السفر أثناء التليين

**Motarjim** · 16-01-2013 02:48 PM

السلام عليكم إخواني الكرام،

إن شاء لما ربنا ييسر الأمر، واستلم برسونا، وأخلص ورقها، بإذن الله هأسافر بها مسافة 300 -350 كليو على طريق سريع، وهو ما يعتبر تقريبًا أول استخدام لها بعد الاستلام، السفر على طريق سريع.

فهل يُنصح بعدم السفر في الـ 1000 كم الأولى؟ أم عادي يعني لا ضير طالما مافيش جري وشد بالعربية؟

وإيه النصائح التي ينبغي لي أن أضعها في الاعتبار أثناء السفر في هذه الحالة؟

جُزيتم خيرًا.

**mhassan9** · 16-01-2013 04:20 PM

المشاركة الأصلية كتبت بواسطة motarjim

السلام عليكم إخواني الكرام،

إن شاء لما ربنا ييسر الأمر، واستلم برسونا، وأخلص ورقها، بإذن الله هأسافر بها مسافة 300 -350 كليو على طريق سريع، وهو ما يعتبر تقريبًا أول استخدام لها بعد الاستلام، السفر على طريق سريع.

فهل يُنصح بعدم السفر في الـ 1000 كم الأولى؟ أم عادي يعني لا ضير طالما مافيش جري وشد بالعربية؟

وإيه النصائح التي ينبغي لي أن أضعها في الاعتبار أثناء السفر في هذه الحالة؟

جُزيتم خيرًا.

أنا شخصياً عملت كدا عشان كدا قفلت الف خلاص ،هروح الصيانة السبت الجاي بمشيئة الرحمن
وبالعكس أنا شايف أن الطرق الطوالي أريح للماتور من الهري جوا البلد وأريح وأهو تعدي فترة التقييد بتاعت الألف الأولي دي بسرعة وتخلص منها وبرضه شوف زأيي زمايلنا هنا هيقولوا أيه
تحياتي

**Motarjim** · 16-01-2013 04:28 PM

المشاركة الأصلية كتبت بواسطة mhassan9

أنا شخصياً عملت كدا عشان كدا قفلت الف خلاص ،هروح الصيانة السبت الجاي بمشيئة الرحمن
وبالعكس أنا شايف أن الطرق الطوالي أريح للماتور من الهري جوا البلد وأريح وأهو تعدي فترة التقييد بتاعت الألف الأولي دي بسرعة وتخلص منها وبرضه شوف زأيي زمايلنا هنا هيقولوا أيه
تحياتي

تمام أستاذنا الفاضل، ربنا يتمم لك الصيانة على خير، وتعلمنا تقرير عن انطباعاتك الاولي عن العربية والتوكيل الظريف.

صحيح هل ظهرت عندك الحدفة اليمين دي، ولا الحمد لله تمام؟

**mhassan9** · 16-01-2013 04:39 PM

المشاركة الأصلية كتبت بواسطة motarjim

تمام أستاذنا الفاضل، ربنا يتمم لك الصيانة على خير، وتعلمنا تقرير عن انطباعاتك الاولي عن العربية والتوكيل الظريف.

صحيح هل ظهرت عندك الحدفة اليمين دي، ولا الحمد لله تمام؟

موجودة للأسف بس علي خفيف أنا علي فكره رايح توكيل العجوزة قلت بدل شموار الصحراوي أخر الدنيا ربنا يسهل بقا ويبقي فيه ناس بتفهم

**Motarjim** · 16-01-2013 04:49 PM

المشاركة الأصلية كتبت بواسطة mhassan9

موجودة للأسف بس علي خفيف أنا علي فكره رايح توكيل العجوزة قلت بدل شموار الصحراوي أخر الدنيا ربنا يسهل بقا ويبقي فيه ناس بتفهم

ربنا ييسر لك الأمور، وكل حاجة تتظبط في صيانة 1000.

**SiM0** · 16-01-2013 05:08 PM

اللي أنا أعرفه إني لازم متثبتش سرعة ل وقت طويل يعني ماتفضلش مثلا على 100 على طول تفضل 60 - 100 كده يعني ده كان مكتوب في كتاب بتاع العربية بوص في كتاب العربية بتاعتك إيه اللي تعمله في الألف الاوالانية

**Raul_7** · 16-01-2013 05:37 PM

حاول ماتحرقش او تعمل كيك داون علي الطريق, ماتثبتش علي سرعة معينة زي ما الأخ SiMO قال, اعتقد الكتالوج كاتب انك متعديش 130 في التليين, يعني معاك من 90 ل 120 كده.

**tutankhamoun** · 16-01-2013 07:14 PM

أثناء التليين يفضل عدم الثبات على سرعة واحدة لفترة طويلة .
يجب النزول و الطلوع بالسرعة ما بين 60 إلى 100 ..... و تغيير السرعات كتير
أنت بتلين الموتور و الفتيس و كل حاجة فيها حركة في العربية .
أحنا الحمد لله في الشتاء و ده مش حمل على الموتور في التليين
فسافر أن شاء الله ربنا يستر طريقك .... و لكن ألتزم بالكلام في الأعلى للحفاظ على عمر طويل للمحرك و صيانات أقل إن شاء الله .
حاول تنزل للسرعات و تثبت عليها شوية و بعدين تعلى و تثبت شوية و بعدين تعلى تاني و تثبت شوية هكذا لغاية ما تخلص أول 1000 .

**Motarjim** · 16-01-2013 07:57 PM

المشاركة الأصلية كتبت بواسطة tutankhamoun

أثناء التليين يفضل عدم الثبات على سرعة واحدة لفترة طويلة .
يجب النزول و الطلوع بالسرعة ما بين 60 إلى 100 ..... و تغيير السرعات كتير
أنت بتلين الموتور و الفتيس و كل حاجة فيها حركة في العربية .
أحنا الحمد لله في الشتاء و ده مش حمل على الموتور في التليين
فسافر أن شاء الله ربنا يستر طريقك .... و لكن ألتزم بالكلام في الأعلى للحفاظ على عمر طويل للمحرك و صيانات أقل إن شاء الله .
حاول تنزل للسرعات و تثبت عليها شوية و بعدين تعلى و تثبت شوية و بعدين تعلى تاني و تثبت شوية هكذا لغاية ما تخلص أول 1000 .

تمام يا باشا، الله يكرمك على النصائح الغالية دي، حضرت تقصد التبديل بين معدلات السرعة وتغييرها ما بين 60 إلى 100 كم/س كل 10 كم مثلا؟

بعبارة أخرى، يعني أمشي على 60 مسافة 10 كم، وبعدين 80 مسافة 10 كم، وهكذا دواليك صعودًا وهبوطًا؟

**Motarjim** · 16-01-2013 08:01 PM

المشاركة الأصلية كتبت بواسطة raul_7

حاول ماتحرقش او تعمل كيك داون علي الطريق, ماتثبتش علي سرعة معينة زي ما الأخ simo قال, اعتقد الكتالوج كاتب انك متعديش 130 في التليين, يعني معاك من 90 ل 120 كده.

واضح يا أستاذ محمود، بارك الله فيك...طيب المشي بالعربية وهي لسه في بداية التليين لساعات طويلة دون إيقاف المحرك عادي يعني، طبعًا مع الالتزام بما تفضلت بذكره وما تفضل به الأخوة الكرام، هل من مشكلة في ذلك؟