يالبهدلة !!!!!!!!!!!!!!!
رقم العضوية : 25108
تاريخ التسجيل : 13Nov2008
المشاركات : 239
النوع : ذكر
الاقامة : cairo
السيارة: lanos
السيارة[2]: 128
دراجة بخارية: لا
الحالة :
السلام عليكم
انا حبيت انقل ليكم تجربتى مع مركز فرينش موتورز الرحاب. انا هكون صريح و حقاني على قد م اقدر عشان انا مش عاوز اخد ذنب اى حد...
انا ابتلانى الله بحادث بسيط و كانت النتائج منه فانوس يمين و شاسية اكصدام. انا لما عرفت موضوع شاسية الاكصدام دا قررت انى اعمل العربية و خصوصا انى مأمن عليها فا توكلت على الله و بما ان انا من سكان التجمع الاول ف الرحاب قريبة جدا مني و كنت سمعت من قريب لى ان مركز فرينش موتوز مركز جيد... توكلت على الله و روحت و عملت المقايسة... قابلنى شخص يدعي رائد قمة فى الاحترام و الذوق و عملى المقايسة سريعا و كتب تغير فانوس و تغير شاسية اكصدام و انا كان عندي المراية بايظة قالى هقول للمهندس عليها لما يجي يعاين العربية و لو انى معتقدش انو هيوافق عليها... المهم انا قولتلو انا هجبلك العربية بكره ان شاء الله قالى ميجراش حاجة يبقى بس تدفع تمن المقايسة 100 جنية على ان تخصم فيما بعد من المصنعية......
المهم تانى يوم او يومين وديت العربية و طلبت من رائد انو ميبدأش شغل اللى لما التأمين يعاين و يكلمنى يعرفنى التأمين اعتمد ايه و انو ميشتغلش من دماغه... قالى ماشى و قولتلو كمان ابقى خلينى اكلم الراجل اللى هيجي من شكرة التأمين لو عصلج او حاجة لانى اكيد هعرف اتعامل معاه.... المهم تانى يوم جه راجل من التأمين و مرضيش يعتمد شاسية الاكصدام و الاغرب انه اعتمد المرايه... كلمت رائد - انا اللى كلمته مش هو اللى كلمني - قولتلو طيب اديهولى اكلموا قالى لا دا مشي!! قولتلوا طيب انا طلبت منك انى اككلموا ليه مكلمتنيش و هو موجود!! المهم قالى انا ممكن استعدلك شاسية الاكصدام احسن من تغيروا و دا على فكره احسن للعربية و ليك - انا استغربت انو مقاليش كده ليه لما روحت فى الاول و كنا هنغيره !!!!! - ...
المهم سيبت العربية عندهم و اتفقت معاه انى هروح اخد العربيه باكر و هعدي انا على شكرة التأمين مع ان دا هيبقى يوم ضايع علشان هو مكلمنيش و مندوب التامين موجود عندو...
المهم روحت الصبح بدري و كانو لسه فاتحين مكنتش لاقى العربية استغربت سألت الناس اللى هناك لا رائد مكنش لسه جه... قالولى العربية الناحية التانية مع ان هما كانوا قايلين انها هتبات فى الجراج... قولتوا هى لية مش باتت فى الجراج قالولى لا كانت بايتة بس احنا بخرج العربيات علشان نبدا شغل ....
