الموضوع: سؤال عقلاني عن الاسبيرانزا 516

والله انا ايضا من رايك
انا ركبتها مرة وشايف انهاكويسة وكل العيوب اللي الناس بتتكلم فيها حصلت في عربيات قبل كده
بس واضح ان فيهناس واخده منها موقف لمجرد انها صيني
انا ليا صديق مهندس الكترونيات كنت تقولله تكره ايه في حياتك يقوللك المنتجات الصيني اقول له انا مثلا هاشتري حاجة مثلا صيني يقوللي اوعي
دنا بجيب الموكونات الصيني بتتحق وانا بركبها
من الاخر كان من ألد اعداء الصيني
النهاردة صاحبي ده معاه سبيرانزا وعامله حوالي 15 الف كيلو وبيشكر فيها كده
وابن عمي باع لانوس 2005 واشتري سبيرانزا في التوكيل قالو ليا العربية دي اتباع منها 16 الف عربية لحد النهاردة وان موديل 2009 هايزيد 3 الاف جنيه
بصراحة الواحد عقله زقزق
انا معايا لانوس 2007

المشاركة الأصلية كتبت بواسطة ahmed_bq

دلوقتي انا فيه حاجه مستغربلها ممكن تناقشوني فيها

انا دلوقتي بفكر اشتري العربية دي لاسباب كتير مش عارف الناس ليه مكبره موضوع العربية دي في مواضيع كتير قريتها

الاسيرانزا عربية صيني اه والصيني سمعته هباب عند العالم كله في السلع الاستهلاكيه وبتقلد كل حاجة وكله من ابو رخيص

بس فيه نقطه في شركة زي تويوتا بتصنع دلوقتي في جنوب افريقيا والبرازيل
الهوندا في تايلاند
فيات في الصين بردو وفي البرازيل
رينو في تركيا
ومش عارف مين بيصنع في ايران

طب ماهوه ... هيا الدول دي ليها في العربيات ولا صناعتها مضمونه او حتى حد سمع عنها

في نفس الوقت العربيات دي فيها عيوب كتير بردو من عيوب التقفيل وفيها عيوب جامده ميتسكتش عليها

وكمان فيه نقطه عربية متصنعه بمكونات صيني بالسعر ده برغم انه معروف سعر العمالة الصينية اللي بتفقد المنتج مهما كان جزء من سعره

فلو عربية ب 70 الف تقريبا يعني اكيد مصروف عليها جامد ومش كل حاجه صيني وحشة ... الصين مش بتصنع بس فوانيس رمضان ولا مساطر ...بتصنع بردو قنابل ذرية وكل مكونات الالكترونيات وكل الشركات العالمية ليها مصاع في الصين... مش بومب وشخاشيخ يعني

لكن لما تلاقي عربية فرنسي زي الكليو او كوري زي اللانوس او الفيرنا لا لا لا دي اسعار عمالتهم اغلى ازاي بقى يبقو بسعر بعض فمعلش كده الموضوع لازم يتوزن بالعقل

حاجه كمان بالنسبه للعيوب ما نفس العيوب دي او اكتر في عربيات مشهورة ويابانب وكوري ومحدش بيقول حاجه عنها ..ايشمعنى يعني؟

الاسبيرانزا بتحدف (رغم ان الموضوع ده اختفى تقريبا في الموديلات الجديدة) طب ما الفرنا بتحدف بردو صح ولا ايه

السحب ضعيف طب ما اللانوس كده على راي سبعاوي المحرك بيبقى كسول في الاول وبعد كده بيبقى سريع بعد عدد من لفات الموتور

بقيت الحجات عبيطه ... مش عارف ازاز بيعلق .. ريموت مش بيشتغل ... كله كلام مش اد كده وكلها تقفيل بس

بردو تدخل تويوتا تلاقي عيب في النقل جامد في عربية تمنها يجيب اتنين من 516 ...تلاقي في اليارس تويوتا بردو نفس الحكايه

تلاقي في الكليو مثلا بتسخن ومش عارف ايه تلاقي في السيتي الدهان مش عارف مالو وخفيف

تلاقي في اللانوس الفرامل وحشه تلاقي الفرنا خفيفه وكلام مش عارف ايه

الاسبيرانزا اللي كل اتفق عليه ودا فعلا حقيقي :
التكييف جامد (بعد تعديل العيب اللي كان في الخراطيم) ومتطور وبيقولو ياباني
العفشه سيات او فيات مش فاكر ولا ماكفرسون واللي يقول بس مش متأكد انها لانسر ... مش الموضوع المفروض انها مش صيني معفنه يعني من النوع الرديء
البخاخات وتقيبا بردو العفشه فيها حجات الماني من شركة بوش المعروفه
الموتور صيني بتصميم نمساوي من شركة ضخمه Avl هوا التصميم بيبقى شامل المقاسات والرسم بس بيبقى فيه الخامات ومقادير كل حاجه يعني بينفذ كأنه بتاع بلدو ومعتقدش ان حد حصلت معاه مشكلة موتور

