انت مش غبي انت جميل هم الي اذكيا

**Mohamed.Ramah** · 17-01-2013 07:04 PM

هو اصلا فين العربيات الفى مصر عدلة بمعنى تكون فعلا عربية تستاهل ثمنها وبتجهيزات بلاش رفاهية التجهيزات الامان العادية البتنزل لباقى الدول لية دايما بينزلنا اقل شى ء باغلى ثمن + ثمن السيارات فى مصر جديد مستعمل غالى جداا على الفاضى وعلى عربيات متستاهلش اغلب المباع فى مصر عربيات معروفة للجميع والمنتشرين بكثر فى السوق المحلى حاليا :

كيا سيراتو
هيونداى النترا
هيونداى فيرنا
هيونداى اكسينت
كيا بيكانتو
شيفورلية افيو
شيفورلية اوبترا
byd
بريليانس frv
اسبرانزا A516
نيسان صنى
والشعب المصرى بيلف ويدور كل 4 او 5 سنين وبيشتريهم هما هما بس موديل احدث بشكل مختلف ونفس التجهيزات تقريبا مع سعر اعلى !

هوندا سيفيك موديل 2011
فولكس جيتا وباسات وبى ام ومرسيدس قليلين مقابل ما ذكرتهم ودول لطبقة فى المجتمع اعلى من المتوسطة

وشكرا على كدة هى دى عربيات مصر فا متفتكرش ان الناس بتشترى عربيات فارهة ومبتستخدمش التكنولوجيا الفيها احنا بنركب عربيات تعبانة اقل مواصفات فى الاسواق دة متنفضة اصلا وبسعر عالى وبنحمد ربنا اننا عرفنا نشتريها !

وبالنسبة لموضوع السى سى العالى ثبت علميا ان الناس دة مرفهين دة غير المفتريين الراكبين 1600 سى سى ومقضينها شد وحرق فى البنزين المدعم للحكومة هههههههههه وزير البترول حيتوصى بيهم ما علينا :) :)

الكلام دة حضرتك حيكون افضل لو لتوعية الاسواق العربية ودول الخليج مش مصر :)

**Khaled Online** · 17-01-2013 07:34 PM

والله هما ما أذكياء ولا حاجة:
http://www.nilemotors.net/Nile/330634-a.html
و
http://www.nilemotors.net/Nile/330585-2013.html

**abo_lamar** · 17-01-2013 07:49 PM

موضوعك جميل اوي يا باشا

**kimotop** · 17-01-2013 08:39 PM

شكرا يا جماعة على اثراء الموضوع و الف شكر على كلامكوا الجميل و الذوق

بالنسبة للاخوة الي اتكلموا على موضوع الامان فمختلفناش اذا كان بالنسبالك الامان بتلاقيه في عربية معينة يبقى خلاص تمام هي دي احتياجاتك و طريقك محتاج ثبات و امان اكبر مثلا من الي مشاويره كلها جوة البلد و مبيمشيش بسرعات عالية محتاج معاها الثبات الي انت محتاجه

الفكرة في اختيار المناسب و عدم الوقوع فريسه لبريق العلامات الكبرى الي بتستغل المستهلكين في كل حاجة مقابل حاجات متوفرة في عربيات تانية

**حماده المصري** · 17-01-2013 09:20 PM

الكلام ده عجيب جدا

ممكن الجزء الاقتصادي معقول شويه لانك بتتكلم على المجتمع الاستهلاكي او الانتاجي او الكلام ده

ف احب اقولك ان في مجتمعات كتير جدا منتجه منها اليابان والمانيا قصاد مفيش اي تحكم عسكري في جيوشها او قوه عسكريه

احنا نقدر نبقى مجتمع مننتج لكن قصاد ده هندفع التمن غالي جدا جدا جدا جدا

تخيل الخليج اصبح منتج يحتاج اوروبا في ايه ولا الهوا وقتها مستناش غير حاجه وحده وهي الحرب

وده مش كلامي ده كلام التاريخ

مصر ممكن تبقى دوله عالميه ولكن هتيجي الدول العظمى تقولك ماشي بس ملكش اي تحكم عسكري في جيشك وجيشك هيبقى تحت سيطرتنا

قبل حرب 73 مفيش تواجد امريكي في المنطقه ف نقدر نمنع عنهم البترول زي ما الخليج عمل

انما النهارده والجيوش الامريكيه محتله الخليج العربي والكويت واحتمال تكون معاه السعوديه بتدفع مرتبات العاملين كمان في المنطقه دي تقدر تقولي نقدر نمنع مثلا البترول ازاي لو فكروا يحاربونا هينفذوا في يوم بل اقل من يوم