روحت بصيت على العربية و فتحت الشنطة لقيت الكوريك مش مربوط و محطوط عادي اكن حد استخدموا... شكيت ان فى حاجة مش مظبوطه.... فتحت العربية لقيت الكرسي اللى جنب السواق راجع لورا جدا و العربية ريحتها كلها سجاير.... بصيت على العداد و البنزين لقيت لمبة البنزين منورة مع ان كان فيها شرطيطين و انا بوديهالهم ... روحت سالت اللى كان موجود قولتول ممكن تفسير لكل الحاجان دي لو سمحت قالى انا معرفش مش انا اللى استلمت العربية منك المهم لاحقا لما قابلت خالد الزينى صاحب المركز قالى انهم خرجوا بالعربية علشان واحد منهم كان عمل حادث و مكنش معاهم عربيو ساعتها الا بتاعتى وراحو ينقذوه!!!!! انا مش عارف بصراحة هما عملو كده ازاي و ازاي ميتصلوش بيا يعرفونى مع ان رقمي عندهم او على الاقل يعرفوتى بعد ما انقذوا صاحبهم ... من الاخر لو مكنتش دققت مكانوش قالولي....
المهم انا روحت شركة التأمين و جبت اعتماد لتصليح شاسية الاكصدام و وديت العربية و اتفقنا انى هستلم بعد يومين و بالفعل بعد يومين العربية جهزت...
روحت استلمت العربية و بصيت بصة سريعه و شغل السمكرة كان نضيف على حسب فهمي بالسمكره و كان موجود فى هذا اليوم حبيبي جبريل و شاف معايا العربية ومكانش ليه ملاحظات ... و خالد الزينى جرب معايا العربية لانى كنت بشتكي من الفرامل و قالى ان كله تمام.
المهم طلعت احاسب و نسيت موضوع استرجاع ال 100 جنية بتاعت المقايسة و الاغرب ان بتاع الحسابات مفكرنيش مع انو كان ماسك المقايسة معاه المهم بعد لما مشيت افتكرت ال 100 جنية رجعت ليهم و قولتلهم و الناس رجعتلى 100 جنية بدون جدال..
خلاص بقى هروح سمعت صوت خبط فى العربية من قدام اكن فى حاجة مش متركبة كويس ... قلت يمكن قطع الغيار القديمة ثبتهم و مع ذلك نفس الصوت... رجعتلهم تانى و روحت لخالد الزينى صاحب المركز قالى بص نبقى نشوف الصوت مع صيانة ال 20 الف انت كدا كدا قربت قولتوا لا معلش الصوت قالقني ...
ركب معايا و سمعتوا الصوت قالى مسمعوش قوي ف طلب منى انو هو اللى يسوق سمع الصوت - الواضح - و قالى دى الشنطة قولتولوا لا مش من الشنطة بس براحتك فضى الشنطة فضاها نفس الصوت قالى دا من التابلوه لان دي مش عفشة تعالاى يوم من بدري اعملهولك قولتلوا انا مش بحب الاصوات فى العربية و انا مش هستلم منك العربيه الا لما ترجع زي ما كانت قالى طيب هبص عليها..
روحنا الورشة و اول لما نزلت روحت للمكان اللى الصوت منه - قدام شمال - و لقيت ان الكبوت فيه بوش و هو دا الصوت ندهت خالد و قولتلوا هو دا الصوت ... قام مظبط رجلاش قفل الكابون الصوت اتعدل... مع اان الصوت دا مكنش موجود قبل كده و المفروض انهم مجوش ناحية الكابوت ... المهم قولتلو يعنى طلع مش الشنطة ولا الطابلوه.... لو كان فعلا ادا نفسه فرصو كان هيحدد مكان الصوت زي ما انا عرفت...
المهم مشيت كانت الدنيا ليلت بقى بشغل النور لقيت الكشاف الجديد ضارب فى الارض و مع المطبات النور بيرقص!!!! كلمت جبريل قالى الرجلاش مش مظبوط ممكن تعملها بنفسك او عند اى كهربائي روحت تانى يوم عند كهربائي لاني بصراحة مكنتش عاوز اروحلهم تاني.... الكهربائي قالى لا ياباشا الفانوس مكسور روح رجعه!!!!!!!
كلمت خالد و قولتلوا ايه يا عم خالد انتو بتعملوا فينا كدا ليه و حكتلوا الحكايه قالي تعالى فى معاد الشغل و انا هعملهولك قولتلوا طيب ما ترجعوا شغلكم قبل التسليم!!!! و بعدين ايه معاد الشغل يعنى سبحان الله بجد!!! يعنى هو متضايق انى بكلموا فى وقت بعد ما قفلوا الورشة!!!
