جزاك الله خيرًا، إن شاء الله، سأعمل بكلام حضرتك.
عرض للطباعة
ياباشا امشي براحتك بدون حرق على الماتور وبدون تسارع مفاجئ بس.
مفيش طريق فى مصر هتقدر تثبت عليه سرعة فترة كبيرة ،
تجاوب مع الطريق ومحطش فى دماغك كل شوية تغير السرعة ،
الطريق نفسه هيحطك فى ظروف القيادة المختلفة .
ركز فى الطريق وسرعتك القصوي 90 ، او 100 حسب تعليمات المرور.
وتروح وتجي بالسلامة ان شاء الله.
لو حبيت تطبق موضوع تنقل الغيارات وانت ماشي دة
فنصحية ملهاش علاقة بالألف كيلو ، هي بخصوص الفتيس ، لأنك مش هتكون متعود عليه.
الفتيس فيه زرار عبارة عن قفل او "لوك"
للعلم القيادة معظمها بتكون على d ، سواء زحمه او طرق سريعة ، انت مش محتاج تغير اى حاجة وانت ماشي.
إلا لو فى إشارة طويلة مثلا فتعمله على N.
المهم ياريت وانت سايق العربية ايدك متجيش على الزرار دة نهائي لحد ما تتعود أمتي تستخدمه،
الزرار دة بتستخدمه والعربية واقفة فى حالة الركن او بترجع للخلف ،
اوبستخدمه لما تكون حابب تستخدم فرملة المحرك لأنك على منزل مثلا فى سرعة بطيئة او حبيت تستخدم عزم زيادة ، فستخدم الزرار دة علشان تختار L او 2 حسب سرعتك.
وانت ماشي على سرعة متاح لك انك تنقل حر بين ال d و 3 و n "مور" - "هتنقل بدون استخدام الزرار"
غير كدة هتحتاج تضغط بحرص على اللوك.
وياريت عدم استخدام المور n والعربية على طريق ،"مفيش تأثير على الفتيس" بس أضمن للسلامة لظروف الطريق .
طبعاً 3 ممكن تنقل لها براحتك وانت ماشي لأن الثالث اخره سرعه 160.
مع ملاحظة ان الثالث ، هيرفع عدد لفات المحرك بعكس ال d.
آخر حاجة بخصوص الفتيس ، ياريت وانت بتركن ، ترفع فرامل اليد أولا ، ثم تضبط الفتيس على p ،
بحيث يكون الحمل علي الفرامل أولا مش على الفتيس ،
خصوصاً لو راكن فى مطلع او منزل او مكان مش مستوي على العموم.
طبعاً دليل المستخدم هتلاقي موضح لك الكلام دة كله.
وياريت تبص علي المواضيع دي قبل السفر فى دليل المستخدم.
وتستلم عربيتك على خير ان شاء الله.
الله يبارك لنا فيك يا أستاذ MounT، فعلا أنا كنت في أشد الحاجة إلى النصائح القيمة دي خصوصًا فيما يتعلق بالفتيس، لأني تعتبر دي أول مرة أقود فيها سيارة أوتوماتيك. سوقت قبل كده تويوتا كرولا 2008 جنوب أفريقي، ولكن أعتقد أنها فتيسها MMT، مختلف عن فيتيس برسونا ميتسوبيشي على ما أظن.
ربنا يكرمك يا ريس.
الطريق الوحيد اللى هاتحتاج تاخد بالك من عملية تغيير السرعة باستمرار هو طريق الكريمات الجديد ... عشان فاضي وواسع وأسفلت نظيف الى حد ما ومغري جدا للسرعة ومش هاتقابل عربيات عليه كتير ... ساعتها تضبط مثبت السرعة على سرعة معينه وكل كام كيلومتر تزود 5 كيلومتر / الساعة أو تقلل ما بين 60 - 110 زي ما الأخوة قالوا ... المهم إن عداد الآر بي إم ما يزيدش عن 3000
حاجة كمان ماتخليش الألف كيلو كلها طرق سفر ... لأ كمان خليها كمان شوية شوارع عادية من بتاعتنا المكسرة الحلوة دي وتمشي فيها بالراحة جدا عشان العفشة تطبع براحتها وتتربط كويس في أول صيانة
على فكرة ميزة الشوارع المكسرة دي برة في الدول التانية مش عارف بيعملوا من غيرها إيه بس أكيد هم مش بيعرفوا يطبعوا ويلينوا العفشة على بعضها زينا في أول الف عشان ما عندهمش الميزة الرهيبة دي :tongue14:
ربنا ييسر لك الأمور يارب