ياجماعة هل البنوك الاجنبية فى مصر مضمونة
زى بنك hsbc مثلا
وهل بتبق نفس القيود الا بتطبقها البنوك الحكومية من حيث وضع حد اقصى للسحب
شكرا
عرض للطباعة
ياجماعة هل البنوك الاجنبية فى مصر مضمونة
زى بنك hsbc مثلا
وهل بتبق نفس القيود الا بتطبقها البنوك الحكومية من حيث وضع حد اقصى للسحب
شكرا
كلهم بينفذو تعليمت البن المركزى وكلهم ودائعهم مضمونه من البنك المركزى مفيش فرق بين الخاص والحكومه غير المعامله
مفيش اضمن من تحت البلاطة ...
شايف انها عادية
زي باقي البنوك ..
hsbc هو اكبر بنك فى العالم..... و كل البنوك الاجنبية او الحكومية العاملة فى مصر بتطبق القيود و القوانين المعمول بها فى مصر و كلهم ودائعهم مضمونة..... من الاخر الفلوس اللى فى البنوك مفيش خوف عليها
بص حضرتك أنا باتعامل مع بنك HSBC من 6 سنين وهو بنك محترم جدا جدا وتعاملاته سلسة.. بس فيه بنوك أجنبية أحذرك منها عن تجارب شخصية أو تجارب زملاء أو تجارب عمل وهما بالتحديد City Bank وبنك باركليز...الاتنين دول ابعد عنهم تماما
hsbc بلا منافس
تعاملات راقية خدمة عملاء سريعة بالاضافة للانترنت البنكي الرائع
الراجل سؤالة واضح وصريح
هل البنوك الأجنبية فى مصر مضمونة ؟؟
هل حضرتك تضمن الكلام دة ؟ ولا هو تطمنينات وخلاص
وهو فى حد مسمعش عن البنوك إللى أفلست فى ٢٠٠٨ ؟
عدد البنوك الأمريكية التي أفلست يرتفع إلى 90 بنكا فى 2008 .
عادت وتيرة إفلاس البنوك الأمريكية إلى النشاط مرة أخرى هذا الأسبوع، حيث تم الإعلان عن إفلاس 4 بنوك أمريكية، هذه البنوك على الترتيب هي:
بنك Bay National Bank, Baltimore, Maryland، في ولاية ميريلاند، وهو من البنوك الصغيرة، حيث بلغت أصوله في مارس الماضي 282.2 مليون دولارا، بينما بلغت المودعات لديه 276.1 مليون دولارا، وهو البنك الثاني الذي يعلن إفلاسه في الولاية هذا العام. وكان أول بنك أعلن عن إفلاسه في الولاية هو بنك Waterfield Bank, Germantown، الذي أفلس في مارس الماضي. سوف يكلف إفلاس هذا البنك الصندوق الفدرالي للتأمين على الودائع 17.4 مليون دولارا.
بنك Ideal Federal Savings Bank, Baltimore, Maryland، في ولاية ميريلاند، وهو من البنوك الصغيرة جدا، حيث بلغت أصوله في مارس الماضي 6.3 مليون دولارا، بينما بلغت المودعات في هذا البنك 5.8 مليون دولارا، وهو البنك الثالث الذي يفلس في الولاية هذا العام. التكاليف التي سوف يتحملها الصندوق الفدرالي للتأمين على الودائع نتيجة إفلاس البنك هي 2.1 مليون دولارا فقط.
بنك USA Bank, Port Chester, New York في ولاية نيويورك، وهو من البنوك الصغيرة، حيث بلغت أصوله في مارس الماضي 193.3 مليون دولارا، بينما بلغت المودعات به 189.9 مليون دولارا، وهو البنك الثالث الذي يفلس في الولاية هذا العام، وكان آخر بنك أعلن إفلاسه في هذه الولاية هو بنك The Park Avenue Bank في مارس الماضي. إجمالي التكاليف التي سيتحملها الصندوق الفدرالي للتأمين على الودائع نتيجة إفلاس هذا البنك هي 61.7 مليون دولارا.
وأخيرا بنك Home National Bank, Blackwell, Oklahoma في ولاية اوكلاهوما، وهو من البنوك الصغيرة أيضا، حيث بلغت أصوله في 31 مارس الماضي 644.5 مليون دولارا، بينما بلغت المودعات لديه 560.7 مليون دولارا، وهو أول البنوك التي تعلن إفلاسها في الولاية لهذا العام، وسوف يتحمل الصندوق الفدرالي للتأمين على الودائع 78.7 مليون دولارا كخسائر نتيجة لإفلاس هذا البنك.
