المشاركة الأصلية كتبت بواسطة ahmed_gamal
الحمد لله علي كل شئ نزلت امبارح الصبح الساعة 8 مالقتش العربية و مفيش اثار كسر زجاج كأن اللي سرقها ده فتحها بالمفتاح عادي و دورها و مشي
كلمت طبعا ناس تقيلة في الداخلية و عملت محضر و قعدت مع رئيس مباحث سرقة السيارات في مديرية الامن بس انا عارف ان كل ده مالوش اي لازمة
المهم بعد ما نزلت من عنده رقم غريب كلمني بيقولي انه من منطقة اسمها البراني بعد مرسي مطروح وانه اشتري العربية من عيلين في اسكندرية من كرموز ب 22 الف جنيه !!!!!!!!
و ياعيني اكتشف انها مسروقة وهو رجل غلبان مش بتاع الكلام ده و عايز فلوسه اللي دافعها ويديني العربية وانا عمال بتفاوض معاه علي المكان و الفلوس
ياريت لو حد يقدر يفيدني في القصة دي يقولي اعمل ايه علشان انا خلاص جبت اخري و مبقتش عايز العربية و يغور بيها في ستين داهية