انت مش غبي انت جميل هم الي اذكيا
السلام عليكم
العربيات بقت
ماركات و توكيلات و تفصيلات و تكنولوجيات و خدمات و تقفيل و امكانيات و ...... الخ
معلش التفاصيل غريبة شوية و الموضوع دا مش هتقرأ زيه كتير لكن اولا احب اسألك سؤال
هل تعلم ان كبرى شركات السيارات تجتمع كل 5 سنوات لتضع الخطوط العريضة للموديلات السيارات الي هتنزل الفترة دي ؟
بدون الاغراق في نظرية المؤامرة لكن محدش يقدر ينكر ان الرأسمالية هدفها الاساسي تحويل المجتمعات كلها لسوق استهلاكية و برمجة المخ البشرى لتحويلة من منتج لمستهلك و اكيد طبعا مستهلك للمنتجات الي هم بينتجوها فقط زيهم زي شركات الموبيلات و الاليكترونيات و حتى الفاست فودز .
في ناس بتشتري عربيات بمبالغ رهيبة علشان الامكانيات الي فيها و هو اصلا و صدقوني و عن ملاحظة مبيستخدموش اكتر من 30 الى 40 في المئة من الامكانيات دي و كان بدل ما يجيب العربية دي الي هي الماركة الفولانية علشان اصحاب الماركة دي قدروا يزرعوا جوة عقل المستهلك دا ان ماركتهم هي الافضل
فكان ممكن يشترى عربية تانية فيها كل الامكانيات الي هو محتاجها و الي سعرها اقل بكتير من العربية ذات الماركة الفولانية او بلد المنشأ الفولاني زي مثلا الي يقولك انا مركبش غير الماني بس ،
يا عم هي الالماني بس الي بتمشي على عجل و الباقي بيسحف يعني طب قولي ايه الفرق فيسرح كدا شوية و يقولك كفاية العفشة بتاعتها ههههههههههههههههههههههه او الي قولك يا عم دي وحش على الطريق و 3000 سي سي ولا 6000 سي سي يعني تضغط بنزين العربية تشرررخ
تشرخ فين يا عم هي مصر فيها حتى تشرخ فيها ؟ و عربية بالمواصفات دي و الي كتير بيروح يلغي معظم امكانيتها في التوكيل ليه تجبها و تدفع علشان يتقال عليك راكب الماركة الفولانية
هي دي بالظبط بالظبط العقلية الي اصحاب الشركات دي عايزنها و بيبرمجوها باحترافية اعلانية و دعائية متميزة .
الخلاصة
متبقاش عامل زي الي دخل السوبر ماركت و قعد يشوف العروض فريقه جرى و قعد يشتري يشتري في حاجات ملهاش لزمة بالنسباله و في الاخر افلس !
حدد انت عايز ايه و اشتريه و اتمنى ان كل واحد يعيد تفكير قبل ما يشتري عربية و يجيب حاجة مش محتاجها بفلوس اكتر بكتير من عربية محتاجها فعلا و هتلبي كل الي انت عايزه حتى لو صيني او هندي .
ملحوظة لها علاقة بالموضوع
احذر انتشار التسويق الاليكتروني بالشكل دا لانهم بيسهلوا عملية التسوق و فتح شهية الاستهلاك و مش عيب انك تشتري اون لاين طبعا لكن حدد الميزانية قبل الدخول و قاوم المغرياااات على مواقعهم .
تحياتي
