ايه اللى يفضل الاكسنت على الاكسيل ؟؟؟

لو سمحتوا يا شباب...
انا محتار بين الاكسيل والكسنت القديمة
والناس كلها رشحتلى الاكسنت ..
عايز اعرف اية اللى يفضل الكسنت على الاكسيل ؟؟
وشكرا مقدما.

موديلات الاكسيل من 90-98 ( 90-96 كورى خليجى )
افضلهم 95-96
97-98 كورى تقفيل مصرى

1- الأكسنت هتلاقى منها موديلات عاليه عكس الأكسيل ... و هتلاقى منها حالات كتير كويسه ..... انما الأكسيل صعب جدا تلاقى حاله كويسه ...

2- الأكسنت شكلها و ابعادها ... افضل كتير من الأكسيل من وجهه نظرى

و متنساش الأستخاره قبل اى قرار و ربنا يوفقك ان شاء الله

الاكسينت 1300 . موديلها احدث

عيوب الاكسيل بالنسبالها : موديل اقدم . ركب بتتكسر كل كام سنة .

مميزات الاكسيل بالمقارنة بها

-موتور 1500.
-فتح الشنطة والتانك من الداخل .
-كرسي سائق باوضاع مختلفة.
-rbm
-التحكم في ضوء التابلوة .
-التحكم في فتحات التكيف .
-باور
-زجاج كهرباء
-سنتر لوك
-شنطة وصالون اوسع بفرق بسيط جدا
-الشنطة تقفيلها موكيت مش علي الصاج زي الاكسينت
- كونسول

............

مميزات الاتنين : توافر قطع الغيار . وفي حاجات كتير بيركبوا علي بعض منها.

من وجهة نظري المتواضعة ان الاكسيل عربية تجيبها فول اوبشن بنفس سعر عربية فاضية اكسنت

بص يا كبير
مش هعد اشكر لك ف الاكسنت
بس اعد جوا الاتنين
هتلاقي فرق كبير
لو ميفرقش معاك الشكل
يبقى هات الاكسيل
لان الفرق ف الشكل
بس المهم الحالة طبعا

اقتباس:

---

موديلات الاكسيل من 90-98 ( 90-96 كورى خليجى )

---

عربيتى 96 مصرى

اقتباس:

---

- الأكسنت هتلاقى منها موديلات عاليه عكس الأكسيل ... و هتلاقى منها حالات كتير كويسه ..... انما الأكسيل صعب جدا تلاقى حاله كويسه ...

---

طبعا لانها موديل احدث وفضلت تنزل ل2006
والاكسيل صعب يلاقى حاله كويسه لانها اقدم من الاكسنت وكمان ارخص فى السعر
بس انا اشتريت عربيتى فبريقة كلها بس اللى يدور هيلاقى حالات كويسه

اقتباس:

---

عيوب الاكسيل بالنسبالها : موديل اقدم . ركب بتتكسر كل كام سنة .

---

عمرى ماسمعت عن العيب ده مطلقا فى العربيه والحمد لله العربيه بقالها معايا سنين ومحصلش الكلام ده خالص..

بص ياعزيزى..حاجه هتاخد بالك منها فى الفرق مابين الاتنين
لو جبت الاكسيل فابريقة بره هتلاقى الصاج زى ورق الكلينكس بيطبق لو حطيت صباعك عليه
انما لو جبتها راشه بره كده العربيات بقت ناشفه كصاج وهتستحمل معاك

لو جبت الاكسنت كصاج هو قوى على الاقل بالنسبه للاكسيل وده لو فابريقه ولو راشش هيبقى اقوى كمان

طبعا مع اختلاف الشكل وده راجع ليك ومع الوسع بتاع الاكسيل

ب انا لو مكانك هفضل الاكسنت عن الاكسيل لان شكلها احدث وانسيابيه اكتر من الاكسيل

انا معايا الاكسنت 1500 موديل 2000 و صاحبي معاه 95 اكسل كوري و الفرق واضح جدا بالنسبة للعربيتين من وجهة نظري كانسيابية و سحب و جري و عفشة و انجكشن و باور ...... بصراحة فيه فرق طبعا لصالح الاكسنت

انت بس دور علي اكسنت 1500 كويسة كاملة مانيوال و دي لحد موديل 2002 علي ما اعتقد وربنا يوفقك