ايه رأيكم فى اللاب توب ده ؟ عيوبه قبل مميزاته .

**ahmedfathi** · 18-01-2013 10:43 PM

المشاركة الأصلية كتبت بواسطة micromoud

اللينوفو كويس وعامل عروض كويسة وهتلاقيه نفس مواصفات الديل وارخص الديل غالى عشان بيبيع باسمه
عموما الجهاز اللى انت كاتبه جهاز ممتاز بس لو انت ليك فى شغل الجرافيك او الالعاب القوية فكارت الشاشة هيقطع معاك غير كده ممتاااااااز

والله ناس كتير بدأت تشكر فى اللينوفو وحضرتك برضو اهو بتقول كويس
انا ممكن برضو ابص بصه تانيه على موديلات اللينوفو اللى مقاربه للديل اللى انا كاتبه

بس بالنسبه لكارت الشاشه اللى هو ati 1 GB ده يعتبر اعلى كارت متركب فى لاب توب
وال 2 GB موجود فى اجهزه محدوده جدا وهتلاقيه مقلل فى الرامات بدل 8 مخليها 6 وبدل الهارد 1000 مخليه 750

**micromoud** · 18-01-2013 10:46 PM

فى كارت الشاشة دور على ddr5 لان دى الرامات الخاصة بالكارت نفسه وبتفرق فى الالعاب التقيلة

**محمد يوسف** · 18-01-2013 11:00 PM

المشاركة الأصلية كتبت بواسطة ahmedfathi

طب هما بيبيعوا من على النت بس ؟؟ يعنى مالهمش معارض اروح اتفرج هناك وكده ؟؟؟

ليهم معرض فى مول البستان اللى فى باب اللوق

**محمد يوسف** · 18-01-2013 11:06 PM

المشاركة الأصلية كتبت بواسطة ahmedfathi

طب ليه اول ما تسأل حد عن لاب توب كويس اول حاجه بالترتيب كده يقولك توشيبا بعد كده الdell

بعد كده ال hp واخر حاجه يقولك اللينوفو .
دى حاجه برضو مش مطمنانى
الا لو سالت عن جهاز تمشى بيه نفسك كده مؤقتا وامكانياته معقوله ومش هتدفع كتير يقولك اللينوفو
لكن لو حاطط رينج فلوس معدى ال4500 جنيه يقولك فكر فى التوشيبا او الديل او الاتش بى

ده لأننا للأسف حافظين ومش فاهمين ..أنا عن نفسى جربت التوشيبا وال dell وال hp وا acer و lenovo
وشايف ان التوشيبا ييجى قبل الأخير اللى هو acer بينما اللينوفو نمرة 2 بعد الdell
ده بالنسبة لى...وعايز أقول لك ان فيه مواقع reviews للاب توب تلاقى فيها ال acer وال asus نمرة واحد..بس للأسف احنا هنا بندور ع السعر على حساب الجودة عشان كده بتنزللنا أجهزة أى كلام

**megamoudy** · 20-01-2013 04:11 PM

ايه رأيكو ف اللاب اللينوفو ده

Lenovo Z580

**ahmedfathi** · 21-01-2013 01:40 AM

المشاركة الأصلية كتبت بواسطة megamoudy

ايه رأيكو ف اللاب اللينوفو ده

lenovo z580

هو امكانياته كويسه . بس انا عن نفسى مش بستريح لللينوفو عموما . .

**hazoom2006** · 21-01-2013 04:46 AM

انا كنت شغال فى مجال الكمبيوتر

لابات اللينوفو خامات محترمة جداااا نادر لما يكون فى لاب فى مشكلة صناعه
الديل محترمة جدا يعيبها درجة الحرارة العاليه فى بعض الموديلات
التوشيبا جيدة
الHP بعض الموديللات جيدة وبعضها سئ
ال acer ماتبصلوش اصلا رخيص خامات سيئة مشاكل صناعه

**S O P H O S** · 21-01-2013 10:29 AM

المشاركة الأصلية كتبت بواسطة ahmedfathi

طمنتى الله يطمن قلبك .بس الاى 5 بردو نفس الرامات 8 ونفس الهارد 1000 ولا أقل ؟؟

وهل بردو الكى بورد هاف ولا فول ؟؟ يعنى الجزء بتاع الاله الحاسبه متشال بردو من عندك

ولو متشال يا ترى انت اخدت اد ايه فى انك تتعود على الارقام اللى فوق ؟؟؟؟

اصل الحته بتاع الهاف كى بورد دى خنقانى اوى فى الجهاز ده . لانى فى شغل كتير عندى على اكسيل وانا اتعودت على الارقام اللى فى الاله الحاسبه اللى على اليمين ومش بستعمل الارقام اللى فوق دى اطلاقا . وبقول يعنى جهاز جبار بامكانيات جباره ومش قادرين يكملوا الصوره الجميله ويعملوا الكى بورد فول

الرامات 4 وتقدر توصلهم ل 8 وانت واقف لانه 64 بت
والهارد 1000 وهو مفهوش ارقام علي الجنب للاسف
وعموما اللاب كويس من راي
وعلي فكرة يا جماعة ال ati هي هي ال amd نفس الشركة
والله اعلم ..