طيب فكرتك عن العريبات اكيد خاطئه مش كله زي بعضه ومش كله بنفس السعر لو كان كله زي بعضه كان كله اتحد مع كله وبقت ماركه وخده والناس كلها اشترتها وخلصن على كده

انما العربيات انواع ووظائف الجيب غير السيدان غير الهاتش وكله بيتصنف تبع الاحتياجات والامكاينيات الماديه

والبدائل الارخص دي بتتوفر لما يكون في احتياج لشيء ومفيش امكانيه لشرائه وقتها بس بتختار البديل

عايز تجيب عربيه جيب ليبرتي ومعكش فلوس بتختار فيتارا او تريوس او ايا يكن

انما مبدا كله زي بعضه وكله واحد ومفيش فرق بين العربيات والماركات والدول المصنعه

ده كلام خاطئ

**حماده المصري** · 17-01-2013 09:26 PM

معلش رد مكرر اتمنى حذفه

**M.Ayman** · 17-01-2013 09:53 PM

المشاركة الأصلية كتبت بواسطة atala

كلام جميل بس يا رب خلي لينا الي بيركبو عبريات فخمة زي الالماني لأنهم بصراحة اكثر ناس بتخاف وسط الزحمة علي عربياتهم فالواحد يقدر يكسر عليهم في الزحمة الي احنا عايشنا دي براحته وميخافش

شكلك متعرفهمش يا باشا

انا اعرف واحد كان سايب عربيته e36 من غير ما يظبط سمكرتها عشان يخبط اي حد مش علي هواه او كسر عليه مثلا

و قصاد عيني رمي علي تاكسي رمية واحد مش فارقه معاه العربيه و التاكسي هو اللي جاب ورا

و اعرف ناس زيه كده مبيهموش اي حاجه ممكن يخبطك مثلا عشان غرزه !!!

بس طبعا الغالبيه العظمي بتخاف عليها جدا و ده بيبقي داعي اقوي انك تبعد عنهم عشان زعلهم وحش -قوي-

**kimokaim** · 17-01-2013 09:54 PM

أنا معاك في بعض الحاجات

بس في حاجة لازم تعرفها انك كلما ازددت علما بالشيء ازداد تطلبك لماهو جيد فيه

منطق !! هههههههههه

بصراحة انا بحاول أعمل التوازن فعلا

يعني لو معاي اجيب كل سنتين عربية بضغط على نفسي جدا لان الموديلات والتكنولوجي الجديد مبهر

في مرة غيرت 3 عربيات في 3 سنين !!! وخلاص اقتنعت الان ولن اغير عربيتي لمدة سنتين على الاقل

مع اني بموووووت الف موتة لما بشوف حاجة جديدة بس بمسك نفسي

نفس الحكاية في الموبايلات تبقى عايز تواكب التطور وانت مش بتستفيد الا اذا كنت فعلا محتاج للامكانيات

انا احترم اي انسان بيجيب الحاجة التي فعلا تلبي احتياجاته ولا احترم من يأتي بحاجة للمنظرة والبرستيج الكذاب

**mahmoudselim** · 17-01-2013 11:37 PM

كلام جامد والله ياباشا بس برضوا في استثنائات وماينفعش نعمم برضوا. مش كل الشركات بيقدموا نفس المنتج, في شركات بتقدم حاجات خاصة بيها هيا بس وبتتميز بيها عن اي شركة تاني. يعني مثلا مش هتلاقي في اي عربية سيدان غير السوبارو دفع كلي awd وموتور بوكسر. علشان كدا جمهورها او زباينها بيفضل ولائهم ليها حتي لو سعرها غلي لانها بتقدم منتج فريد مش موجود في اي ماركة تانية وفايدتة أكبر من سعرة بكتير يعني مش حكاية اوبشن زيادة في العربية ولا حاجة بتغري بية عين زباينها. القصد يعني ان كلامك صح جدا بس في عدد محدود من الشركات في العالم بتقدم فعلا تكنولوجيا ومنتج متميزة جدا ومختلف عن الباقي. وفي الغالب يعني الشركات دي مابيكونش ليها بروبجندا اعلانية كبيرة عكس الشركات الاخري.

الموضوع: انت مش غبي انت جميل هم الي اذكيا

LinkBack

أدوات الموضوع

عرض

-

-

-

-

-

المواضيع المتشابهه

:) فيديو جميل

خبر جميل

هو في كدة ولا دة حلم جميل

اسم جميل للمولود

الكلمات الدلالية لهذا الموضوع

المفضلات

المفضلات

ضوابط المشاركة