بهذا الشكل يبلغ إجمالي ما سيتحمله الصندوق الفدرالي للتأمين على الودائع نتيجة إفلاس البنوك الأمريكية هذا الأسبوع 159.9 مليون دولارا، وهو ما يعني أنه لا توجد حالات إفلاس خطيرة هذا الأسبوع بين البنوك الأمريكية. بهذا الشكل يكون إجمالي عدد البنوك التي أفلست منذ بداية العام وحتى أمس الجمعة 90 بنكا.
القائمة غير الرسمية للبنوك الأمريكية المضطربة ماليا بهذه الحالات الأربع، وإضافة بنكين آخرين إلى القائمة، تنخفض إلى 796 بنكا، والتي يبلغ إجمالي أصولها 411.6 مليار دولارا. هذا ويتوقع ان تصل أعداد البنوك المضطربة ماليا إلى ألف بنك بنهاية هذا العام.
المصدر: FDIC: Federal Deposit Insurance Corporation
مدونة اقتصاديات الكويت ودول مجلس التعاون.
افلاس البنوك فى امريكا كان جزء من نتائج الازمة المالية العالمية اللى بدأت فى 2008..... و كان اهم اسبابها التوسع الغير محسوب فى منح قروض فى مجال العقارات لمن لم يستطيعوا الاستمرار فى السداد.... و من هنا كان افلاس هذه البنوك و هنا معلومات عن اكبر افلاس مالى لبنك فى تاريخ امريكا:
Bankruptcy of Lehman Brothers - Wikipedia, the free encyclopedia
طب ايه وضع بنوكنا احنا؟
احنا وضعنا مختلف و من بداية الازمة المالية العالمية يعنى من قبل الثورة حتى و البنوك فى مصر عاملة قيود جامدة على القروض و يشهد بكده حتى اللى طلب مجرد قرض صغير لشراء سيارة..... و ده طبعا لمنع القروض السيئة التى لا يستطيع البنك تحصيلها ..... و بنوكنا الوطنية الحمد لله اصولها كبيرة و محافظين على عدم تجاوز سقف المنح الائتمانى لاصول البنوك و كمان البنوك بتحقق ارباح..... و ادى ارباح البنك الاهلى عن السنة المالية اللى فاتت:
http://www3.youm7.com/News.asp?NewsID=579963
و ادى بنك مصر:
http://www.akhbarak.net/articles/823...9%D8%A7%D9%85_
و ادى نموذج لقيادة ناجحة لبنك وطنى الموظفين فيه عملوا مظاهرة لمنع قبول استقالة رئيسه:
http://www.masrawy.com/news/Egypt/Ec...4/5490137.aspx
طريقة الشغل في مصر غير برة
في مصر كل البنوك فلوسها في البنك المركزي و مضمونة منه
اما بنك الاعتماد و التجارة فلس عالميا ........ البنك المركزي ضمنه في مصر و فلوسه اتحولت على بنك مصر و مفيش عميل خسر مليم
البنوك الاجنبية في مصر تخضع لنفس قيود البنوك المصرية و ما تقدرش تخرج ربع جنيه برة البلد من غير اذن البنك المركزي
مش تطمينات و السلام
و لو كل واحد سحب فلوسه عشان "مش تطمينات و السلام" ساعتها البنوك هتفلس رسمي و الاقتصاد هيركع
[quote=mahora;3874755511]افلاس البنوك فى امريكا كان جزء من نتائج الازمة المالية العالمية اللى بدأت فى 2008..... و كان اهم اسبابها التوسع الغير محسوب فى منح قروض فى مجال العقارات لمن لم يستطيعوا الاستمرار فى السداد.... و من هنا كان افلاس هذه البنوك و هنا معلومات عن اكبر افلاس مالى لبنك فى تاريخ امريكا:
Bankruptcy of lehman brothers - wikipedia, the free encyclopedia
طب ايه وضع بنوكنا احنا؟
احنا وضعنا مختلف و من بداية الازمة المالية العالمية يعنى من قبل الثورة حتى و البنوك فى مصر عاملة قيود جامدة على القروض و يشهد بكده حتى اللى طلب مجرد قرض صغير لشراء سيارة..... و ده طبعا لمنع القروض السيئة التى لا يستطيع البنك سدادها..... و بنوكنا الوطنية الحمد لله اصولها كبيرة و محافظين على عدم تجاوز سقف المنح الائتمانى لاصول البنوك و كمان البنوك بتحقق ارباح..... و ادى ارباح البنك الاهلى عن السنة المالية اللى فاتت:
[url=http://www3.youm7.com/news.asp?newsid=579963]
يا جماعة احنا بنهاتي وقلنا الكلام دا مليون مره , البنك المركزي المصري يضمن فلوس المودعين فى جميع البنوك داخل مصر لانها تخضع لقوانين البنك المركزي .
