معلومة حصريا لاعضاء نايل موتورز

**amrsabet** · 26-07-2008 04:22 AM

مصنع نيسان مصر بيقفل فى الفترة الحالية نيسان صنى شكل جديد هوا هوا النيسان سينترا اللى موجود فى ماليزيا حيث تم تغير الكبوت والفوانيس الامامية والشبكة والاقصدام الامامى والخلفى مع جعل الفوانيس الخلفية شفافة بيضاء
والفوانيس الامامية شبة فوانيس اللانسر البومة وتم اضافة abs+ebd فى السوبر صالون مع جعل فوانيس الشبورة مربعة وموديل ex saloon به فوانيس شبورة ايضا
وسوف يتم طرح الموديل لعام 2009 واحتمال ان يكون بجانب الشكل القديم

**bemocarlo** · 26-07-2008 05:14 AM

هايل.هو ده الشغل الصح.ده اللي كان ناقص الصني.ويا رب يهتموا بيها من جوه شويه
bemo,ire

**passat** · 26-07-2008 02:45 PM

معلومة قيمة ولو ممكن صور وإيه تأثير الشكل ده على الأسعار الحالية؟

**loai-omar** · 26-07-2008 03:59 PM

تسلم يا باشا على المعلةمات

مستنيين لو تقدر تجيبلنا معلومات اكتر :)

**amrnader** · 29-07-2008 01:08 PM

يا سلام لو حصل، يبقى اخر حلاوة، العربية سعرها المفروض ميتغيرش كتير لأنها بتمن التيدا تقريبا برة، فمع التجميع المحلى المفروض تبقى فى نفس حدود سعر الصنى الحالية، اسيبكم مع الصور

**Goodle** · 29-07-2008 01:25 PM

الف الف شكر على المعلومة
بانتظار معلومات اكثر

**Hossam_Zaky** · 29-07-2008 02:09 PM

علي فكرة دي نيسان البديلة للصني في اسواق امريكا الشمالية و بتتباع هناك بأسم سنترا و خلوا بالكم ان الصني لها شكلين كمان واحد منهم كان السنترا القديمة اللي كانت بتتباع في امريكا لحد وقت قريب و هو كان تعديل للصني مو 99 في مصر و فيه كمان الشكل الموجود في الخليج و هو في الأساس نفس العربية اللي بتتباع في مصر بس مغيرين الفوانيس و الأكصدامات و الكبوت

ارجو المعلومة تكون مفيدة و ارجو سعر العربية مايزيدش عشان ربنا يكرم و اشتريها علي اخر شهر 8 و بالمرة ارجو كمان شكل العربية ميتغيرش عشان حابب شكلها الحالي

**passat** · 29-07-2008 05:11 PM

يا جماعة لأ انتوا كده دخلتوا فسكة غلط من فضلكم تركزوا فكلام صاحب المقال الصور اللى فوق دى ملهاش علاقة بالعربية اللى هنشوفها فمصر احنا بنتتكلم فنفس الصنى بتاعتنا بس من قدام بفوانيس لانسر بومة

**amrnader** · 29-07-2008 08:10 PM

المشاركة الأصلية كتبت بواسطة passat

يا جماعة لأ انتوا كده دخلتوا فسكة غلط من فضلكم تركزوا فكلام صاحب المقال الصور اللى فوق دى ملهاش علاقة بالعربية اللى هنشوفها فمصر احنا بنتتكلم فنفس الصنى بتاعتنا بس من قدام بفوانيس لانسر بومة

عندك حق فعلا

، طلع الموديل بتاع ماليزيا حاجة كدة مضروبة مش زى الموديل بتاع اوروبا و الدول المتقدمة، دية صورة الموديل اللى هينزل: