متسوبيشى او فيرنا او دايو

**emads** · 25-07-2008 11:02 PM

السلام عليكم
ايهما افضل اشترى عربية لانسير مستعملة موديل 1999 بحالة جيدة 10000 كم كاملة.
ام اشترى عربية فيرنا جديده موديل 2008
ام اشترى عربية دايو لانوس جديد موديل 2008

اهما اختار من نحاية المتانة التحمل قطع الغيار الشكل
علما بان ثمن الانسير 55000 وتفرق تقريبا 10 الاف عن الفيرنا والانوس

فما رايكم

**Hosam_Optrawy** · 25-07-2008 11:27 PM

اعتقد فيرنا جديده احسن اختيار

**sherif_m72** · 26-07-2008 03:02 AM

انا من مرشحى الانسر الكريستاله جدا جدا جدا
بس لما تتعلق العمليه بمقارنه او اختيار بين مو 99 و مو 2008 يبقى اسمحلى انى اقولك مفيش وجه مقارنه ابدا توازن بيه الامور وخصوصا ان مو 2008 مش عربيه صينى او نوع تقلق منه دى عربيه منتشره جدا فى مصر وقطع غيارها ماليه السوق و سعرها فى المتناول
زائد انك هتكون اول مالك و اول راكب
انا ارشحلك الزيرو طلاما فى استطاعتك

**emads** · 26-07-2008 06:38 AM

اشكركم جميعا
hanboly
shefa
sherif_m72

اشكركم على تعاونك وده او مشاركة لى فى المنتدى الجميل ده

بس الانسير ماركة عن الفيرنا وعن الدايو وكمان شكلها افضل منهم , واية ايه رايكم

**mohamedway** · 26-07-2008 08:41 AM

لو الانسر اللى انت بتتكلم عليها عامله 10000 كم فقط زى ما بتقول وانت متأكد انها فابريقه فعلا و ما فيهاش لعب و خصوصا انها كريستاله و راييى انها انجح موديلات الانسر يبقى طظ فى الانوس و الفرنا و 60 طظ كمان و طظ فى الزيرو و 2008 كمان بس ده يتوقف على حقيقه حاله الكريستاله اللى انت بتتكلم عليها

**Ahmed_Ezz** · 26-07-2008 08:57 AM

بس انا عندى مبدا مادام اادر اجيب زيرو افضل طبعا من اى مستعمل و من مشاكلة المستخبية اللى ممكن جدا معرفهاش غير لما اكون خلاص اشتريت و تطلع مشاكل جامدة لكن الزيرو مهما كان زيرو و انتا اول واحد حيسوء العربية قبلت مشاكل جامدة اوىى ممكن تبيع لكن مستعمل صعب تبيع تانى و حتخصر و انا جربت الدايو و الفيرنا و اى استفصار انا تحت امرك

**Eng.Mina** · 26-07-2008 09:17 AM

انا برده متهيألي الزيرو يكون افضل الا لو انت واثق جدا من الكريستالة اللي معروضة عليك (بتاعت واحد قريبك او صاحبك مثلا ) لكن غير كده فالزيرو هو افضل اختيار وانا شخصيا معايا الفيرنا الكاملة مانيوال بقالها اكتر من سنة والحمدلله العربية مريحاني جدا وماشفتش منها حاجة وحشة وانا كنت جايبها علي 67000 وكانت الكاوتشات اللي جايه معاها good year كمان وجاي معاها الكاسيت السي دي (قبل كده ماكنتش بتنزل بكاسيت سي دي ) بس دلوقتي انا شايف ان تمنها مبالغ فيه جدا (72000 الف) كتير اوي عليها فرق 5 الاف جنيه مش شوية ده غير ان واحد صاحبي كان شاريها من فترة نفس الموديل بتاعي وكانت جايه بكاوتشات نسر ولازم تتغير لانها مابتبقاش مريحة علي العموم ربنا يوفقك وتختار الصالح وبرده حط في اعتبارك ان الدايو انتاجها حايقف السنة دي

**salehgharib** · 27-07-2008 03:00 PM

طبعا المقارنة سوف تنحصر بين الأنسر والفيرنا
جميل
تعتمد على حجتين
1 حالة الأنسر 10 الف كيلو وحالتها مهم جدا
2 سعر الأنسر المستعمل كام لان مش معقول تكون نفس سعر الفيرنا زيرو
عرفنى سعر الأنسر عشان نعرف نقارن بطريقة أفضل

**salehgharib** · 27-07-2008 03:19 PM

طبعا المقارنة سوف تنحصر بين الأنسر والفيرنا
جميل
تعتمد على حجتين
1 حالة الأنسر 10 الف كيلو وحالتها مهم جدا
2 سعر الأنسر المستعمل كام لان مش معقول تكون نفس سعر الفيرنا زيرو
عرفنى سعر الأنسر عشان نعرف نقارن بطريقة أفضل
وحالتها