حد حنده فكرة عن منافذ بيع وزارة الزراعة

**Amr_MO** · 16-01-2013 04:06 PM

السلام عليكم ورحمة الله وبركاته

في المنطقة الي انا ساكن فيها محل فتح ومعلق يافطة ضخمة انه منفذ بيبيع منتجات وزارة الزراعة والبحوث الزراعية زي اللحوم بسعر ٣٨ جنيه للكيلو والمكرونات والعسل الخاص بانتاج وزارة الزراعة

طبعا بالنسبة للحوم بانواعها بتبقى مجمدة ومتغلفة بكيس مكتوب عليه تاريخ الانتاج وانه انتاج وزارة الزراعة والكلام ده

سؤالي انا منين اضمن ان اللحمة اللي عنده دي فعلا تبع انتاج وزارة الزراعة مش مستوردة والاكياس دي طبعا سعل تتعمل ويتكتب عليها اي حاجة فهل حد عنده فكرة عن الموضوع ده وهل فعلا بيبقى منفذ تابع لوزارة الزراعة لان زي مانتو عارفين النصابين كتروا وتنوعوا في كل طرق انصب والغش على الناس

**Lada2013** · 17-01-2013 06:07 AM

ممكن يكون نصب
منافذ وزارة الزراعه في الدقي عند الوزارة
وكمان في منافذ للقوات المسلحه منتشرة في كل انحاء القاهرة
بتبيع اللحوم باسعار معقوله

**walidzakzok** · 17-01-2013 12:32 PM

شكلها اشتغالة خليك حذر فى التعامل مع الاشكال دي

**حماده المصري** · 17-01-2013 06:57 PM

منافذ القوات المسلحه جميله جدا في البوفتيك والكبده

واللحمه بتاعتهم مش كلها بتستوى بصراحه بس حتت الموزه والجو ده جميله جدا بس برضو بتاخد وقت اكبر في السواء ولكن جميله جدا جدا

والكبده والبوفتيك اسعارهم ارخص كتيييييييير من الجزارين