طلب تسعير نصر 127 ضرورى ومستعجل من فضلكم

مساء الفل على اعاء المنتدى الكرام

قدامى 127 للبيع وعجبانى لكن بها بعض المشاكل ومحتاج رأى الخبراء والاعضاء المحترمين
العربيه موديل 84 و 4 باب
يوجد بها بعض البرومه الخفيفه فى بعض الاجزاء
للأسف راشه دواخل حوض وشنطه والسبب هو بارومه قديمه والسمكرى أكد انه مش حادثه ورقم الشاسيه على القايم مش الكرتيره
محتاجه سمكره خفيفه وتتشد بويه على نضيف
محتاجه كبالن وفرش داخلى بالكاااااااااااااامل
الماتور عامل عمره من شهرين وحالتها كويسه جدا على حد كلام الميكانيكى
العفشه كويسه محتاجه بس شغل بسيط بجانب جوز الكبلان
الرخصه فاضلها 4 شهور وتفحص
صاحبها طالب 8 الف جنيه وممكن ينزله ل 7.5 ونص
ايه رأى الناس المحترمه والجميله اللى هنا وشكرأ جدأ مقدمأ :bye2:

يا باشا وايه كده فالعربية سليم !
متبصش للسعر بتاع العربية بص قدام هتخليك تصرف عليها قد ايه
صدقني الفيات القديم لم يفتح فحاجة هتلاقي كله وراه بعده دي عشرة طويلة
راي بلاش لسبب واحد انك لو قولت الماتور سليم ومفيش مشكلة كنت قولت اهو هتمشي
انما كل حاجة مش تمام والماتور كمان
ده راي فقط شوف حضرتك الاخوة
والله اعلم ..

اقتباس:

---

المشاركة الأصلية كتبت بواسطة s o p h o s

يا باشا وايه كده فالعربية سليم !
متبصش للسعر بتاع العربية بص قدام هتخليك تصرف عليها قد ايه
صدقني الفيات القديم لم يفتح فحاجة هتلاقي كله وراه بعده دي عشرة طويلة
راي بلاش لسبب واحد انك لو قولت الماتور سليم ومفيش مشكلة كنت قولت اهو هتمشي
انما كل حاجة مش تمام والماتور كمان
ده راي فقط شوف حضرتك الاخوة
والله اعلم ..

---

متشكر جدأ جدأ طبعا على مشاركه حضرتك
لكن انا قولت ان الماتور سليم ولسه عامل عمره من شهرين بس يعنى حالته فو الممتاذه وده اللى أكدهولى الميكانيكى
انا حسبتها لقيتها هتصرف فى حدود من 3 الى 4 الف سمكره ودوكو وكبالن وباقى شغل العفشه وحاجات بسيطه فى الكهربه
مستنى مشاركتكم

بلاش
العربية تقريبا مفيهاش حاجة سليمة
و هتتعب كتيييييييييييير و تصرف كتييييييييييير لحد ما تتظبط
دا غير ضياع الوقت و الفلوس و القعدة عند الصنايعية لحد ما تكره نفسك
ادفع زيادة شوية علشان ترتاح مدة كويسة

لو عندك وقت و طولة بال اشتريها ب 7 الاف جنية و اصرف بقي و اجري وراها

لو معندكشي بلاش هيطلع عينك و هتتبهدل

صحيح لو خبرتك مع العربيات و الصنايعية قليلة و متعرفشي صنايعية جامدين و جربتهم قبل كده يبقي بلاش حتي لو العربية ب 5 الاف مش ب 7

انا جربت اصرف علي عربية اخويا الادا و انا في الكلية و كان عندي وقت فراغ رهيب و طلع عيني بجد جري جري جري و الصنايعية بيكدبوا جدا و حاجات تضيع بقي من العربية و قرف

والله اعلي و اعلم

متشكر جدا جدا ياجماعه وانا بالفعل اقتنعت بكلامكم وابتديت أصرف نظر

لو تعبانه بلاش بجد هتتعب منها جدا و ده كلام عن تجربة كانت معايا بس مش ضايعه اوى كده و تعبت منها جدا بس فادتنى جدا ميكانيكا و كهربا و عفشه خبره ممتازه