كنت ناوى اجيب لانوس و حظرونى - ارجو الافاده

**mero100** · 20-01-2013 09:59 AM

المشاركة الأصلية كتبت بواسطة mtolaymat

الف الف شكر ... بس كده بردو حضرتك بترشح اللانوس ؟

أيوه لعده أسباب ..
‏1- العربيات التجميع و التقفيل المصري كلها عيوب .
‏2- اللانوس بالنسبه لي أحسن الوحش .
‏3- حاليا توكيل منصور مظبوط و مش بيضايقوا العملاء و بيغيروا أي قطع فيها عيوب .
‏4- إحتمال أنا يكون حظي سيئ و وقعت في عربيه فيها مشاكل .
بس بخلاف موضوع النتشه اللي ذكرته .. جميع العيوب اللي ذكرتها لاحظت إنها عيوب مشتركه و ده من خلال كلامي مع مالكين اللانوس في التوكيل .

أنا نقلت تجربتي بحياديه و أمانه و ذكرت العيوب و المزايا ..

**mtolaymat** · 21-01-2013 12:27 AM

الف الف شكر

**agaty1st** · 21-01-2013 10:10 AM

المشاركة الأصلية كتبت بواسطة mtolaymat

و بردو حد يقولى .. انا معيه فى حدود 70 الف .. اجيب ايه ؟

خش على الفيرنا

**m_medo** · 21-01-2013 11:51 AM

اللانوس تجيبها دايو ومتجيبهاش جديدة... انا كنت باشترى عربية بقالى 3 شهور... وبدأت انى عايز اجيب زيرو وبالفعل بعد بحث دام شهرين حجزت لوجان اوتوماتيك عن قناعة تامة... لكن بعد ما سعرها غلى وناس اصحابى حذرونى من موضوع ان الاوتوماتيك تشتريه فى عربية غالية لكن فى الفئة دى بيبقى مشكلة...
المهم لغيت الحجز و حاليا بشترى دايو لانوس....
خلاصة القول ان فيه عربيات معمولة عشان تشتريها مستعملة وعربيات تانية عشان تجيبها زيرو... مثلا ال 128 كانت بتتباع زيرو لحد كام سنة فاتت... لكن لما واحد صاحبك كان يقولك انا رايح اجيب 128 كنت بتفهم على طول انه يقصد مستعمل... جرب الكلام ده دلوقتى هتلاقيه ينطبق على اللانوس.
ده مش تحقير للعربية طبعا بالعكس... مقارنة اى سيارة بال128 تعنى انها سيارة اقتصادية.... وانا بأقولك ان ان شاء الله هجيب واحدة قريب دايو.... زى ما قلتلك اشترى دايو لانوس مستعمل او فيرنا مستعمل لحد ما ربنا يكرمك وتجيب حاجة فوق ال100 الف جنيه زيرو.
دى خلاصة تجربة بحثى