الموضوع: سلام عليكم ،،

هو لو ينفع يتظبط من غير رش مافيش مشكلة

اما لو لازم ترش فرش الاكصدامات مايعبش العربية نهائيا

المشاركة الأصلية كتبت بواسطة debedroo

هو حضرتك مكان الحام باين و إلي عملوا قالي إن يترش أحسن بس أنا خايف يعبها والبعض قالي راكب الفايبر أحسن من حيث إن مش مكلف زيي الرش و بيحمي الإكصدام ،،أنا محتار ولهي ،،،معلش هتقل على حضرتك لو أنا هعمل فايبر هيتكلف كام والرش كام ومين أحسن واحد في موضوع الفيبر والرش ،،،والف شكر لردك

الرش بيعتمد على البوية اللى هتستخدمها

طبعا انصح حضرتك بانك ترشه اسكنز لان دي مش بتعمل فرق لون وبتبقى واخدة نفس لون العربية بالظبط !! حاجة محترمة يعني

وده هيكلفك 250 جنيه تقريبا وممكن ترشه عند ورشة نايل موتورز في الحرفيين

انا رشيت عندهم العربية قبل كدة وبصراحة شغل ممتاز ونضيف جدا

بالنسبة للفايبر فانا مش عارف بصراحة حضرتك ناوي تعمل فيها فايبر ازاي ؟ لاني مش متخيل برضوا الخبطة بالظبط !!!

لكنها لو خفيفة انت ممكن تحط عليها استيكر يداريها !!

لو لون عربية حضرتك سودا ممكن تعمل الاكصدام كاربون فايبر وده عبارة عن لزق بيتحط فوق الاكصدام بيداري كل الخدوش والخبطات وممكن يتشال بسهولة جدا وترجع العربية زي ماكنت بدون ماياثر نهائيا على البوية وهيكفلك حوالي 120 جنيه تقريبا

ممكن برضوا تعمل الاكصدام بالكاربون الاسود حتى لو لون عربيتك مش اسود !! بس الفكرة كلها هيبقى الاكصدام لونه كاربون اسود فلو حسيته هيبقى ماشي مع لون عربيتك ممكن تعمله !!