الرجاء الافادة اخواني في الله

**طارق سمبر انور** · 18-01-2013 02:17 AM

الحمد لله ربنا قدرني وغيرت عربيتي اللادا 2105 بسيارة لانوس موديل 99 كوري وانا مستجد في اللانوس ومش فاهم حاجة فيه فالرجاااااااء الافادة .
الحمد لله العربية حلوة معايا وكل حاجة بس في زي خبطة بتحصل من الشكمان من ورا من المكنة نفسها وزي كده متقولوا " ان كهربة العربية مش مظبوطة في اللادا " وكمان العربية بتطلع دخنه بيضة مع ريحة الدخان الجامده جدا مع كل ضغطة علي دواسة البنزين .
كمان كنت عاوز اعرف الفوانيس بتاعتها اضائتها ضعيفة وكأنها ناقص لها ارضي مع اني وصلت وصلت ارضي لها من برة برة كده ولكن دون جدوي ارجو الافاده واسف علي الاطاله .

**AlGazar2** · 18-01-2013 02:37 AM

الاول مبروك العربية و ربنا يديك خيرها و يكفيك شرها

تانى حاجة بقى اعمل سيرفيس كامل للعربية سير كاتينه و بلية و سير دينامو و تكييف و غير زيوتك كلها ماتور و فتيس و فرامل و باور و بوجيهات و فلاترك كلها برضه و تنضف البوابة و الايديل عشان العربية تفوق معاك

ريحة العادم دى ليها كذا حاجة لو ريحة بنزين تبقى رشاشات الدخنة البيضة دية بخار مياه ولا ايه الجو ده دايما بيخلى اى عربية تعمل دخنه بيضه بتبقى بخار مياه

اهتزاز الشكمان من ورا ده ممكن يبقى العربيه عايزه ايديل ليرن و تنظيف البوابة

**طارق سمبر انور** · 18-01-2013 02:41 AM

الف شكر لمشاركتك انا فعلا عملت التشيك ده النهارده بس ريحة الدخان الجامده جدا مع كل ضغطة علي دواسة البنزين دي مزعلاني وكمان السلانسيه بتاع العربية عالي شوية
انا قرأت عن حاج اسمها الايدل ليرن هل دي مفيده في حالتي دي وشكرا اخي العزيز

**AlGazar2** · 18-01-2013 04:05 AM

المشاركة الأصلية كتبت بواسطة طارق سمبر انور

الف شكر لمشاركتك انا فعلا عملت التشيك ده النهارده بس ريحة الدخان الجامده جدا مع كل ضغطة علي دواسة البنزين دي مزعلاني وكمان السلانسيه بتاع العربية عالي شوية
انا قرأت عن حاج اسمها الايدل ليرن هل دي مفيده في حالتي دي وشكرا اخي العزيز

لو ريحه العادم دى ريحه بنزين يبقى كده الحرق عندك مش مظبوط و هتلاقى الشكمان مهبب
و دى اسبابها اما من
الرشاشات - البوجيهات و اسلاكها - حساس الشكمان لو موجود فى اللانوس الى معاك - فلتر هواء وحش - و ممكن الموبينه بس ده احتمال بعيد عشان مش متلته معاك ولا حاجة

الايديل ليرن هيبقى مفيش شويه بس لو فى مشكله مش هيحلها جرب اعمله و شوف ايه النتيجة و ممكن تكشف على العربية باسكانر و تشوف قراءات الحساسات ده هيبين المشكله فين بالظبط

**dedi** · 18-01-2013 01:07 PM

حط العربية على سكانر علشان تطمن على الحساسات

**طارق سمبر انور** · 18-01-2013 07:04 PM

لا هي ريحة دخان فعلا مش بنزين
ريحة دخان مع خروج دخان ابيض مع ان الشكمان بيعرق لكن الخبطة اللي بتيجي من المكنة " زي نفضة كدة " مبوظة صوت العربية خالص وكمان مبدورش من اول تكة بالاضافة الي ان صوت السلانسية عالي والمكنة صوتها خشن

**AlGazar2** · 18-01-2013 09:24 PM

لو الدخان ده فى اول الدوراه بس يبقى ده كاوتش صباب و الصوت ده بتاع الصبابات
مبتدورش من اول تكه لو العربية بتسيبها بعد مشوار ساعتين كده يبقى دى رشاشات
لو اول مره تدورها ممكن يبقى البطارية ضعيفة او فى حاجة فى المارش

صوت الخشونه ده جرب تغير نوع الزيت و انصحك بشيل الاصفر او فالفولين الاسود او فيسكو 3000 هيهدوا المكنة شوية ( شكلها كده بيتحطلها موبيل )

و العربية لازم يتعملها طقم السرفيس ده و يتكشف عليها عشان لو فيها حساس بايظ يبان عشان محدش من الميكانيكية يعمل عليك شغل