امريكا ليها قوانينها واوروبا ليها قوانينها واحنا لينا قوانينا , حط فلوسك فى اي بنك فى مصر وفلوسك البنك المركزي ضمنها .
نصيحة بلاش فتي للي بيفتي بغير علم وبلاش تخويف للناس , فلوسك فى البنك امان عن بيتك ومضمونه ومحميه وكمان بتاخد عليها فوايد
البنك المركزى يضمن جميع الودائع فى البنوك .. ورجال الأعمال لم يحولوا أموالهم للخارج
فاروق العقدة: البنك المركزى يضمن جميع الودائع فى البنوك .. ورجال الأعمال لم يحولوا أموالهم للخارج | المصري اليوم، أخبار اليوم من مصر
أنا بتعامل مع كريدي أجريكول من 2008 سواء حساب أو كارت إئتمان.
معاملتهم محترمة والبنك رايق تروح تخلص على طول مش تقعد طول اليوم زي الأهلي عشان تخلص حاجة.
الإنترنت البنكي ممتاز إطلاع على الحسابات وتحويل ودفع الغيزا ... إلخ ولو ليك كذا حساب أو حساب وكارت زي مثلا بتدير كله من نفس الحساب ع النت.
بفكر أجرب hsbc ناس كتير بتشكر فيه برضة. بس أرجع أقول ليه وأنا مرتاح في كريدي.
هو على حسب أنت محتاج البنك في أيه!!
بس هو المفروض أن فلوس المودعين في البنوك يضمنها البنك المركزي.. بس اللي منضمنوش أن البلد نفسها تفلس و ساعتها يبقى في كلام تاني..
كل البنوك المصرية تخضع لتعليمات المركزي بإستثناء البنك العربي الدولي aib
مش هيفرق كتير بنك وطني عن أجنبي غير في مستوى الخدمة.. لكن كأسعار فوائد للأدخار أو الأقترض البنوك الوطنية بتبقى أفضل شوية..
مش كل البنوك الأجنبية كويسة في مصر.. يعني سيتي و باركليز تعبانين تعبانين يعني..
البنوك الفرنسية خلاص بتتباع دلوقتي.. يعني nsgb أتباع لـqnp القطري, و bnp أتباع و كريدي أجريكول في الطريق.. بيريوس كده كده بنك بيخسر و كان هيتباع من قبل أحداث 25 يناير لستاندرد تشارترد بس الصفقة أتلغت..
Hsbc من أقوى البنوك الأجنبية أو البنوك عموماً في مصر.. بس لو بتدور على عائد كويس لمدخراتك فمتفكرش فيه + أنك تفتح حساب فيه دلوقتي فالموضوع مبقاش سهل و ليه متطلبات معينة..
Cib متوحش في السوق و ناس كتير أوي بتفضل تتعامل معاه.. يعني هو متوازن بين خدمة مش بطالة و فوائد معقولة..
hsbc زى كل البنوك عامل ليميت على السحب اليومى للدولار بحد اقصى 10 الاف دولار والجنيه اعتقد مفيش حد اقصى دلوقتى.
والانترنيت البنكى تقدر تدير بيه حسابك اونلاين، يعنى لو ليك كذا حساب بكنى او حساب واحد تقدر:
1- تحول بين حساباتك اونلاين مجانا
2- تحول لحساب hsbc تانى فى مصر (لازم تفعل خدمة التحويل لحسابات اخرى فى البنك)
3- تقدر تدفع بيه فواتير الانترنيت والموبايل والتليفون الارضى والكهرباء وكذا حاجة كمان اونلاين
4- تدفع الفيزا بتاعتك لو عندك فى حسابك فيزا
دول اللى اعرفهم لحد دلوقتى واعتقد ممكن يكون فى خدمات تانية للإنترنيت البنكى
بجانب إن فى فروع للبنك بتفتح لحد 7 و8 مساء وفيه فروع بتفتح طول الاسبوع حتى الجمعة والسبت ولحد 8 مساء.
بعد لف وتدوير على اكبر فائده فى البنوك اكتشفت الاتى
اعلى بنك بيدى فايده هو بنك مصر
السنه 7% وال 6 شهور 6.85% وال 3شهور 6.75 % والشهريه 6.55%
البنك الاهلى المصرى
السنه 6.75 وال 6شهور 6.55% وال3 شهور 6.35% والشهريه 6.15%
وباقى البنوك الفوائد قليله وكنت كلمت hsbc قاللى الفايده السنويه 6% فقط
بس فعلا افضل بنك تعاملا واحتراما هو البنك الاهلى المصرى رغم زحامه..انما كخدمة عملا ممتازين
واسوء بنك هو بنك اسكندريه وبنك القاهره..لاينصح بالتعامل معهم وخصوصا بنك اسكندريه