور و العفشة و الثبات
بس لو تقدر على مصاريفها و قطع غيارها توكل على الله
-
بيتهيألي انها تبقى في رانج 135 - 145 تبقى معقولة قوي
-
العربيه محترمه و كل شئ
بس لو اول ركوبه انصحك زيرو
اما لو انت عاشق الفولكس و هاتستحمل ستمع اسعار قطع الغيار يبقى توكل على الله
اما لو علشان تركب حاجه احسن من الكورولا و خلاص يبقى خليك في الكورولا
اما لو عاوز تكشف بره في واحد اسمه محمد سمير ورا حديقه بدر اكشف عنده زيه زي التوكيل
-
سوري يا جماعة نسيت أقول ليكو السعر هو الراجل قال أول كلمة من بقوا 130000 بيتهيألي ممكن تنزل 4000 ولا حاجة
و بالنسبة لقطع الغيار ألاقيها فين و هل في إستعمال خارج و لا لأ و هل ممكن ألاقي الإكصدام بتاع ال gti
-
السعر كويس
هاتها الأول و قطع الغيار موجودة
Content Relevant URLs by
vBSEO 3.6.0 PL2