تقرير بالصور عن صيانةال 1000 لريو هاتشباك 2013 +تقييم حيادى للسيارة بعد اول 1000 كم
بسم الله الرحمن الرحيم
---------------------------
أزيكم يا نمور كيا الاعزاء احب اقدم لكم النهاردة اول تقرير عن صيانة ال 1000 كم لسيارتى العزيزة ريو 2013 هاتشباك خليجى فى مركز توب جير و الى بتعامل علطول معاه و الصراحة ولا اجدع توكيل وانا الحمد لله من الاعضاء المؤسسين فيه .... :wink:
-------------------------------
بدأت الرحلة لما كملت 1000 كم ومشيت كمان ووصلت ل 1050 كم و كلمت المهندس محمد فضالى مدير المركز و اتفقنا على النهاردة علشان نعمل صيانة ال 1000 و الى كان مستنيها من زمان المهندس محمد علشان الحمد لله حب العربية من اول ما شفها جديدة و هو الصراحة من اول الناس الى شافوها و فرح بيها اكنها عربيته تمام و انا فعلا بعتبرها عربيته زى ما هى عربيتى .... وصلت المركز الساعة 4 وحددنا ايه الى هيتم فى الصيانة و كان كالاتى :
1- زيت موتور + فلتر زيت
2- تنظيف فلتر الهواء
3- تربيط العشفه
4- مراجعه السوائل كلها
و بدأت عمله الصيانة
.................................................. ......*
رفعنا العربية على الونش علشان نربط العفشه و ننزل الزيت القديم
http://img580.imageshack.us/img580/5241/img1026gb.jpg
و بدأنا بتنزيل الزيت القديم و الى كان نازل كويس مش وحش و سبنا العربية تصفى براحتها خالص و علشان نكسب وقت ربطنا العشفة قدام وورا وكانت فى حاجات محتاجه تتربط قدام لا كن ورا كانت تمام ...... بعد التربيط كانت العربية صفت كل الزيت و تم تركيب فلتر الزيت الجديد
http://img163.imageshack.us/img163/2863/img1027fw.jpg
بعدين نزلنا العربية وتم تنظيف فلتر الهواء و الكشف على السوائل و كله تمام الحمد لله و جينا للحظة التاريخية لحظة وضع اول جركن زيت جديد فى العربية و حطينا زيت لكوى مولى توب تك 5W40 و ده بيمشى 10000 كم مرتاح
http://img138.imageshack.us/img138/8181/img1028hx.jpg
و الحمد لله العربية خدت 3.5 لتر بالفلتر
وتمت الصيانة بحمد الله
http://img138.imageshack.us/img138/4607/img1029m.jpg
تكلفه الصيانة :
------------------
1- زيت لكوى مولى توب تك : 260 جنية
2- فلتر زيت اصلى : 30 جنية
وكله من المركز مجبتش حاجة من بره
المصنعيات : مدفعتش حاجة محمد فضالى الجميل كالعاده مع العبد لله قالى هدية العربية الجديدة اول صيانة ببلاش :shine[1]:
-------------------------------------
التقييم بعد اول 1000 كم للسيارة :
- الموتور : مع الوقت العربية بحساها بتفوق اكتر و اكتر وماشاء الله الموتور مش 1400 خالص ... الموتور اداء 1600 بجداره انا على فكره كنت راكب جيتز 1600 مانوال وانتوا عارفين الجيتز بتجرى ازاى .. الحمد لله العربية سحبها ماشاء الله جميل جميل ولا اى 1600 ...
- العفشه : رغم ان الجنوط 17 منشفه الدنيا حبه و ده طبيعى بس العفشه ناعمة مش زى السيراتو الكوبيه والعادية تحس فيها بدب خالص .... و انعم من عفشه الجيتز
3- استهلاك البنزين : بيتحسن بشكل ملحوظ و الحمد لله بتعمل معايا فى الصفيحة 200 كم فى الزحمة الشديدة و على الطريق السريع وصل معايا نص التانك ل 260 كم ماشاء الله و انا راضى جدا جدا عن الاستهلاك الحمد لله بس ملحوظة مهمة ياشباب التنك لازم تفوله للاخر علشان تعرف تحسب الاستهلاك صح و تكون عارف انها التنك اتمله للاخر لان العربية بعد اول فصلة من المسدس بتاخد بتاع 5-8 لتر حاجة كده
4- الثبات : الحمد لله فرق كبير عن الجيتز رغم انى مجرتش اكتر من 120 لحد دلوقتى بس الحمد لله العربية ثابتها ممتاز
5- داخليا : العربية ممتازة ومريحة فى السواقه جدا رغم ان فى حاجة مضايقانى انى معنديش المسند بتاع الايد الى فى الكونسول الى فى النص ( نازل فى كل الفئات ماعدا الفولى لودد !! ) و نظام الصوت الى نازل فيها ممتاز ممتاز و التبلوه تحس فيه بفخامة العربيات الاوروبى
الخلاصة : العربية بالنسبة ليا انا راضى تماما عنها ولو رجع بيا الزمن هجبها تانى و تالت
