عرض للطباعة
السلام عليكم
انا عارف ان في حاله ركود في سوق العقارات
لكن ممكن الظروف الحاليه تخلي الناس تفكر في شراء عقارات لانها اكيد سعرها بيرتفع مع مرور الوقت
ومع تخوف بعض الناس علي مدخراتهم في البنوك ممكن يلجأوا للحل ده
بصراحه ناس كتيرة محتارة ومش عارف تعمل ايه
أنا شايف أن لو حصل حالة ذعر من الناس و سحبت مدخراتها من البنوك بطريقة عشوائية هايحصل انهيار في كل شئ .
و لكن لو كله كبر دماغه مع متابعة الموقف من بعيد لبعيد ...... الدنيا هاتمشي كويس .
أحنا مش بلد قليلة و مش صغيرين .... أحنا بجد دولة عظيمة و أحنا اللي مش عارفين أو مطنشين و عاملين نخرب فيها .
أنا شايف ان سوق العقارات سوق مهم و لكن لو كله أشترى فيه .... بعد شوية الكل هايكون بائع و مش هايلاقوا مشتري و الأسعار هاترك أو تنزل شوية .
لما يكون معاك سيولة في وقت شدة .... أفضل لما تكون مقفولة في عقار أو حاجة لسة محتاجة تتسيل و كل واحد طبعا حسب امكانياته الماديه و الأدخارية .
بس أنا مش قلقان بصراحة قوي .
انا متفق معاكاقتباس:
المشاركة الأصلية كتبت بواسطة tutankhamoun
وانا عندي ثقه كبيرة في الله ان احوال البلد تصلح
بس الناس تبدأ تشتغل وتنتج ويسيبوهم من المظاهرات واثارة الاضطرابات اللي ما بيستفيدش منها الا اعداء مصر
بصراحه شئ يدعو للاسي لما باتصفح احوال الشارع المصري
كم من المغالطات والاخبار المنقوله الكاذبه كفيله بتدمير اي اقتصاد
ياريت الناس تكون موضوعيه ولا تحمل كل اخطاء الحكومات السابقه للرئيس مرسي وحكومته
تحياتي
كلام صحيحاقتباس:
المشاركة الأصلية كتبت بواسطة Lada2013
انا شايف انه مش منطقي يحصل كده
لعدم ارتباط سوق الاراضي بسعر الدولار
مجرد راي ..
احترم رايكاقتباس:
المشاركة الأصلية كتبت بواسطة s o p h o s
بس اكيد مع انخفاض قيمه الجنيه اسعار الاراضي حتزيد
في واحد صاحبي بيشتغل في المقاولات قال لي ان اسعار الاراضي زادت بالفعل
والله اعلم
العقارات رواج سوقها مرتبط بالانتعاش الاقتصادى عموما.... لكن حاليا فى ركود.... و حتى لو اسعارها زادت فالبيع و الشراء هيفضل فيه ركود..... بس اللى عايز يستثمر فلوسه فيها فهو استثمار جيد طويل الاجل
بالنسبة للى حاطط فلوسه فى البنك.... دى فلوس مفيش عليها خوف و مضمونة من الدولة و البنك المركزى و الفايدة اللى بتتاخد بتعوض جزء كبير من غلاء الاسعار و ارتفاعها (التضخم)..... و سبق و وضحنا قبل كده فى مواضيع اخرى ان موضوع الافلاس ده مستبعد لاننا دولة اعتمادها الرئيسى كمورد للدخل فى الموازنة هو الضرائب اللى بيسموها الموارد السيادية و اللى منها بييجى اكتر من 75% من موارد الدولة..... و لو كانت الناس هتخاف على فلوسها و تسحبها من البنوك كان الاولى بالناس تعمل كده فى الايام التالية للثورة مباشرة لان دى كانت اكتر فترة عدم يقين من اى شئ..... لكن ده محصلش..... و بالتالى محتاجين نثق فى انفسنا و فى اقتصاد بلدنا و نشتغل بجد و ربنا هيكرمنا ان شاء الله
كلامك عين العقلاقتباس:
المشاركة الأصلية كتبت بواسطة tutankhamoun
أنا شخصيا ناوى بإذن الله أشترى شقة جديدة فى 6 أكتوبر بس مستنى حمى الشراء تنتهى و عارف طبعا الأسعار حتغلى و بعد كدة لما الأحوال تهدأ أكيد المعروض حيبقى كتير جدا و الأسعار حتقل و ساعتها أشترى . ولو حصل العكس و الأحوال فضلت مضطربة يبقى فلوسى معايا ما إتجمدتش فى أصول
ارتفاع الاسعار بوجه عام هو سمة السوق المصرى فى كل المجالات عدا الالكترونيات لانها بتفقد قيمتها مع الزمن
سوق العقارات دلوقتى عبارة عن اتنين بيبيعوا واحد بيبيع غنواة و عاوز اعلى سعر و يمكن لو جاله السعر اللى هو عاوزه يرجع يعلي السعر و التانى واحد بيبيع عشان يغطى نفسه ماديا بعد خسارته فى الايام الاخيرة و بينزل شوية فى السعر عشان الوقت عنده بيساوى فلوس.
زى اللى بيشترى حاليا معظمهم بيشترى عشان ينقل مكن قريب من عمله او عاوز يوسع على نفسه.
الباقى مش فارق معاه يشترى او يبيع هو بيتفرج على حال السوق من بعيد لبعيد.
و الكلام ده بنطبق على الطبقة الوسطى بس. الطبقات الاعلى و الاقل ليها اوضاع مختلفة.
ربنا يصلح الحال ان شاء الله
سوق العقارات فى مصر له طبيعة مختلفة لان النسبة العظمى فى السوق هما الافراد من صغار المستثمرين والشركات الصغيرة يعنى بيبنى عمارة مع شريك ليه وتخلص يدخل فى غيرها وكده طبعا دول استثمار صغير لكن عددهم كبيييير --والنسبة الاقل للشركات الكبرى مع ان حجم استثمارتها كبير لكن اعدادها اقل لذلك بتلاقى عشوائية فى السوق اسعار بتطلع من غير سبب وركود احيانا وتكالب على الشراء احيانا --لكن الملاحظ الان ان اسعار مواد البناء فى تزايد مما يرفع التكلفة فى المقابل توجد حالة ركود مما قد يتسبب فى ظاهرة حرق الاسعار للحصول على سيولة السريعة --لكن عموما على المدى البعيد استثمار جيد خصوصا لما تكون حاجة لقطة او موقع مميز
القرش صياد لو معاك كاش ممكن توقع عقار بسعر لقطة
العقار يمرض و ﻻ يموت ......بمعنى انه استثمار على المدى الطويل ....بمعنى تكون مش محتاج الفلوس 10 سنين على اﻻقل
و شوف سعر اى عقار من 10 سنين كان كام و النهاده كام ..