الموضوع: محتار بين الريو التوكيل و الخليجى

محتار بين الريو التوكيل و الجليجى ؟؟ الخليجى احسن فى كل حاجة ما عدا حوار ان ماليش توكيل فى مصر ؟؟ يعني الصيانة و كدة ازاي ؟؟؟؟؟

الحقيقة انا كنت بقارن بين الخليجي والوكيل في كيا ... علشان كده اتصلت بالاعتماد بتاعهم والضامن طبعا لكل عربيات كيا eti علشان اعرف حقيقة الامور لاني مليت من كتر الكلام اللي سمعته عنها ...
وقالي انه طبعا الخليجي بالنسبة ليهم لو اشتريت ضمان زي تريبل او جلوبال او غيره هو فعلا بيدخل مراكز الصيانة او الخدمة لكن بتدفع مايقارب الضعف احيانا في الحاجة يعني على الاقل حوالي 50 % زيادة على قيمتها ... ده غير طبعا انه لاقدر الله ومع ان فيه انظمة في تريبل مثلا ضمان شامل ضد عيوب الصناعة او زي مابيقولوا من الاكصدام للاكصدام سالته تحديييييدا على الحكاية دي واكد ليا انه - لاقدر الله - في حالة ان المشكلة تكون عيب صناعة مش هيعملك اي حاجة مفيدة فعليا وعليك وعلى الشركة بقى الضامنة تشوف هتعملك ايه للاسف الشديد ... انا حبيت انقلك كلامهم علشان تكون بس على بينة ...
لاني عارف ان الامكانيات الخليجي والاوبشن كتير ومغرية واعلى الفئات عند الوكيل مبتوصلش ليها اطلاقا بس حاجة في الضمان ولا سمك في مية بالنسبة ليا يمكن ... بس اكيد برضوا في ناس جبوها خليجي وخاصة الانواع المنتشرة مش حاجة لسه الناس هتعرفها وطلعت الحمدلله تمام ربنا يباركلهم فيها ويحفظها من كل سوء يعني ....
وعموما شوف واتصل واسال الوكلاء والموزعين ومركز الضمان او الخدمة المعتمد علشان تتاكد اكتر ولو فيه جديد ياريت تقولنا علشان الفائدة تعم ان شاء الله