المهم روحت تانى يوم و فعلا الفنى اللى اشتغل فى الفانوس كان شكلوا قرفان اوي ... فك الفانوس و كان فعلا فى حاجة مهزوزه و ثبتها و هو بيركب الفانوس كسر من حتة صغيرة مش وش الفانوس قد سم او 2 سم ... و مقالش! انا سبحان الله قبل ما يقفل شفت الكسر ندهت رائد و ورتوا الكسر ... اول حاجة قالها الفنى طبعا انا مفيش حاجة وقعت وانا بركب الفانوس ... قولتلوا يعنى انت قصدكرانى جاي بيه كدا!!! قالى لا انا مقلتش كدا .... سبحان الله يا اخي لقوا الجزء المكسور و قال ايه بيلزقوه .... قولتولو انا هاخد فانوس جديد مكانوا فكك من اللى بتعملوا دا....
كلموا خالد الزينى و قالهم ماشي لو احنا اللى كسرناه نغيره بس عرفوه اننا هنشيلها للفني قولتلوا شيلها للفنى و انا مالى .. قال يعني الفنى بتاعم هيصعب عليا انا اكتر ما هيصعب عليهم!!!!
جالى رائد قالى دي حتة صغيرة قولتلوا انا الفانوس بتاعى اللى اتكسر فى الحادث كان مكسور منه حتة صغيرة بردوا صح؟ قالى اه قولتلوا ليه معرضتش عليا انك تصلحوا و لا عشان كان في مصلحة ليكم!!!!! الراجل سكت بصراحة و قالى احنا هنغير الفانوس لحضرتك بس هو مش موجود دلوقتى تعالى بكرة هيبقى موجود... ركبت الفانوس ذو الكسر البسيط و اكتشفت ان الرجلاش الداخلى مش شغال مع الفانوس اللى هما مركبينة!!!!!!!!!! قولت مش فارقة انا كده كده هغيره
عدي يومين و روحت قالى لسه مجاش والله و مش موجود فى التوكيل - الغريب انو مكلمنيش قالى ان الفانوس مجاش بدل ما اطخ المشوار!!!!!!-
المهم قالى يومين الكلام دا كان السبت اللى فات قولتلوا انا مش فاضلكم و هاجى السبت اللى جاي و لو مكنش جه انا هاخد حق الفانوس كاش قالى ماشي حضرتك!
المهم انا بردو كلمت رائد النهارده قالى ان الفانوس جة و ان شاء الله السبت هروح لهم...
الخلاصة :
انا قدمت شكوي رسمية فيهم و انا واثق انها مش هتعمل حاجة بس انا عملت اللى يريح ضميري و كمان عرفتكم دا علشان انا الحمد لله صاحي و اكتشفت كل الحاجات دي لو حد غيري مش بيركز كان مش هياخد بالى..
اسف على الاطالة و سامحونى لو فى اخطاء املائية!
السلام عليكم
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
يالبهدلة !!!!!!!!!!!!!!!
