الموضوع: عيوب الكارينز الهاى لاين بعد سنة ونص هرى ولف

المشاركة الأصلية كتبت بواسطة محمد بدر

والله عندك حق فى كلامك الشئ الوحيد إللى مزعلنى موضوع المساحة لأن شنطة الكارينز كان بيقعد فيها طفلين كبار أوممكن كمان ثلاثة وفى السفر ميكنش فيه مشكلة طبعا السبورتاج أقل مساحة ويعيبها أكثر فى موضوع المساحة السقف المنخفض
وخد كمان النقطة الهامة دية كنبة الكارينز وضعية الجلوس فيها رائعة وغير وضعية الجلوس كمان ممكن اربعة افراض يجلسوا فيها من غير مشاكل
وخد دية كمان عندما تطوى الكنبة الخلفية المساحة رهيبة ومش موجودة فى عربية زيها غير ان الطى بيكون مستقيم جدا
يا عمنا بصراحة انت جيت على الجرح الكارينز مساحتها مفيش عربية تانية ممكن تعوضها ده غير كمان ان عيوبها لاتذكر - إيه يعنى بطة كل العربيات دلوقتى بطة
وبعدين الكارينز بتجيب 160 كم / ساعة مع اتزان مقبول جدا بس انت جمد قلبك ودوس وتقريبا كل مواتير الكيا تعتبر معمرة و مشكلها أيضا لاتذكر

يا حبيبتى يا كارينز

مش كده ولا إيه

يا باشا ربنا يباركلك فيها ويرزقك خيرها ويكفيك شرها ان شاء الله ، اصل بصراحة ان بسأل لأن انا دايمأ بحب اخد قرار التغيير بفترة طويلة قبل التغيير ،وبصراحة كنت بفكر في السبورتاج بس قولت أسال أهل الخبرة ، انا بقيت كل اما أركب عربية دلوقتي سواء سيدان اوsuv بحس ان نفسي بيضيق وبحس اني مزنوق فيها بصراحة الكارينز دي لعنة ، فيها كل ميزة تخليك متعرفش تفكر في حاجة غيرها ، عاملة زي الحب الأولاني.

المشاركة الأصلية كتبت بواسطة محمد بدر

والله عندك حق فى كلامك الشئ الوحيد إللى مزعلنى موضوع المساحة لأن شنطة الكارينز كان بيقعد فيها طفلين كبار أوممكن كمان ثلاثة وفى السفر ميكنش فيه مشكلة طبعا السبورتاج أقل مساحة ويعيبها أكثر فى موضوع المساحة السقف المنخفض
وخد كمان النقطة الهامة دية كنبة الكارينز وضعية الجلوس فيها رائعة وغير وضعية الجلوس كمان ممكن اربعة افراض يجلسوا فيها من غير مشاكل
وخد دية كمان عندما تطوى الكنبة الخلفية المساحة رهيبة ومش موجودة فى عربية زيها غير ان الطى بيكون مستقيم جدا
يا عمنا بصراحة انت جيت على الجرح الكارينز مساحتها مفيش عربية تانية ممكن تعوضها ده غير كمان ان عيوبها لاتذكر - إيه يعنى بطة كل العربيات دلوقتى بطة
وبعدين الكارينز بتجيب 160 كم / ساعة مع اتزان مقبول جدا بس انت جمد قلبك ودوس وتقريبا كل مواتير الكيا تعتبر معمرة و مشكلها أيضا لاتذكر

يا حبيبتى يا كارينز

مش كده ولا إيه

بتطوي الكنبة ازاي ؟! .. أنا أول مرة أخد بالي انه ينفع أصلاً !!

كلامك ممتاز بعد سنة و نص ما شاء الله ربنا يبارك لك فيها :)

بالنسبة للاستهلاك هو فعلاً عالي جداً، التفويلة عندي بتعمل يا دوب 450 كم بالكتير أوي!!

بالنسبة للسحب، هو تقيل في البداية بس بتجيب معايا لو الطريق مفتوح لحد 140 و من غير ما أسمع صوت الموتور تقريباً و ثبات ما شاء الله عليه 10/10

المشكلة بقى اللي حاسسها فعلاً هي ان الدريكسيون تقيل شوية، معرفش ده تأثير الجنوط الـ 16 ولا هو الباور بتاعها كده

المشاركة الأصلية كتبت بواسطة ahmed_adham

يا راجل حرام عليك ده أنا ناقل خشب المطبخ في العربيه قبل كده. هتلاقي مقبض جنب مسند الراس اللي في الكنبه تفتحه وتكبس ضهر الكنبه على تحت وتعمل العكس عشان ترجعه مكانه. وعشان الكنبه نصين هتعمل الموضوع ده مره من ناحيه الباب اليمين ومره من ناحيه الباب الشمال. بس اوعى تتخض من المساحه اللي هتشوفها لما تقفل المساند. ملعب كوره خماسي :b4_007:

و ربنا أنا مندهش لحد دلوقتي .. لما أشوف كده :)

المشاركة الأصلية كتبت بواسطة mohamed_selim

ابط ضغط الكاوتش صح تلاقى الباور ملبن
الظبط الصح اللى مكتوب على القايم و كتسمعش كلام اى حد يقولك كلام تانى

ظبطة القايم بتنشف العربية أوي :/ .. و شارعنا كله مطبات للأسف .. بس كلامك صح .. أكيد الباور تقبل عشان كده

المشاركة الأصلية كتبت بواسطة domestix007

كلامك ممتاز بعد سنة و نص ما شاء الله ربنا يبارك لك فيها :)

بالنسبة للاستهلاك هو فعلاً عالي جداً، التفويلة عندي بتعمل يا دوب 450 كم بالكتير أوي!!

بالنسبة للسحب، هو تقيل في البداية بس بتجيب معايا لو الطريق مفتوح لحد 140 و من غير ما أسمع صوت الموتور تقريباً و ثبات ما شاء الله عليه 10/10

المشكلة بقى اللي حاسسها فعلاً هي ان الدريكسيون تقيل شوية، معرفش ده تأثير الجنوط الـ 16 ولا هو الباور بتاعها كده

أنا سألت فى التوكيل قبل كده على موضوع تقل الدركسيون وقلتله جرب كده قالى ده الطبيعى بتاعها عشان عفشة العربية تقيلة