الموضوع: فلتر الهواء

موضوعي الاتي بيتكلم عن فلتر الهواء في السياره....ايه الحكايه طيب وايه اللي يخليني اكتب عن الموضوع ده؟؟!!!

هاقولك..طبعا زي محنا عارفين كل واحد مننا بيحاول يخللي سيارته بأحسن اداء وسرعه وصوت جميل للموتور صح؟ طبعا صح ...في نفس الوقت هيلاقي العقبه الكبيره اللي قدامه اللي هيا الفلوس..اشمعنى الفلوس؟؟ اقولك...اقل حاجه لتحسين اداء وعزم السياره اللي هوه التيربو؟؟ وده اقل نوع فيه ب 4000 جنيه!! طب نيجي للniutros اقل نوع منه (اسطوانات+خراطيم+ قاعده للكاربريتير) بحوالي 1200 جنيه!!!
والكلام ده كله مع الزمن بيستهلك الموتور ويبوظه بعد فتره نظرا لأنها مخصصه مش لكل العربيات ولكن للبعض اللي بيدي عزم منخفض على ccعالي !! مش مهم اخر جزء...المهم لقيت انا بقى ايه؟؟؟

لقيت انه اللي يغير في عزم السياره بشكل ملحوظ( هاتحس بفرق بجد) وبالتالي تسارع السياره ولو كان الccمنخفضهوه (الفلتر) واقصد بالفلتر sport car filter وبدون اضرار جانبيه

طب معنى كده انه في فرق بين الفلتر العادي والفلتر الرياضي؟؟

الفرق هاتقرأه فل السطور الجايه


مقدمه لابد منها:-


الفلتر هو الجزء الخاص بتنقيه الهواء من الاتربه والشوائب وتمرير الهواء نقيا الي الكاربريتير او جهاز الحقن في السياره وذلك حتى يتسنى خلط الهواء والبنزين جيدا وضخ هذه الشحنه الى الموتور لاتمام عمليه الاحتراق...... طب وايه النظام هنا انا مش فاهم حاجه؟

اقلك الشحنه اللي داخله دي لازم يكون فيها نسبه الهواء 2\3من نسبه البنزين وبالتالي لو النسبه قلت عن كده البنزين هايفضل سائل او قريب من كده وهوه داخل عل الموتور وبالتالي الpiston جوه السياره لا يؤدي عمله على اكمل وجه ليه؟ لانه هوه هايستطيع حرق بس الجزء المتحول لبخار اللي هوه 2\3
نسبه الهواء للبنزين للي فيه (اقصد من كده ايه ؟؟ بمعنى لو انته دايس عل زياده هايدخل بنزين زياده محتاج هواء زياده علشان يتحول للشحنه(2\3 نسبه الهواء فيها للبنزين) وبالتالي هايسحب من الفلتر نسبه اكبر من الهواء وهنا بقى لب الموضوع!!!

معنى انه يسحب هواء اكتر انه نركيبته او المواد اللي متصنع منها تسمح بمرور اكبر كميه من الهواء خلاله واقل كميه من الشوائب......

وهنا هيبدأ الموضوع
الفلتر العادي: مصنوع من مواد استغفر الله العظيم نفس المواد الورقيه اللي بينتج منها الدفاتر الكتابه !!
ايوه والله؟ وده نظرا لأن شركات العربياتبتنظر للموضوع من نظره اقتصاديه بحته

الفلتر الرياضي:مصنوع من مواد تسمى بالمواد الاسفنجيه زي(الكربون والكتان....) وده مواد بتسمح بمرور الهواء بشكل عالى جداجدا بدون شوائب وبالتالي الشحنه بتدخل كلها على هيأه بخار يحترق كله
ومعنى انه يحترق كله انه بيدي دفعه اكبر لل piston ولو زدت دوست البنزين هايزيد الدفعه وتلاقي نفسك طاير

كله بقى كوم والصوت الناتج عنه كوم( بيديك صوت زي سيارات الرالي بالظبط!! وده ناتج عن فكره عمله اللتي تعتمد على دوران الفلتر طول ما انته دايس عل البنزين)!!
وبالتالي انته كده ضربت عصفورين بحجر زودت امكانيه عربيتك ( بدون اي اضرار جانبيه) وحصلت عل الصوت المطلوب والمنظره اللي انته عايزها!!