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 93531
تاريخ التسجيل : 05Apr2011
المشاركات : 2,095
النوع : ذكر
الاقامة : Cairo
السيارة: غير معروف
السيارة[2]: غير معروف
الحالة :
حاجة تزعل وحرقة دم. معلش. ياريت حضرتك كنت روحت التوكيل أحسن وتتحمل 10 % بدل الكلام الفارغ ده كله
لا إله إلا أنت. سبحانك. إني كنت من الظالمين
رقم العضوية : 20110
تاريخ التسجيل : 25Sep2008
المشاركات : 393
النوع : ذكر
الاقامة : الجيزة
السيارة: رينو لوجان
السيارة[2]: رينو لوجان
دراجة بخارية: لا
الحالة :
معدش في ضمير بس المهم انك اخدت فانوس جديد ولا لا؟ وحق البنزين اللي خلصوه لما اخدو عربيتك بدون اذنك
لو مخدتهوش نجمع بعضينا ونروح نعمله هيصة
رقم العضوية : 103591
تاريخ التسجيل : 14Jun2011
المشاركات : 112
النوع : ذكر
الاقامة : Egypt
السيارة: Toyota Corolla
السيارة[2]: Renault Logan
دراجة بخارية: لا يوجد
الحالة :
(الناس دي شكلها شبعت) كعادة كتير من الناس بعد ما الفلوس تجري في يدهم يبدأ الاستهترار
اهم حاجة انك متسبش حقك
رقم العضوية : 28460
تاريخ التسجيل : 25Dec2008
المشاركات : 5,505
النوع : ذكر
الاقامة : Nasr City
السيارة: Logan 2010/Astra Cosmo 2015
السيارة[2]: Logan 2012 AT B.L
دراجة بخارية: N/A
الحالة :
م اللي يغيظ انو بردو هيتحمل 10% هنا لأنو مركز خدمة معتمد يعني في التأمين بيعامل معاملة التوكيل
الفكرة مش في حق البنزين الفكرة في انهم ازاي يحركو العربية في مشوار ليهم بدون اذن صاحب العربية على الرغم من انهم لو كلموه و قالولو الوضع 1 2 3 4 مكانش هيقلهم لأ
يجب تعديل حجم الصورة
رقم العضوية : 25108
تاريخ التسجيل : 13Nov2008
المشاركات : 239
النوع : ذكر
الاقامة : cairo
السيارة: lanos
السيارة[2]: 128
دراجة بخارية: لا
الحالة :
بالظبط زي ما استاذ جبريل قال...
انا اتحملت ال 10% لانو مركز خدمة معتمد
و الفكرة مش فى البنزين على قد ما الفكرة فى ان دي امانة عندهم و هما اتصرفوا فيها بدون علمي و مكانوش هيقولوا الا لما انا اكتشفت دا...
و انا ان شاء الله هاخد الفانوس يوم السبت و حسبنا الله و نعم الوكيل فى الضمير اللى مات!
رقم العضوية : 93531
تاريخ التسجيل : 05Apr2011
المشاركات : 2,095
النوع : ذكر
الاقامة : Cairo
السيارة: غير معروف
السيارة[2]: غير معروف
الحالة :
تمام. محدش فينا بيتعلم ببلاش وأنا لو مكان حضرتك آخد العربية عند مركز أمين يفليها عشان تبقى ماشي مطمئن إن كل حاجة تمام. هو اللي أنا مستغربله بجانب كل ده ليه مندوب التأمين قال لأ في الأول وبعديها وافق؟ هي سياسة عامة عندهم يخلو العميل يطالبهم بالتغطية؟
لا إله إلا أنت. سبحانك. إني كنت من الظالمين
رقم العضوية : 60618
تاريخ التسجيل : 01Feb2010
المشاركات : 5,992
النوع : ذكر
الاقامة : Cairo
السيارة: Renault Duster E2
السيارة[2]: Nissan Sunny EX 2010 Auto
دراجة بخارية: No
الحالة :
ده حضرتك لو كنت ودتها لميكانيكى تحت كوبرى كانت بقت المعامله احسن من كده
رقم العضوية : 72357
تاريخ التسجيل : 05Jun2010
المشاركات : 1,226
النوع : ذكر
الاقامة : egypt
السيارة: رينو لوجان 2012
السيارة[2]: 128&رينو1987&لانوس2010
دراجة بخارية: .3.
الحالة :
معلش ربنا صبرك عليهم فى ميزان حسناتك و اديك اتعلمت و عرفت الناس عن المركز ده جزاك الله خير
لا تكن أحادي الرأي فمن الجميل أن تؤثر وتتاثر
المفضلات