حاجه اخيره ... لما هيا وحشة اوي كده بتتباع ازاي ...وسعرها بيزيد ليه ...وليه مختفتش من السوق زي ما غيرها اختفى وفشل

كمان فيه حاجه فيه واحد كان كاتب نصيحه لوجه الله ومش عارف ايه وبلاوي في العربية ... وفي الاخر بيقول باعها بالغم دا كله ب 60 وهيا جديده ب 67 طب ازاي اعقلهالي انا اعرف ان العربية لو خرجت من الاجنص ورجعت تاني يوم بتنزل على الاقل 10 بواكي ودا لو مفيهاش الهوا ومفيهاش اي مشاكل خالص مش خربانه زي بتاع صاحبنا

هل كله على السمع ؟؟؟ مش ممكن ؟؟؟ طب منا عاصرت بداية الكوري لما كان يقولك دي عربيات ورق .. واللانوس اللي كانت الناس بتقرف منها عشان كوري او الهونداي اللي كان يقلولك يعم لا لا دي كوري

الكوري بقى فرخه بكشك دلوقتي ؟

فحد يفهمني عشان انا الكلام ده بيدور في دماغي ونويت تقريبا اشتريها
حد يفهمني معللا الاسباب واسف لو طولت عليكم

يا جماعة بالله عليكم بلاش حوار الايد العاملة الرخيصة ده عشان العملية مش بسيطة وسهله زي منتو فاكرين مش شرط إن عربيتين ب 100 ألف مثلاً وواحدة صيني والتانية ألماني نقول الصيني هتبقى متكلفة أكتر عشان الايد العاملة رخيصة مش ذي في ألمانية ....دلوقتي فيه كذا سبب يخلي النظرية دي غلط أول حاجة هي إن ممكن ان الايد العاملة أرخص بس مش بالكفاءة بتاعة الألماني فمثلاً تقفيل التبلوه لو 3 صينيين هيعملوه ممكن واحد ألماني يقفله لواحده مش إحتمال وارد بردو ولا اه ؟! ناخدها من ناحية تانية ممكن الكفاءة القليلة للعمالة الصينيين تخليهم يستخدمو الخامات ويعملو غلطات ويبقى فيه إهلاك للحاجة أو تبديد للخامات وفالأخر تلاقي إن المصنع الصيني اتكلف فلوس أكتر من الألماني مع إن الايد العملة السنية أرخص من الألمانيا طبعاً الكلام ده كلو افتراضات أنا بدي أمثلة وممكن تكونو انتو صح وهي نظرية بردو بس الأنا عايز أقوله إن مش شرط النزريدي تبقى صح والناس تقول العربية الفلانية سعرها فيها عشان الايد العاملة رخيصة

النقطة التانية اه فعلاً فيه عربيات كتير بتنزل فيها عيوب ألفا روميو و-bmw ومرسيدس وفورد وكلو بيبقى فيه عيوب بس إنت هنا حطيت عيوب كتير ف عربية واحدة يعني كل عربية من الإنت قلتهم مفهمش تقريباً غير العيب الإنت قلته

حتة إن مبيعاتها تشفعلهة وتبين إن هي كويسة أقولك مش شرط المبيعات في مصر تبقى مع العربية الكويسة عشان السوق المصري بيتأثر جامد بالدعاية والإشاعات و أنا ممكن اديك أمثلة عربيات منتشرة جداً وهي سيئة جداً وأمثلة تانية لعربيات كويسة جداً ومش منتشرة خالص وعلفكرة لو إنت مهتم قوي كدة بالمبيعات أحب أقولك إن مبيعاتها عالمياً ضعيفة جداً وكمان سمعت إن ممنوع في اوروبا العربيات الصيني عشان إختبارات الأمان

طيب لو نسيبنا من نظريات الايد العاملة و صيني و كوري و الكلام ده
و نبص عمليا علي العربية
هتلاقي ان العربية دي اول ما نزلت ظهر فيها مشاكل بشكل ملحوظ ابتدي موديل بعد موديل المشاكل تقل لحد ما بقي للعربية مؤيدين زي ما في رافضين
و هي الصين بتقدم عربيات تحسسك انها علي طول أغلي من تمنها و ده بسبب اهتمامهم بالشكل و الاناقة و الرفاهية و الكماليات .
و مننساش ان اسبيرانزا تبع شيري و شيري من احسن الشركات الصينية بجد
و عربياتها تحترم زي ال a11 اللي اثبتت كفاءة عالية و الa15
انا اعرف 2 بيشكروا في العربية علي طول و هي معاهم واحد بقاله 3 سنين و التاني لسه شاريها من قريب
و مش قابلت اي حد من المهاجمين قبل كده
و توكيلها اسمه كبير
وصعب بعد نجاح الانوس يبوظ اسمه بعربية اي كلام او بالمشاكل الفظيعة دي