الموضوع: ستروين تشارك و بقوة فى معرض اوتوماك فورميلا

المشاركة الأصلية كتبت بواسطة Waleed_Fathy

حضرتك فهمتني غلط
انا لما قلت الصيني كنت اقصد الحجم
انا مع الاسف مقدرتش اروح المعرض
فا ما شوفتش العربيه علي الطبيعه و العربيه من الصور اعتقدت انها فى حجم الفلوينس
فا علشان كده قلت الصيني علشان ابقا مقدر الحجم
لكن انا عارف ان سيتروين متفوقه جدا طبعا

دي الابعاد طول و عرض و قاعدة عجلات لل 3 و حضرتك أحكم

c-elysee 4470 1750 2650
sunny 4425 1695 2600
fluence 4620 1810 2700

هي أكبر من الصني بس اللي فئة ال fluence هي ال C4 L

على فكرة شنطة ال elysee حجمها 506 يعني شنطة عملاقة :)

المشاركة الأصلية كتبت بواسطة ahmed-adel

fiat غلت عربيتها جامد
مش عارف إيه السبب

حتى ال grand punto الجديدة بقت تبدأ من 120 (الاوتو)

تهريج و إستهبال، مدير مبيعات أوماترا ده مصمم يفشل براند رائع كفيات
أنا من الضحايا، كنت حاجز اللينيا على 134 و رفعوها ل 143 و الآن 150-151
حاجة تشل

المشاركة الأصلية كتبت بواسطة nadernabil

اتفرجت على الc- elysse إمبارح في المعرض...و الإحساس اللي جالي انها لوجان على أكبر و تصميم مختلف...

هي بتتبع نفس نهج اللوجان في توفير عربية بسعر مناسب و إقتصادي و كماليات و حجم معقولين على حساب جودة الخامات و إستراتيجيات تخفيض النفقات.

يعني مثلاً...أزرار الزجاج الكهربائي الخلفي موجودين في نفس المكان بتاع اللوجان (خلف ذراع فرامل اليد) و مافيش زراير في الأبواب الامامية...موجودين بردو في الكونسول الأوسط أمام الفتيس...

الخامات المستخدمة عموماً في حتة تانية خالص غير باقي عربيات سيتروين...

نزلت منها و ركبت الc4 حسيت بالفرق الشاسع في كل حاجة...عربية وهمية بصراحة

هو سعر الس 4 كام و هل هاتش باك فقط والا فيه سيدان؟ معلش أصلى مش خبير ستروين قوى

المشاركة الأصلية كتبت بواسطة y a r i s

الحقيقة يا مهاب ويا اخواني
انا رحت المعرض ورغم كرهي الشديد لاستروين وبيجو والحجات الفرنساوي الفافي دي ... الا اني لمن دخلت قسم استروين في المعرض وركبت الدي اس فايف مش عارف ولا فور. ... ركبت العربية قعدت ورى الدريكسيون وقفلت عليا الباب مبقيتش عاوز انزل نهائي نهائي. وفضلت قاعد فيها بشكل ولولا الملامة كنت فضلت قاعد كده. لتاني يوم ... ايه يا اخي الفجررررر ده كلووو ايه الجمال والحلاوة والطعامة والشياكة والاناقة. دي بجد عربية فظيعة فظيعة .... ورغم دوشة المعرض والزعيق والصريخ ... بمجرد ما دخلت العربية وقفلت عليا الابواب حسيت نفسي انفصلت تماماً عن المعرض بالي فيه ... الكرسي ذات نفسوا القعدة عليها تحس انك قاعد كده على عرش مصر ويديك احساس بالراحة والسكون والسلام مع النفس .... وكانك خلاص مش عاوز حاجة تانية من الدنيا خلاص

وفي عز ما انا قاعد في العربية سرحان وهيمان وولهان لقيت حتت واد قام فاتح الباب بتاع العربية عليا
لقيت نفسي قمت شخط فيه وقلتلوا : اقفففففففففففففل الباب .... مش معقولة كده الواحد يكون قاعد في عربيتوا وواحد يفتح عليك الباب كده من غير مايخبط افرض يا اخي بأقلع ولا بغير هدومي ههههههه حاجة غريبة هو الواحد ميعرفش ياخود راحتوا في عربيتوا ولا ايه هههههههه .

عربية تحفففة بجد وكانت احلى عربية في المعرض وعروسة العربيات كلها... وتحياتي

+11111
ههههه، أكيد دى الدى اس فايف، عربية تهبل فعلا و ما لهاش حل شكلا و موضوعا