استفسار هام و عاجل عن فتيس الكارينز الاوتوماتيك !!
السلام عليكم ...
امبارح بعد ماركنت الكارينز فى الجراج نسيت وبطلت العربية وهى على ال d , المهم جيت ادور مادارتش روحت فاتح الكتالوج و قريت الصفحة بتاعة الزرار اللى بتدوس عليه عشان يحرك الفتيس وهى مبطلة , روحت جايب مفك وشلت الغطاء ودست على الزرار وجبت الفتيس على ال p ورجعت دورت العربية وتمام , بس الكتالوج قايل بعد اسخدام الزرار ده توجه لمركز الصيانة فورا , طبعا انا قلقت خاصة العربية لسه جديدة مبقلهاش شهر , رحت رايح على مركز صيانة كيا اللى فى سموحة و سألت مهندس من اللى هناك قالى لأ مفيش مشكلة بس قالى ليه استخدمت الزرار ده انت لو دوست فرامل وحركت الفتيس كان اتحرك معاك من ال d عادى ( طبعا انا حاولت اعمل كده فى الاول بس لقيت عصاية الفتيس مش راضية تتحرك فمرضيتش اشد عليها ) وبعدين قالى اتاكد بس ان الزرار ده شغال وجربه تانى روحت راجع على العربية شلت الكليبس تانى ودوست على الزرار بسن المفك لقيته بينضغط عادى وشغال تمام فغطيته بالغطاء بتاعه ودورت العربية ورجعت على البيت ...
اسئلتى بقه و معلش هيا كتيرة شوية :
1- هل اسخدامى للزرار ده صح ولا غلط ؟
2- هل فيه طريقة تانيه لحل المشكلة دى لو حصلت تانى ؟
3- هل اللى انا عملته ده فى حاجة غلط تأثر على الفتيس ؟
4- هل فعلا لو دوست فرامل وحركت الفتيس من ال d كان اتحرك زى مابيقول المهندس ؟
5- انا بركن العربية على ال n اوقات كتير و بشيل المفتاح وهى على ال n هل ده ليه تاثير على الفتيس على المدى البعيد ؟