صوت خبطة في الفتيس (اوتوماتيك)
السلام عليكم
أنا معايا لوجان اوتوماتيك 2012 عمله 11 ألف كم ... من كام يوم كده بدأ تحصل حاجة غريبة ...
لما باجي ادور العربية الصبح .. المفروض الطبيعي ال rpm بيبقى 1000 وبعدين بيفضل يقل لحد 500 ساعتها مؤشر الحرارة بيجيب شرطتين (لو صيف أو ولا شرطة لو شتاء ) وبتحرك ساعتها عادي .. أنا متعود بسخن العربية دقيقة أو 2 قبل ممشي بيها الصبح ومفيش مشاكل الحمد لله...
المشكله بقى بدأت من يومين كده .. ال rpm أول لما بدور بيطلع لحد 1000 وبعدين كام ثانية كده ويطلع تاني 1100 أو 1200 وبعدين ألاقي اللمبة بتاعت البري هيتينج ( اللي هي مرسوم عليها كويل كده ) بتنور .. وفي الكتالوج مكتوب اللمبة دي بتنور بس في حالتين لو الموتور لسة ماسخنش أو فيه مشكلة في الكهربة ..
المهم بستنى شوية .. (قلت يمكن عشان البرد الموتور لسة بارد) .. بس برده ال rpm بينزل لحد 500 عادي والمؤشر بتاع الحرارة بيجيب شارطيتن وببدء التحرك بس اللمبة لسة منورة !!!!
والمشكلة بقى إن لما ببدء اتحرك ... لما باجي انقل من P ل D .. بسمع صوت زي خبطة كده في الفتيس...الصوت ده قالقني جدا الصراحة .... وهو ده اللي أنا بأسأل عليه ...
لما بمشي شوية كده 500 متر ولا حاجة اللمبة بتطفي وبعدين عادي جدا بقى ... مش بتنور تاني ....
آسف للإطالة بس حبيت أشرح الحالة كاملة ... شكرا.
